Arasu
| Arasu | |
|---|---|
| ಅರಸು | |
| Direktor | Mahesh Babu |
| Prinodyus | Parvathamma Rajkumar |
| Iskrip | Janardhan Maharshi |
| Kuwento | Janardhan Maharshi |
| Itinatampok sina | Puneeth Rajkumar, Meera Jasmine, Ramya |
| Musika | Joshua Sridhar |
| Sinematograpiya | Ramesh Babu |
| In-edit ni | S. Manohar |
Produksiyon | Poornima Enterprises |
Inilabas noong |
|
Haba | 152 min |
| Bansa | Indiya |
| Wika | Kannada |
Ang Arasu (na nangangahulugang “Paghahanap” o “Hari”) ay isang pelikulang romantikong drama sa wikang Kannada mula sa Indiya na ipinalabas noong 2007 at idinirehe ni Mahesh Babu. Tampok dito si Puneeth Rajkumar sa pangunahing papel bilang anak ng isang maimpluwensyang negosyante na iniwan ang kanyang minanang yaman upang mamuhay nang mag-isa matapos siyang tanggihan ng isang babaeng niligawan niya, na ginampanan ni Ramya.[1] Nang pumasok sa kanilang buhay ang isang dalagang mula sa panggitnang uri, na ginampanan naman ni Meera Jasmine, naging isang love triangle o trianggulong pag-ibig ang kanilang kwento. Sina Srinivasa Murthy, Komal, at Adi Lokesh ay gumanap sa mga suportang papel. Nagkaroon ng pagpapakitang kamiyo (o cameo) ang mga aktor na sina Darshan at Aditya, pati na rin ang aktres na si Shriya Saran, na dito unang lumabas sa isang pelikulang Kannada. Isinalin din ang pelikula sa wikang Hindi bilang Zinda Dili[2] at sa wikang Marathi bilang Premachi Satva Pariksha.[3]
Balangkas
[baguhin | baguhin ang wikitext]Ang Arasu ay umiikot sa kuwento ni Shivaraj Arasu, isang NRI (Non-Resident Indian o Indiyanong Di-residente) mula sa isang mayamang pamilyang negosyante, na inuubos lamang ang kanyang oras sa paggasta ng pera ng pamilya. Pinayuhan siya ng kanyang tagapamahalang si Ramanna na bumalik sa Indiya upang pamunuan ang mga matagumpay na kompanyang nasa ilalim ng kanyang pangalan.
Pagdating sa Indiya, nahirapan si Shivaraj na makibagay matapos ang maginhawa at sanay sa layaw na pamumuhay niya sa Amerika. Nahulog ang loob niya kay Shruthi, ang anak ni Ramanna, at agad siyang nag-alok ng kasal. Subalit tinanggihan siya ni Shruthi at tinuligsa ang kanyang pamumuhay na sanay sa layaw. Hinamon siya nitong kumita ng kahit ₹5,000 kada buwan sa sarili niyang pagsisikap bago niya isaalang-alang ang panliligaw nito. Sinabayan pa ito ng mapanuyang komento tungkol sa kompanyang pinanggalingan ni Shivaraj. Labis itong ikinagulat ni Shivaraj, kaya’t tinanggap niya ang hamon at iniwan ang kompanya upang maghanap ng sariling trabaho.
Walang dalang pera at walang matirhan, nagsimula si Shivaraj sa hirap. Gutom na gutom, pumasok siya sa isang kainan at humingi ng pagkain. Namangha siya sa murang presyo pero pinalayas ng may-ari dahil hindi siya pinaniwalaan sa pangakong babayaran ito nang daan-daan pagkaraan. Habang naglalakad, nakakita siya ng matandang babae na nagtitinda ng saging. Kumain siya ng dalawang piraso at nangakong babayaran ito ng ₹200,000 pagkalipas ng isang buwan.
Sa puntong ito, nakilala niya si Aishwarya, isang simpleng dalaga. Nang atakihin ito ng mga siga, ipinagtanggol siya ni Shivaraj, dahilan para hangaan siya ng mga tao. Kalaunan, nakakuha siya ng trabaho bilang sales representative o tagapagbenta sa isang tindahan ng mga saree (tradisyunal na damit na sinusuot ng mga babaeng taga-Timog Asya) kung saan nagtatrabaho rin si Aishwarya. Pinatira siya nito sa isang maliit na silid sa kanilang tahanan. Tumira siya roon sa loob ng isang buwan, natutulog sa sahig, at naging masipag at matulungin sa mga kapitbahay. Unti-unti siyang minahal ng komunidad at natutong mamuhay nang may pagpapakumbaba.
