Gejang
| Gejang | |
 | |
| Hangul | 게장; 게젓 |
|---|---|
| Hanja | 게醬 |
Ang gejang (Koreano: 게장) o gejeot (게젓) ay isang uri ng jeotgal, o inasnan at binurong pagkaing-dagat sa lutuing Koreano, na ginagawa sa pamamagitan ng pagbabad ng hilaw na alimango sa alinman sa ganjang (toyo) o isang sarsang nakabatay sa pinulbos na sili. Ang termino ay binubuo ng dalawang salita; ge, na nangangahulugang "alimango", at jang na nangangahulugang "kondimento" sa Koreano.[1] Ang mga alimangong pinipili para sa putaheng gejang ay karaniwang mga babaeng alimango na may mga itlog.
Bagaman orihinal na tumutukoy ang gejang sa mga alimangong binabad sa toyo, tinatawag na rin itong ganjang-gejang (간장게장) upang maiba ito sa yangnyeom-gejang (양념게장). Ang huli ay isang medyo bagong putahe na umusbong kasabay ng paglago ng industriyang panrestoran ng Timog Korea. Tila nagmula ito sa mga lalawigan ng Chungcheong at Jeolla, na kapwa may pangmatagalang tradisyon ng paghahalo ng hilaw na isda o pinatuyong pollock at maanghang na durog na sili o sarsang gochujang.[2] Nang maglaon, nagsimulang maghanda ang mga tao ng alimango sa kahalintulad na paraan, na nagresulta sa pagkaing kilala ngayon bilang yangnyeom-gejang.[2][3] Ang yangnyeom ay nangangahulugang “panimpla” o “timplado” sa Koreano, at tumutukoy sa maanghang na sarsa ng putahe na gawa sa pinulbos na sili.
Sikat ang mga rehiyon ng Gyeongsang, Jeolla, at Jeju sa kani-kanilang mga uri ng gejang.[4] Isa itong kinatawang espesyalidad ng Yeosu sa Timog Jeolla, at isang tradisyonal na putahe ng lutuing Jeolla.[5]
Tingnan din
[baguhin | baguhin ang wikitext]- Banchan, mga maliliit na pamutat
- Lutuing Koreano
Mga sanggunian
[baguhin | baguhin ang wikitext]- ↑ 게장 (sa Koreano). Doosan Encyclopedia. Inarkibo mula sa orihinal noong 2008-09-22.
- 1 2 한국국제교류재단 KF. www.koreana.or.kr (sa Koreano). Nakuha noong 2024-05-08.
- ↑ 전필호 (2006-02-23). (서울) 맛집 스파이 잠입! - 간장게장 편 (sa Koreano). JoongAng Ilbo. Inarkibo mula sa orihinal noong 2011-07-13.
- ↑ 게장 (sa Koreano). Empas / EncyKorea.
- ↑ Moon, Gwang-lip (14 Hulyo 2012). "Traditional cuisines to savor at the World Fair". Korea JoongAng Daily. Inarkibo mula sa orihinal noong . Nakuha noong 22 Mayo 2013.