Wikang Klingon
Ang wikang Klingon o tlhIngan Hol [sa wikang pang-Klingon] ay isang kathang-isip na lengguwahe na sinasambit ng mga katauhang Klingon sa mga kathang-isip na kuwentong pang-agham ng Star Trek. Nilikha ito ni Marc Okrand. Tinagurian din itong Klingonese [bigkas: kling-ngon-nis] (o Klingones {kling-ngo-nes},kapag sinunod ang ating pagbabaybay na katulad sa pagsasalin ng salitang English, na naging Ingles sa wikang Tagalog). Isa lamang ito sa mga wikang Klingonaase, sapagkat sinasabi ng mga dalubhasa sa kathang-isip na mundo ng Star Trek na may iba pang mga diyalekto ang mga karakter na Klingon.[1]
Ilang mga halimbawa ng mga salitang Klingon ang mga sumusunod:[1]
- Qapla' - isang pagbati, na nangangahulugang "tagumpay" {kaya ang Qapla'! ay: Magtagumpay ka!, Sumaiyo nawa ang tagumpay! o Makamit mo sana ang tagumpay!} (ginagamit katulad ng paggamit natin ng Mabuhay! at Maligayang pagdating!)
- Qo'noS - ang pinakapangunahing tahanang-planeta ng mga Klingon
- bat'leth (o betleH) - isang sandatang may apat na tabas ng talim, na ginagamit sa pamamagitan ng dalawang kamay
- bekk (o beq) - isang ranggong pansundalo sa hukbong pansandatahan ng mga Klingon
- Gre'thor (o ghe-tor) - ang impiyerno, na nararating ng mga Klingon na hindi naging marangal sa pakikipag-digmaan
- jIH - isang salitang nangangahulugan ng "ako ay"
- jeghpu'wI - mga sinakop na mamamayang hindi Klingon, higit pa ang kahulugan nito kung ikukumpara mula sa salita nating alipin
- petaQ (o pahtk) - isang salitang nakakainsulto
- Sto-Vo-Kor (o Suto'vo'kor) - ang paraiso, ang kabilang-buhay para sa mga mararangal na sundalong Klingon
- raktajino (o ra'taj) - ang "kape" ng mga Klingon
May kawikaan (proverb) ang mga Klingon na: "Isang hangal lamang ang nakikidigma sa loob ng isang nasusunog na kabahayan."
Mga talasanggunian [baguhin]
- ↑ 1.0 1.1 DeCandido, Keith R.A. Star Trek, Klingon Empire, A Burning House, Pocket Books, Simon & Schuster, Inc., CBS Studios, Inc., New York, (2008), dahon 16, 391 hanggang 398, at iba pang mga pahina, ISBN 978-1-4165-5647-3 at ISBN 1-4165-5647-8
Mga talaugnayang panlabas [baguhin]
- Klingon Language Institute
- Klingon and its User: A Sociolinguistic Profile — Sosyolingguwistika — M.A. Thesis
- Klingon as Linguistic Capital: A Sociologic Study of Nineteen Advanced Klingonists (PDF) (HTML version) — Sosyolohiya — Bachelor's Thesis; kabilang ang talaan ng mga kanonikal na mga salita at mga neolohismo o slang
- Klingonska Akademien
- Is Klingon an Ohlonean language? A comparison of Mutsun and Klingon
- Omniglot: Klingon Alphabet
- Deutsche-Welle's Klingon Language Service
- BBC article on Deutsche-Welle's Klingon Language Service
- impormasyon tungkol sa mga Skybox Trading card, na may sulat-kamay na pang-Klingon
- Klingon Wikia: isang ensiklopedyang nakasulat sa wikang Klingon
- Klingon wikia dictionary in Klingon
- Google na nasa wikang Klingon
- Klingon Rock
- Deutsche Welle Germany's International broadcaster goes Klingon
- Klingon Custom Culture for Windows Vista
