Aliquippa, Pennsylvania
Aliquippa, Pennsylvania | |
|---|---|
 Kabayanan ng Aliquippa noong 2008 | |
 Kinaroroonan sa Kondado ng Beaver, Pennsylvania | |
| Mga koordinado: 40°36′54″N 80°15′47″W / 40.61500°N 80.26306°W | |
| Bansa |  Estados Unidos |
| Estado |  Pennsylvania |
| Kondado | Beaver |
| Tinirhan | 1793 |
| Ingkorporado | 1894 |
| 1928 (bayan) | |
| 1987 (lungsod) | |
| Pamahalaan | |
| • Uri | Sangguniang Panlungsod |
| Lawak | |
| • Kabuuan | 4.60 milya kuwadrado (11.90 km2) |
| • Lupa | 4.19 milya kuwadrado (10.86 km2) |
| • Tubig | 0.40 milya kuwadrado (1.04 km2) |
| Taas | 850 tal (260 m) |
| Populasyon | |
| • Kabuuan | 9,238 |
| • Kapal | 2,202.67/milya kuwadrado (850.54/km2) |
| Sona ng oras | UTC−5 (Eastern (EST)) |
| • Tag-init (DST) | UTC−4 (EDT) |
| Kodigong ZIP | 15001 |
| Kodigong FIPS | 42-00820 |
| Websayt | Website ng Lungsod ng Aliquippa |
Ang Aliquippa ay isang lungsod sa Kondado ng Beaver, Pennsylvania sa Estados Unidos. May populasyon itong 9,238 katao batay sa senso sa Estados Unidos noong 2020.[3] Matatagpuan ito sa kahabaan ng Ilog Ohio, 18 milya (29 km) sa hilagang-kanluran ng Pittsburgh. Bahagi ng kalakhang pook ng Pittsburgh ang lungsod.
Dating kinaroroonan ng isang malaking sentrong pangkalakalan ng mga katutubong Amerikano ang Aliquippa. Lumaki ang lungsod bilang isang sentro ng paggawa ng bakal noong unang bahagi ng ika-20 dantaon, katulad ng ibang mga bayan sa lugar. Naghirap ang pamayanan magmula nang nagsara ang marami sa mga negosyo sa lungsod noong dekada-1980.[4]
Kasaysayan
[baguhin | baguhin ang wikitext]
Itinatag ang pamayanan ng Aliquippa sa pamamagitan ng pagsasanib ng tatlong bayan: Aliquippa, Woodlawn,[5] at New Sheffield.[6][7] Walang tiyak na ugnayan ang pangalan ng lungsod kay Reyna Aliquippa ng katutubong Seneca. Sa halip, isa ang "Aliquippa" sa ilang mga pangalang Indiyan na arbitraryong pinili ng kompanyang Pittsburgh and Lake Erie Railroad noong 1878 para sa mga estasyon sa kahabaan ng kanilang ruta.[7] Ang Mt. Carmel Presbyterian Church (dating White Oak Flats Presbyterian Church), na itinatag noong mga 1793 sa Daang Brodhead, ay ang pinakamatandang simbahan sa loob ng kasalukuyang hangganan ng lungsod.[7]
Nakilala nang husto ang Aliquippa bilang kinaroroonan ng isang masigasig na pagawaan ng bakal na itinayo ng Jones and Laughlin Steel Company sa tabi ng Ilog Ohio noong 1905. Kinaya nitong magpasustento sa hanapbuhay ng bayang may populasyon na 27,023 katao noong 1940.[7] Sinara ang pagawaan noong 1984 sa kasagsagan ng pagbagsak ng industriya sa bakal noong dekada-1980, at giniba ito noong 1988. Ang pagkawala ng industriyang ito pati ang suburbanization ay nagdulot ng malaking pagbawas ng populasyon pagsapit ng katapusan ng ika-20 dantaon. Maraming mga negosyo ng lungsod ang umalis mula nang nagsara ang pagawaan. Naghirap ang ekonomiya ng lungsod habang tumataas ang krimen sa paglipas ng panahon.
