Daang Radyal Blg. 10

Mula sa Wikipediang Tagalog, ang malayang ensiklopedya
Jump to navigation Jump to search

N120 (Philippines).svg

R-10
Radial Road 10
R-10 Road sa Tondo
Pangunahing daanan
Dulo sa timogIlog Pasig sa Lungsod ng Maynila
Dulo sa hilagaCircumferential Road 4 (C-4) sa Navotas
Sistema ng mga daan
Mga daanan sa Pilipinas

Ang Daang Radyal Blg. 10 (Ingles: Radial Road 10), na mas-kilala bilang R-10, ay isang nakaplanong pinag-ugnay na mga daan at tulay na bubuo sa ikasampung daang radyal ng Maynila sa Pilipinas.[1] Pinaka-kanluran ito sa mga daang radyal sa hilaga ng Ilog Pasig, at dumadaan ito mula hilaga pa-timog (at gayon din naman timog pa-hilaga) malapit sa baybayin ng Look ng Maynila. Pagnakumpleto na ito, iuugnay nito ang Lungsod of Maynila sa Navotas at sa mga baybayin ng Bulacan, Pampanga, at Bataan sa Gitnang Luzon.

Sa kasalukuyan, tangi ang bahagi ng R-10 mula Tondo hanggang Navotas ay yaong bahaging nakumpleto.

Ruta[baguhin | baguhin ang batayan]

Binubuo ang Daang Radyal Blg. 10 ng mga sumusunod na bahagi:

Daang Marcos (Marcos Road)[baguhin | baguhin ang batayan]

Pangunahing lathalain: Daang Marcos

Sa pagitan ng harap ng Ilog Pasig sa distrito ng of Tondo at Tulay ng Bangkulasi sa ibabaw ng Bambang ng Bangkulasi, kilala ang R-10 bilang Lansangang Pangulong Ferdinand E. Marcos o Daang Marcos. Ito ay ang tanging bahagi ng R-10 na nakompleto, kaya ang pangalang R-10 ay ipinalalagay ng marami bilang alternatibong pangalan ng daan, sa halip ng nakaplano nang sistema ng daang radyal. Dumadaan ito sa Manila North Harbor sa Tondo bago tumumbok sa Daang Palibot Blg. 4 (C-4) paglampas ng Tulay ng Bangkulasi sa Navotas malapit sa Navotas Fish Port Complex. Ang C-4 ay papuntang Caloocan at Lungsod Quezon sa hilagang-silangan.

Daang Pambaybay-dagat ng Maynila–Bataan (Manila–Bataan Coastal Road)[baguhin | baguhin ang batayan]

Isang lansangan na nag-uugnay ng Maynila sa lalawigan ng Bataan ay ipinanukala bilang karugtong ng R-10.[2] Katulad sa R-1 at mga bahagi nito (Bulebar Roxas at Manila–Cavite Expressway), dadaan ang lansangan sa may baybayin ng Look ng Maynila sa hilaga ng Ilog Pasig. Mula sa kasalukuyang dulo ng R-10 sa C-4, Navotas, dadaan ang lansangan pahilaga sa mga bayan ng Obando, Bulakan, Malolos, Paombong, at Hagonoy sa lalawigan ng Bulacan, at hilagang-kanluran sa may baybayin ng Pampanga sa Macabebe, Masantol, Sasmuan, at Lubao, at tatapos sa Hermosa at Dinalupihan sa Bataan. Itatayo ang ipinapanukalang lansangan sa ibabaw ng mga palaisdaan at magsisilbi rin itong pang-hadlang ng mga baha para sa mga lalawigan sa tabing-dagat ng look.[3]

Mga sanggunian[baguhin | baguhin ang batayan]

  1. "Metro Manila Infrastructure Development" (PDF). University of the Philippines Diliman. Hinango noong 30 Hulyo 2015.
  2. Gamboa, Rey (9 Hulyo 2013). "Numerous studies but job not done". The Philippine Star. Hinango noong 31 Hulyo 2015.
  3. Balabo, Dino (21 Agosto 2012). "Manila-Bataan coastal road pushed". The Philippine Star. Hinango noong 31 Hulyo 2015.