Diwata ng Karagatan
| Diwata ng Karagatan | |
|---|---|
| Direktor | Carlos Vander Tolosa |
| Prinodyus | José Nepomuceno |
| Itinatampok sina | Mari Velez Rogelio de la Rosa |
Produksiyon | Parlatone Hispano Filipino |
Inilabas noong |
|
| Bansa | Pilipinas |
| Wika | Tagalog |
Ang Diwata ng Karagatan ay isang pelikulang romantikong Pilipino noong 1936 sa direksiyon ni Carlos Vander Tolosa at prinodyus ng Parlatone Hispano-Filipino, isang estudyong pagmamay-ari ni José Nepomuceno.
Mga tauhan
[baguhin | baguhin ang wikitext]- Mari Velez bilang babaeng bida
- Rogelio de la Rosa bilang lalaking bida
Hindi pa nakikilala ang iba pang mga tauhan na gumanap sa pelikula, kabilang ang aktor na gumanap bilang kontrabidang si Wong.[1]
Produksiyon
[baguhin | baguhin ang wikitext]Dinirekta ni Carlos Vander Tolosa ang pelikula, at pinamahalaan ito ni José Nepomuceno sa ilalim ng Parlatone Hispano-Filipino, ang kaniyang estudyong pampelikula.[2]
Pagpapalabas
[baguhin | baguhin ang wikitext]Kasunod ng unang pagpapalabas nito noong 1936, muling ipinalabas ang Diwata ng Karagatan para sa isang tatluhang-araw na pagtatanghal sa Teatrong Fox (na naging Teatrong Dalisay kalaunan) sa Maynila. Pagkaraan nito, iniluwas ang pelikula sa Pransiya, Belhika, at Timog Amerika, kung saan ay binigyan ito ng boses na Pranses at inilabas sa ilalim ng mga alternatibong pamagat tulad ng Ligaya, fille de iles (lit. na 'Ligaya, Binibini ng Pulo') at Wong Le Tyrant (lit. na 'Wong, ang Tirano'). Naiulat na ito ang unang pelikulang Pilipino na ipinalabas sa Europa at Timog Amerika.[3][4]
Pagkawala at muling pagtuklas
[baguhin | baguhin ang wikitext]Ipinalagay na nawala ang lahat ng kilalang mga kopya ng Diwata ng Karagatan noong Ikalawang Digmaang Pandaigdig. Gayunpaman, noong 2025, natuklasan ni Nick Deocampo, historyador sa pelikula, ang isang 35 mm na print ng Ligaya, fille de iles sa Cinematek sa Belhika. Dahil dito, naging pinakamatandang natitirang pelikulang Pilipino bago ang Ikalawang Digmaang Pandaigdig ang Diwata ng Karagatan. May mga patunay ng pamimirata at pagbabago ang kopyang ito, dahil binago ito ng isang tagapamahaging Pranses upang maging mas maikli kaysa sa orihinal, binago ang kaayusan ng mga eksena, at nakasaad ang mga nagsalaysay sa wikang Pranses at mga Pranses na tauhan bilang pagpapatungkol na pinalitan ang orihinal na mga pagpapatungkol ng pelikula.[3][4]
Sang-ayon sa nakuhang kopya, sinasabing isang "dokumentaryo" ang pelikula "tungkol sa kakaibang mga katutubo ng katimugang Karagatan" at sumusunod sa parehong mga temang romantiko ng pelikulang Zamboanga noong 1937.[1]
Mga sanggunian
[baguhin | baguhin ang wikitext]- 1 2 Mallorca, Hannah (Nobyembre 2, 2025). "1936 film 'Diwata ng Karagatan' found in Belgium archive". Philippine Daily Inquirer (sa wikang Ingles). Nakuha noong Nobyembre 2, 2025.
- ↑ Purnell, Kristofer (Nobyembre 1, 2025). "Pre-war Filipino film 'Diwata ng Karagatan' found in Belgium, now oldest surviving copy". The Philippine Star. Nakuha noong Nobyembre 2, 2025.
- 1 2 Canoy, Jeff (Oktubre 31, 2025). "Long-lost Filipino film made in 1936 'Diwata ng Karagatan' found in Belgium archive". ABS-CBN News. Nakuha noong Nobyembre 1, 2025.
- 1 2 "Oldest known Filipino film found in Belgium archive". Daily Guardian. Nobyembre 1, 2025. Inarkibo mula sa orihinal noong Nobyembre 2, 2025. Nakuha noong Nobyembre 2, 2025 – sa pamamagitan ni/ng Facebook.
Mga kawing panlabas
[baguhin | baguhin ang wikitext]- Diwata ng Karagatan (1936) sa IMDb
- Nawawalang pelikula noong 1930s, nahanap sa Belgium! (Kapuso Mo, Jessica Soho, Disyembre 14, 2025)