Daang Asin

Daang Asin Asin Road
Daang Baguio–Tubao (Baguio–Tubao Road) Daang Tubao–Asin (Tubao–Asin Road) Daang Asin–Nangalisan–San Pascual (Asin–Nangalisan–San Pascual Road)
Impormasyon sa ruta
Pinangangasiwaan ng Kagawaran ng mga Pagawain at Lansangang Bayan
Haba	14.0 km (8.7 mi)
Umiiral	Disyembre 17, 2018–kasalukuyan
Bahagi ng	N234 sa Baguio N233 sa Baguio
Pangunahing daanan
Dulo sa hilagang-silangan	N54 (Daang Naguilian) sa Baguio
	N233 (Western Link Circumferential Road) sa Baguio
Dulo sa timog-kanluran	N208 (Lansangang-bayang Aspiras–Palispis) sa Tubao
Lokasyon
Mga lawlawigan	Benguet, La Union
Mga pangunahing lungsod	Baguio
Mga bayan	Tubao, Aringay, Sablan, Tuba
Sistema ng mga daan
Mga daanan sa Pilipinas Mga lansangan Mga mabilisang daanan Talaan

Ang Daang Asin (Ingles: Asin Road), kilala rin bilang Daang Baguio–Tubao (Baguio–Tubao Road), Daang Tubao–Asin (Tubao–Asin Road) at Daang Asin–Nangalisan–San Pascual (Asin–Nangalisan–San Pascual Road), ay isang pangunahing daan mga lalawigan ng La Union at Benguet sa hilagang Luzon, Pilipinas. Mapanganib ang daan, na mga tunel sa dating nilaan sa mga serbisyong riles mula Aringay papuntang Baguio. Opisyal na binuksan ang daan sa publiko noong Disyembre 17, 2018.

Hango ang pangalan ng lansangan sa salitang "asin." May mga maiinit na batis (hot springs) at liwaliwan (resorts) sa kahabaan nito tulad ng Pooten's Resort, Palm Grove Hot Springs and Mountains Resort, Asin Hot Spring, Riverview Water Park, at Neverland Mountain Resort.

Bahagi ng Pambansang Ruta Blg. 234 (N234) at Pambansang Ruta Blg. 233 (N233) ng sistema ng lansangang bayan sa Pilipinas ang bahagi ng lansangan na nasa Baguio. Ang nalalabing bahagi na patungong Tubao ay nananatiling walang bilang at itinalagang pambansang daang tersiyaryo. Kamakailan lamang, dahil dumaranas ng matinding pagbigat ng trapiko ang Lansangang-bayang Aspiras–Palispis, isinaayos ang daan upang magsilbing isa pang ruta papuntang La Union.

Paglalarawan ng ruta

Nagsisilbing alternatibong ruta papuntang Baguio ang Daang Asin, at ito rin ang ikaapat na daang patungo sa lungsod. Tumutulong din ang daan sa pagpapagaan ng daloy ng trapiko sa Lansangang-bayang Aspiras–Palispis, sa kabila ng pagiging mas-mahaba nito kaysa sa Lansangang-bayang Aspiras–Palispis.

Nagsisimula ang lansangan sa panulukan ng Lansangang-bayang Aspiras–Palispis (N208) sa Tubao, La Union bilang isang pang-apatan na daan. Itinatampok sa malaking bahagi ng ruta ang mga ilawan at reflectorized signage at mga terminal ng bus. Kinakarga ng Tulay ng Anduyan, na may habang 360 metro (1,180 talampakan), ang ruta. Pagkaraan ng tulay, kikipot ang daan sa dalawang landas (isa sa bawat direksiyon) habang paakyat ito, at may mga biglaang liko at matarik na elebasyon habang papasok sa lalawigan ng Benguet.