Lubos ang pasasalamat ni Shivaraj kay Shruthi sa pagbibigay ng hamong nagbago ng kanyang pananaw sa buhay, at mas lalo niyang pinapahalagahan si Aishwarya na naging katuwang niya sa pagharap sa tunay na hirap ng buhay.
Habang lumilipas ang panahon, nahulog ang loob ni Aishwarya kay Shivaraj. Sa kabilang banda, mahal pa rin siya ni Shruthi at handa na ring pakasalan siya. Sa hindi inaasahang pagkakataon, nalaman ng manonood na matalik na magkaibigan pala sina Shruthi at Aishwarya. Hindi alam ni Shivaraj ang nararamdaman ni Aishwarya para sa kanya, subalit umamin si Aishwarya kay Shruthi na mahal niya si Shivaraj — bagay na ikinagulat ng huli.
Habang wala si Aishwarya, humingi ng tawad si Shruthi kay Shivaraj, at tinanggap niya ito. Dahil dito, nagpasya si Shruthi na isakripisyo ang sarili niyang damdamin alang-alang sa kaibigan. Samantala, nang malaman ni Aishwarya na handa si Shruthi na pakasalan si Shivaraj, nais din niyang magparaya. Nahirapan si Shivaraj sa sitwasyon, kaya’t gumawa siya ng matalinong hakbang: kinausap niya ang dalawa at hinikayat silang pakasalan ang kanyang mga kaibigang sina Vijay at Vinay.
Bilang kapalit, ipinakilala ng mga kaibigan si Arpitha — isang babaeng bigla na lang dumating at nagpahayag ng kanyang pag-ibig kay Shivaraj. Dito nagtatapos ang pelikula.
Mga tauhan
[baguhin | baguhin ang wikitext]- Puneeth Rajkumar bilang Shivaraj Aras
- Meera Jasmine bilang Aishwarya
- Ramya bilang Shruthi
- Srinivasa Murthy bilang Ramanna
- Komal
- Adi Lokesh
- Satyajit
- P. N. Sathya
- Shankar Rao
- K. Prakash Shenoy
- Sai Prakash
- Ashwath Narayan
- NGEF Ramamurthy
- Yathiraj
- Radhakrishna
- Renukamma Murugodu
- Veena
- Darshan sa isang kakaibang hitsura
- Aditya sa isang kakaibang hitsura
- Shriya Saran sa isang kakaibang hitsura
Pagtanggap
[baguhin | baguhin ang wikitext]Isang kritiko mula sa Sify ang nagsulat na,"Sa kabuuan, ang Arasu ay mapapanood dahil sa mga pangunahing artista nito."[4] Isang kritiko mula sa Rediff.com naman ang nagsabi na, "Ang Arasu ay isang maayos na pang-pamilyang libangan."[5]
Parangal
[baguhin | baguhin ang wikitext]Nanalo si Puneeth Rajkumar bilang Best Kannada Actor o Pinakamahusay na Aktor na Kannada sa Filmfare South Awards.[6][7]
Mga sanggunian
[baguhin | baguhin ang wikitext]- ↑ "Happy 38th birthday Puneet Rajkumar: Best films of the Kannada superstar". News18. India: News18. 2013-03-17. Nakuha noong 2019-05-17.
- ↑ Goldmines Dishoom (2020-12-21). Zinda Dili (Arrasu) Hindi Dubbed Full Movie | ज़िंदा दिली | Puneeth Rajkumar, Darshan, Meera Jasmine (sa wikang Hindi). Nakuha noong 2024-10-10 – sa pamamagitan ni/ng YouTube.
- ↑ Shemaroo MarathiBana (2022-04-21). Premachi Satva Pariksha (Arasu)- Full Movie - Marathi Dubbed- Puneeth Rajkumar, Ramya, Meera Jasmine (sa wikang Marathi). Inarkibo mula sa orihinal noong 19 Marso 2023. Nakuha noong 2024-10-10 – sa pamamagitan ni/ng YouTube.
- ↑ "Review : (2007)". Sify. India. Inarkibo mula sa orihinal noong 12 November 2021. Nakuha noong 2019-05-17.
- ↑ R. G. Vijayasarathy (27 Enero 2007). "Arrasu: A neat entertainer". Rediff.com.
- ↑ "FilmfareAwardsSouthBestActors2006". 31 Enero 2025.
- ↑ "54th Fair One Filmfare Awards 2006". idlebrain.com (sa wikang Ingles). 4 Agosto 2007. Inarkibo mula sa orihinal noong 26 Enero 2021. Nakuha noong 16 Abril 2025.