William Harrison Ainsworth
Si William Harrison Ainsworth (Pebrero 4, 1805 – Enero 3, 1882) ay isang Ingles na manunulat ng romansa, nobelistang pangkasaysayan, tagapamahayag, at manananggol. Mas itinuturing siya bilang isang bantog o popular na manunulat sa halip na isang dakilang may-akda.[1]
[baguhin] Talambuhay
Ipinanganak si Ainsworth sa Manchester, Ingglatera. Anak na lalaki siya ng isang solisitor. Bagaman may kasanayan sa larangan ng batas, mas naibigan ni Ainsworth ang pagsusulat noong magkaroon ng karanasan sa pamamahayag. Namatay siya sa Reigate, Ingglatera noong 1882.[1]
[baguhin] Mga akda
Ang akdang Rookwood noong 1834 ang tanda ng una niyang pagiging matagumpay sa larangan ng pagsusulat ng romansa. Ikaapat sa kanyang mga nobela ang Tower of London ("Tore ng Londres") na isinulat niya, ayon sa kanya, upang maantig ang kamalayan ng kanyang mga kababayan hinggil sa kasaysayan ng paksang tore.[1]
