Voltaire

Voltaire
Kapanganakan	21 Nobyembre 1694 Paris Kingdom of France (Grand Paris, Pransiya)
Kamatayan	30 Mayo 1778 Paris Kingdom of France (Grand Paris, Pransiya)
Libingan	Panthéon
Mamamayan	Pransiya
Nagtapos	Lycée Louis-le-Grand
Trabaho	pilosopo, makatà, historyador, manunulat ng sanaysay, mandudula, awtobiyograpo, diyarista, poet lawyer, manunulat ng science fiction, encyclopédistes, correspondent, politologo, manunulat
Opisina	historiographer of France (1744–1750) seat 33 of the Académie française (2 Mayo 1746–30 Mayo 1778)
Asawa	none
Kinakasama	Émilie du Châtelet
Magulang	François d'Arouet Marguerite d'Aumard
Pirma

Si François-Marie Arouet (21 Nobyembre 1694  – 30 Mayo 1778), na mas kilala sa kanyang pangalang pampanitikan na Voltaire, ay isang manunulat, tagapagsanaysay, at pilosopong namuhay noong Panahon ng Pagkamulat sa Pransiya. Kilala siya sa kanyang katalinuhang may bahid ng pagpapatawa at sa kanyang pagtatanggol ng mga kalayaang sibil, na kapwa kinabibilangan ng kalayaan sa pananampalataya at malayang kalakalan.

Isang mabungang manunulat si Voltaire na nakagawa ng mga gawa sa halos lahat ng mga anyong pampanitikan, kabilang na ang mga dula, mga tula, mga nobela, mga sanaysay, mga akdang pangkasaysayan, mga gawang pang-agham, mahigit sa 20,000 mga liham, at mahigit sa 2,000 mga aklat at mga pampleto.

Isa siyang lantad na tagapagsalita ng kanyang pagtangkilik sa repormang panglipunan, sa kabila ng mahigpit na mga batas ukol sa mga pagbabawal at marahas na mga multang ipinapataw sa mga sumusuway. Bilang isang polemisistang satiriko, malimit niyang gamitin ang kanyang mga gawa upang tuyain ang dogma ng Simbahang Katoliko at ang mga institusyong Pranses noong kanyang kapanahunan.

Isa si Voltaire sa ilang mga tao ng Panahon ng Pagkamulat (kasama nina Montesquieu, John Locke, Thomas Hobbes, at Jean-Jacques Rousseau) na nakaimpluwensiya ang mga gawa at mga ideya sa mahahalagang mga tagapag-isip ng Himagsikang Amerikano at ng Himagsikang Pranses.

Mga sanggunian

Ang lathalaing ito na tungkol sa Tao, Pransiya at Panitikan ay isang usbong. Makatutulong ka sa Wikipedia sa pagpapalawig nito.