David Consunji

David Consunji
Kalihim ng Mga Gawaing Pambayan, Transportasyon at Komunikasyon
Nasa puwesto 1970–1975
Pangulo	Ferdinand Marcos
Nakaraang sinundan	Antonio Syquio
Sinundan ni	Alfredo Juinio
Pansariling detalye
Ipinanganak	2 Nobyembre 1921(1921-11-02) Bataan, Pilipinas
Namatay	4 Setyembre 2017(2017-09-04) (edad 95) Maynila, Philippines
Kabansaan	Pilipino
Asawa	Fredesvinda Almeda
Alma mater	Pamantasan ng Pilipinas
Trabaho	Tagapangulo ng Lupon (DMCI)
Propesyon	Pulitiko
Kilala bilang	Tagapagtatag ng DMCI
Websitio	dmcinet.com/dmci.asp

Si David Mendoza Consunji (2 Nobyembre 1921 – 4 Setyembre 2017) ay isang Pilipinong negosyante at tagapangulo ng pampublikong nakatala sa kumpanyang pang-ari-arian, DMCI Holdings, Ingkorporado (PSE: DMC). Siya ay dating kalihim ng Kagawaran ng Mga Gawaing Pambayan, Transportasyon at Komunikasyon mula 1970 hanggang 1975, sa kapanahunan ng pamamahala ng dating Pangulo ng Pilipinas na si Ferdinand Marcos. Noong 2014, itinala siya ng Forbes bilang ikaanim na pinakamayamang Pilipino, na may halagang $3.9 bilyon. Noong 2017, noong siya ay namatay, siya pa rin ang ikaanim na pinakamayamang Pilipino na may $ 3.68 bilyong halaga na sang-ayon pa rin sa Forbes.

Edukasyon at karera

Kumuha si Consunji ng inhineryang sibil sa Pamantasan ng Pilipinas at nagtapos noong 1946 at pumasa ng pampamahalaang pagsususulit sa taong din iyon.

Pagkatapos ng kanyang pagtatapos, naghanapbuhay si Consunji bilang guro sa Bataan at kinamamayaang tagasuri ng kungkreto para sa Kuenzle at Streiff.

Itinatag niya ang D.M. Consunji, Ingkorporado noong 1954 at naging Tagapangulo nito mula noon. Noong 1995, itinatag niya ang DMCI Holdings, Ingkorporado upang pag-isahin ang mga negosyo.

Naglingkod siya bilang pangulo ng Kapisanan ng Mga Kontraktor sa Pilipinas, Kapisanang Pandaigdig na Pederasyon ng mga Asyano at Kanlurang Pasipikong Kontraktor, Istituto ng mga Inhinyerong Sibil ng Pilipinas ay Pangalawang-Pangulo ng Kapisanan ng Pagsasama-samang Pandaigdigang Kontraktor. Bukod sa mga organisasyong ito, siya rin ang tagapangulo ng Kapisanan ng mga Kontraktor, ang Lupon ng Pantahanang Konstruksyon ng Pilipinas at Pundasyon ng Pananaliksik Pang-inhineriya at Kaunlaran ng U. P.

Noong 2014, bumama siya bilang tagapangulo ng DMCI at ang kanyang anak na si Isidro ang namuno sa DMCI Holdings at Semirara.

Kamatayan

Yumao si Consuji noong 4 Setyembre 2017 sa edad na 95. Ang dahilang ng kanyang kamatayan ay hindi pa nabubunyag.

Sumulat ng aklat si Consunji ng kanyang talambuhay, Ang Pagmamahal sa Pagpapatayo: Ang Talambuhay ni David M. Consunji. Ang kanyang anak, Isidro Consunji ay kasalukuyang pangulo ng DMCI Holdings, Ingkorporado. Isa sa kanyang apo, Victor Consunji, ay ikinasal sa Bb. Pilipinas World 2007 Maggie Wilson noong Disyembre 2010.