Araling pangmidya

Ang araling pangmidya ay isang disiplina at larangan ng pag-aaral na humaharap sa nilalaman, kasaysayan, at mga epekto ng sari-saring midya; partikular na ang 'midyang pangmasa'. Maaaring humango ang araling pangmidya ng mga tradisyon magmula kapwa sa mga agham na panlipunan at araling pantao, subalit karamihang magmula sa pangunahing mga disiplina ng komunikasyong pangmasa, komunikasyon, mga agham na pangkomunikasyon at araling pangkomunikasyon. Ang mga mananaliksik ay maaari ring magpaunlad at gumamit ng mga teoriya at mga metodo magmula sa mga disiplina na kinabibilangan ng araling pangkultura, retoriko, pilosopiya, teoriyang pampanitikan, sikolohiya, agham na pampolitika, ekonomiyang pampolitika, ekonomika, sosyolohiya, antropolohiya, teoriyang panlipunan, kasaysayang pangsining, at kritisismong pangsining, teoriyang pampelikula, teoriyang peminista, at teoriyang pang-impormasyon.

Edukasyong pangmidya

Ang edukasyong pangmidya ay ang proseso ng pagtuturo at pagkatuto na patungkol sa midya. Hinggil ito sa pagpapaunlad ng mga kakayahang pangsuri at panlikha ng mga kabataan na nauukol sa midya. Hindi dapat ikalito ang edukasyong pangmidya sa teknolohiyang edukasyunal o sa midyang edukasyunal. Ang mga surbey ay paulit-ulit na nagpapakita na, sa pinaka industriyalisadong mga bansa, ang mga bata ay gumuguol ng masa maraming panahon sa pagpapanood ng telebisyon kaysa sa paaralan, o gayundin sa anumang ibang gawain na bukod sa pagtulog (Livingstone at Bovill, 2001; Rideout et al, 1999). Ang edukasyong pangmidya ay walang nakapirming lokasyon, walang malinaw na ideolohiya at walang tiyak na tagatanggap; nasalalay ito sa mga nasusumpungan ng isang pamilihang pampananalapi na mas malaki kaysa sa sarili nito.

Literasiyang pangmidya

Ang literasiyang pangmidya ay isang repertoryo ng mga kakayahan o kagalingan na nakapagpapakaya sa mga tao na suriin, siyasatin, at lumikha ng mga mensahe sa loob ng isang malawak na mga modelo ng midya, mga henero, at mga porma o anyo (Wikipedia). Ang isang tao na literato o edukado sa midya ay maalam o nakakabatid. Ang mga mamamayang hindi nakakabatid o kampante ay nakapagpapalakas sa neoliberalismo habang ang mga mamamayang nakakabatid ay nakapagpapahina sa neoliberalismo. Maraming mga dahilan kung bakit ang araling pangmidya ay wala sa kurikulum ng paaralang primaryo at sekundaryo, kabilang na ang mga pagbabawas ng mga laang-gugulin at mga serbisyong panlipunan pati na ang mga talatakdaang labis ang pagkakapuno at mga inaasahan.

Araling pangmidya at salungatang Israeli-Palestino

Paghahati-hati sa mga naratibo ang lumilitaw sa araling pangmidya na may kinalaman sa salungatang Israeli–Palestino kung saan may tuloy-tuloy na pagkiling sa mga midyang Kanluranin, Israeli, at Arabo sa pamamagitan ng mapiling pagbabalangkas lalo na nang matapos ang mga pangyayari noong Oktubre 2023 sa mga debate hinggil sa paggamit ng salitang "henosidyo."

Noong 2024, binigyang kredito ng eksperto sa Timog-silangang Asya na si Ramon Guillermo ang mga awtor ng Kontra Imperyalismo at Henosidyo: Ang Palestina sa Kuko ng Zionismo at Neokolonyalismo (ISBN 978-621-06-1257-8). Aniya: "Nakakataba ng puso na sa kabila ng garapalang manipulasyon at pambabaluktot ng balita sa direksyong maka-Israel at maka-USA hinggil sa mga nangyayari sa Palestina ay nanindigan at nag-inisyatiba ang mga matatapang na iskolar at manunulat na Pilipino na sina Jose Mario de Vega, Ruel F. Pepa, DC Alviar, at Joseph D. Ramiscal na kontrahin ang baha ng disimpormasyon na ikinakalat at ikinakalakal ng dominanteng media na kontrolado ng mga operatibo ng USA sa pamamagitan ng napapanahong maliit na aklat na ito."