Insigniya
An insignia (Latin: īnsignia, palagyong maramihan ng īnsigne, "palatandaan, simbolo, sagisag"), ay isang a sagisag o palatandaan ng pansariling kapangyaraihan, katayuan o opisina, o ang ng isang opisyal na kinatawan ng pamahalaan o nasasakupan.[1] Kadalasang simbolo ng isang partikular na pangkalahatang kapangyarihan ang isang insigniya.
Karaniwan, ang isang insigniya, na yari sa metal o tela, ay isang bukod at malinaw na sagisag ng tiyak o pangkalahatang kapangyarihan. Kapag pinagsama-sama, ang mga insigniya ay bumubuo ng isang palamuti na may iba’t ibang elemento ng ranggo, antas, o karangalan.
Maraming uri ng insigniya, kabilang ang mga sibilyan at militar na dekorasyon, mga korona, mga emblema, at mga eskudo de armas.
Kasaysayan
[baguhin | baguhin ang wikitext]Ang paggamit ng insigniya ay mas nauna pa kaysa sa kasaysayan, para sa pansarili at pangkatang gamit (lalo na sa militar). Kapag kailangang makita ang insigniya, inilalagay ito sa tuktok ng poste o dulo ng sibat. Gumamit ang mga Persano ng gintong agila bilang insigniya, ang mga Asiryo naman ay kalapati, at ang mga Armenyo ay leon. Naging higit na mahalaga ang agila bilang aquila, ang insigniya ng mga lehiyong Romano, bandang 100 taon Bago ang Karaniwang Panahon (BCE).
Sa pinakamaagang panahon, napakasimple ng mga insigniya sa hukbo. Mga sanga ng puno, niluray na mga ibon, ulo ng hayop, o bungkos ng tuyong damo ang inilalagay sa tuktok ng poste o mahabang patpat upang makilala ng mga mandirigma ang kanilang sarili sa labanan, o magsilbing palatandaan ng pook-tagpuan kapag umatras o natalo. Subalit habang pinapahusay ang sining ng pakikidigma, dinisenyo ang mas matibay at matingkad na mga insigniya, at bawat pangkat ay nagnanais ng sagisag na may natatanging simbolo.
Sa mga Judio, bawat isa sa labindalawang Tribo ng Israel ay may insigniya na may natatanging kulay, at may nakaguhit na pigura o simbolo na tumutukoy sa tribo, alinsunod sa Pagpapala ni Jacob.[2] Binanggit sa Kasulatan ang leon bilang sagisag ng Tribo ni Juda, ang barko para sa Tribo ni Zabulon, ang mga bituin at kalangitan para sa Tribo ni Isacar, at iba pa.
Ang mga taong sumasamba sa diyus-diyosan ay may mga larawan ng kanilang mga diyos o mga simbolo ng kanilang mga pinuno sa kanilang mga insigniya. Pinili ng mga Ehipsiyo ang loro at buwaya, bukod sa iba pa; ang mga Asiryo at Babilonyo ay may mga kalapati, gaya ng naitala ni Jeremias sa mga kabanata XXV at XLVI ng kaniyang mga propesiya; sapagkat ang pangalang “Semiramis,” na orihinal na “Chemirmor,” ay nangangahulugang "kalapati."
Sa panahong bayani, ang isang kalasag, panakip-ulo, o cuirass (baluting-pangdibdib) na nakasuksok sa dulo ng sibat ang nagsilbing mga insigniya ng hukbong Griyego. Gayunman, iniulat ni Homer na sa Pagkubkob sa Troya, gumamit si Agamemnon ng isang telang kulay-ube bilang palatandaan ng pook-tagpuan para sa kaniyang mga kawal.[3] Samantala, ang pangunahing insigniya ng mga Persa ay isang gintong agila na nasa dulo ng sibat, inilagay sa isang karwaheng binabantayan ng dalawang pinakabantog na opisyal. Ipinapalagay ni Henoponte na ang insigniya na ito ay ginamit ng lahat ng mga hari ng Persya.[4]
Mga sanggunian
[baguhin | baguhin ang wikitext]- ↑ "insignia | a badge or sign which shows that a person is a member of a particular group or has a particular rank". www.merriam-webster.com. Nakuha noong 2015-04-12.
- ↑ "The Flags of the Tribes". JLife (sa wikang Ingles). Nakuha noong 11 Pebrero 2019.
By Divine order, the Israelites encamped "each person by his flag, according to the insignia of his ancestor's house, at a distance surrounding the Tent of Meeting shall they encamp" (Numbers 2:2). According to the Midrash Rabbah Numbers 2:7, this meant that each tribe had a specific color and emblem
- ↑ The Iliad of Homer, translated by Alexander Pope (sa wikang Ingles). Bol. VIII. Inarkibo mula sa orihinal noong 10 Setyembre 2015. Nakuha noong 11 Pebrero 2019.
His purple robe, bright ensign of command
- ↑ "DERAFŠ". Encyclopaedia Iranica (sa wikang Ingles). 21 Nobyembre 2011 [15 Disyembre 1994]. Nakuha noong 11 Pebrero 2019.