Pormal nang ikinarta ng Sangguniang Bayan ng Aliquippa (Aliquippa Borough Council) ang dating bayan (borough) ng Aliquippa bilang isang lungsod noong 1987. Ang BF Jones Memorial Library ay isang makasaysayang palatandaang pook ng lungsod.
Heograpiya
[baguhin | baguhin ang wikitext]Napapaligiran ng Hopewell Township ang Aliquippa. Matatagpuan sa kabilang panig ng Ilog Ohio ang mga sumusunod na karatig-munisipalidad, mula hilaga patimog: ang borough (o bayan) ng Baden, ang Harmony Township, at ang borough ng Ambridge. Dinudugtungan ng Tulay ng Ambridge–Aliquippa ang bayan ng Ambridge sa lungsod ng Aliquippa.
Demograpiya
[baguhin | baguhin ang wikitext]| Makasaysayang populasyon | |||
|---|---|---|---|
| Senso | Pop. | %± | |
| 1900 | 620 | — | |
| 1910 | 1,743 | 181.1% | |
| 1920 | 2,931 | 68.2% | |
| 1930 | 27,116 | 825.1% | |
| 1940 | 27,023 | −0.3% | |
| 1950 | 26,132 | −3.3% | |
| 1960 | 26,369 | 0.9% | |
| 1970 | 22,277 | −15.5% | |
| 1980 | 17,094 | −23.3% | |
| 1990 | 13,374 | −21.8% | |
| 2000 | 11,734 | −12.3% | |
| 2010 | 9,438 | −19.6% | |
| 2020 | 9,238 | −2.1% | |
| Mga sanggunian:[8][9][10][11][3][2] | |||
Umabot sa pinakamalaking populasyon ang lungsod noong dekada-1930. Mula noon, bumaba nang dalawang-katlo ang populasyon nito, mula sa pinakamalaking bilang na 27,116 sa senso noong 1930.
Mga sanggunian
[baguhin | baguhin ang wikitext]- ↑ "ArcGIS REST Services Directory". United States Census Bureau. Nakuha noong Oktubre 12, 2022.
- 1 2 "Census Population API". United States Census Bureau. Nakuha noong Oktubre 12, 2022.
- 1 2 "QuickFacts: Aliquippa city, Pennsylvania". census.gov. Nakuha noong Setyembre 13, 2021.
- ↑ "History - City of Aliquippa". City of Aliquippa. Inarkibo mula sa orihinal noong Disyembre 26, 2021. Nakuha noong Nobyembre 7, 2021.
- ↑ "Woodlawn, Beaver County, Pennsylvania". Geographic Names Information System, U.S. Geological Survey.
- ↑ "New Sheffield, Beaver County, Pennsylvania". Geographic Names Information System, U.S. Geological Survey.
- 1 2 3 4 "Aliquippa". Beaver County Bicentennial Atlas. 2002. Inarkibo mula sa orihinal noong Mayo 2, 2015. Nakuha noong Mayo 19, 2018.
- ↑ "1940 US Census". Inarkibo mula sa orihinal noong Marso 27, 2010. Nakuha noong Disyembre 12, 2017.
- ↑ "1960 US Census". Inarkibo mula sa orihinal noong Enero 23, 2013. Nakuha noong Disyembre 12, 2017.
- ↑ "1990 US Census" (PDF). Inarkibo (PDF) mula sa orihinal noong Oktubre 16, 2010. Nakuha noong Disyembre 12, 2017.
- ↑ "U.S. Census website". United States Census Bureau. Inarkibo mula sa orihinal noong Disyembre 27, 1996. Nakuha noong Enero 31, 2008.
Mga panlabas na link
[baguhin | baguhin ang wikitext]| International | |
|---|---|
| National | |
| Geographic | |
| Other | |
