Arkitekturang Italyano
Ang Italya ay may napakalawak at magkakaibang estilo ng arkitektura, na hindi basta-basta mauuri ayon sa panahon o rehiyon, dahil sa paghahati ng Italya sa iba't ibang maliliit na estado hanggang 1861. Lumikha ito ng lubos na magkakaibang at eklektikong hanay sa mga disenyo ng arkitektura. Ang Italya ay kilala sa malalaking tagumpay sa arkitektura,[3] tulad ng pagtatayo ng mga akwedukto, templo, at katulad na mga estruktura noong sinaunang Roma, ang pagtatatag ng kilusang arkitektural ng Renasimyento noong huling bahagi ng ika-14 hanggang ika-16 na siglo, at ang pagiging tinubuang-bayan ng Palladianismo, isang estilo ng konstruksiyon na nagbigay inspirasyon sa mga kilusan tulad ng disenyo ng mga arkitekturang Neoklasiko, at nakaimpluwensiya sa disenyo ng mga itinayong bahay-kanayunan ng mga maharlika sa buong mundo, lalo na sa Reino Unido, Australia, at Estados Unidos noong huling bahagi ng ika-17 hanggang unang bahagi ng ika-20 siglo.
Matatagpuan sa Italya ang ilan sa mga pinakamagagandang gawa sa arkitekturang Kanluranin, tulad ng Koliseo, Duomo ng Milan, Mole Antonelliana sa Turin, Katedral ng Florencia, at mga disenyo ng gusali ng Venecia. Ang Italya ay may tinatayang kabuuang 100,000 monumento ng lahat ng uri (museo, palasyo, gusali, estatwa, simbahan, agaleriya ng sining, villa, puwente, makasaysayang bahay, at mga labing arkeolohiko).[4] Ang Italya ngayon ay nangunguna sa modernista at disenyong sostenible kasama ng mga arkitekto tulad nina Renzo Piano at Carlo Mollino.
Ang arkitekturang Italyano ay malawak ding nakaimpluwensiya sa arkitektura ng mundo.[5] Bukod dito, ang arkitekturang Italyanisante, na sikat sa ibang bansa mula noong ika-19 na siglo, ay ginamit upang ilarawan ang dayuhang arkitektura na itinayo sa estilong Italyano, lalo na hinango sa arkitekturang Renasimyento.
Tingnan din
[baguhin | baguhin ang wikitext]Mga sanggunian
[baguhin | baguhin ang wikitext]- ↑ "The Duomo of Florence | Tripleman". www.tripleman.com. Inarkibo mula sa orihinal noong 2009-12-06. Nakuha noong 2010-03-25.
- ↑ "brunelleschi's dome - Brunelleschi's Dome". Brunelleschisdome.com. Inarkibo mula sa orihinal noong 16 April 2010. Nakuha noong 2010-03-25.
- ↑ Architecture in Italy Naka-arkibo 2012-01-15 sa Wayback Machine., ItalyTravel.com
- ↑ Eyewitness Travel (2005), pg. 19
- ↑ "BBC - History - Historic Figures: Inigo Jones (1573 - 1652)". bbc.co.uk. Nakuha noong 10 April 2018.
Mga panlabas na link
[baguhin | baguhin ang wikitext]- Joseph Woods (1828), Mga Liham ng Isang Arkitekto, Mula sa France, Italy, at Greece .