Jhené Aiko
Jhené Aiko | |
|---|---|
_(cropped).jpg) Si Aiko na nagtatanghal noong 2016 sa kanyang "The High Road Tour" | |
| Kabatiran | |
| Pangalan noong ipinanganak | Jhené Aiko Efuru Chilombo |
| Kapanganakan | 16 Marso 1988[1] Los Angeles, California, Estados Unidos |
| Genre | |
| Edukasyon | West Los Angeles College (Kolehiyo ng Kanlurang Los Angeles) |
| Trabaho |
|
| Taong aktibo | 2002–kasalukuyan |
| Label |
|
| Miyembro ng |
|
| Asawa | Dot da Genius (k. 2014; d. 2017) |
| Kapareha | Big Sean (2016–kasalukuyan) |
| Anak | 2 |
| Kamag-anak | Mila J (kapatid) |
| Website | jheneaiko.com |
Si Jhené Aiko Efuru Chilombo ( /dʒəˈneɪ ˈaɪkoʊ/;[4] born Marso 16, 1988) ay isang mang-aawit ng R&B at nagra-rap mula sa Estados Unidos. Sinimulan ni Aiko ang kanyang karerang pangmusika noong 2002 bilang bokalisang pam-bakup at lumalabas sa mga bidyo ng musikang R&B group na B2K. Noong taon ding iyon, pumirma siya ng kontrata sa kanilang tatak ng rekord na The Ultimate Group at ipinakilala bilang "pinsan" ng miyembro ng B2K na si Lil' Fizz upang makabuo ng sariling tagasunod, bagaman hindi sila tunay na magkamag-anak. Ang kanyang unang album, na nakatakdang ilabas noong 2003 sa ilalim ng naturang label at ng Epic Records, ay hindi itinuloy dahil pinili ni Aiko na ipagpatuloy muna ang kanyang pag-aaral.
Noong Marso 2011, bumalik si Aiko sa mundo ng musika sa paglabas ng kanyang unang buong mixtape na pinamagatang Sailing Soul(s). Noong Disyembre ng taon ding iyon, pumirma siya ng kontrata sa tatak ng rekord ng prodyuser na si No I.D., ang ARTium Recordings, na isang sangay ng Def Jam Recordings.[5] Nakilala si Aiko sa mas malawak na publiko matapos niyang makasama sina Lil Wayne sa kantang "Beware" ni Big Sean noong 2013—ang una niyang awitin na pumasok sa Billboard Hot 100, at umabot sa loob ng top 40. Noong Nobyembre ng taon ding iyon, inilabas niya ang kanyang unang extended play (EP) na Sail Out, na naglabas ng mga single na "3:16AM," "Bed Peace" (kasama si Childish Gambino), at "The Worst"—na nakatanggap ng limang ulit na sertipikong platino mula sa Recording Industry Association of America (RIAA, Samahan ng Industriya ng Pagre-rekord sa Amerika).
Ang mga album pang-istudiyo ni Aiko na Souled Out (2014), Trip (2017),[6] at Chilombo (2020) ay kapwa tinanggap nang mahusay ng mga kritiko at naging matagumpay sa komersiyo; ang huli ay umabot sa ikalawang puwesto sa Billboard 200 at nagbigay kay Aiko ng tatlong nominasyon sa Gawad Grammy, kabilang ang Album ng Taon.[7]
Diskograpiya
[baguhin | baguhin ang wikitext]- Souled Out (2014)
- Trip (2017)
- Chilombo (2020)
Mga sanggunian
[baguhin | baguhin ang wikitext]- ↑ "Artist Jhené Aiko". Grammys (sa Ingles). Recording Academy. Pebrero 15, 2019.
- ↑ "Jhené Aiko Biography, Songs, & Albums". AllMusic (sa Ingles).
- ↑ "Neo-Soul 2020: 23 Contemporary Artists Pushing the Sound Forward" (sa Ingles).
- ↑ "Jhené Aiko's Ultimate Guide to Color Correcting | Beauty Secrets". Vogue. August 17, 2018. Inarkibo mula sa orihinal noong December 12, 2021. Nakuha noong February 21, 2021.
- ↑ Staff, SR (Disyembre 18, 2011). "Def Jam Signs 'Sailing Souls' Artist Jhene Aiko". SingersRoom.com (sa Ingles).
- ↑ "Jhené Aiko Releases Surprise Album Trip". The FADER (sa Ingles). Setyembre 22, 2017.
- ↑ Hobson, Floyd Daniel (Oktubre 4, 2014). "Jhené Aiko - Souled Out | BLACK GROOVES". Black Grooves (sa Ingles). Inarkibo mula sa orihinal noong Setyembre 20, 2021. Nakuha noong Enero 19, 2020.