Juan dela Cruz (seryeng pantelebisyon)

Juan dela Cruz
Juan dela Cruz
Uri	Aksiyon, Horror, Pantasya, Komedya, Romansa
Gumawa	Rondel P. Lindayag ; Dindo Perez
Nagsaayos	Julie Anne R. Benitez ; Lino S. Cayetano ; Ethel M. Espiritu ; Dindo Perez ; Shugo Praico
Isinulat ni/nina	Dindo Perez ; Shugo Praico ; John Joseph Tuason
Direktor	Malu L. Sevilla ; Avel E. Sunpongco ; Francis E. Pasion ; Jojo A. Saguin
Creative director	Johnny delos Santos
Pinangungunahan ni/nina	Coco Martin ; Erich Gonzales
Kompositor	Idonnah Lopez Villarico ; Rommel C. Villarico
Bansang pinagmulan	Pilipinas
Wika	Filipino
Paggawa
Prodyuser tagapagpaganap	Eileen Angela T. Garcia ; Hazel B. Parfan
Prodyuser	Bryan Paul Ramos
Lokasyon	Pilipinas
Patnugot	Renewin Alano
Oras ng pagpapalabas	30-45 minuto ; Lunes hanggang Byiernes tuwing 19:45 (PST)
Kompanya	Dreamscape Entertainment TV
Pagsasahimpapawid
Orihinal na himpilan	ABS-CBN
Picture format	1080i (HDTV)
Orihinal na pagsasapahimpapawid	4 Pebrero –; 25 Oktubre 2013
Kronolohiya
Kaugnay na palabas	My Little Juan
Website
	Opisyal

Ang Juan dela Cruz ay isang seryeng drama sa Pilipinas na dinerekta ni Malu Sevilla. Ito ay pinangunahan ni Coco Martin bilang Juan dela Cruz, isang kalahating tagabantay at kalahating aswang na napaibig kay Rosario (Erich Gonzales). Ito ang pangalawang seryeng drama sa TV sa Pilipinas na ginawa ng ABS-CBN na nilikha at ipinalabas sa high definition.^[1]^[2]^[3]^[4] Ang serye ay unang ipinalabas sa ABS-CBN at sa buong mundo sa TFC noong 4 Pebrero 2013. Pinalitan nito ang Princess and I.

Sinopsis[baguhin | baguhin ang wikitext]

Ang serye ay tungkol kay Juan dela Cruz, isang batang ulila na pinalaki sa isang simbahan ng isang Katolikong pari na nagngangalang Father Cito, ang nag-gabay sa kanya sa kabutihan at pananampalataya kay Hesu'Kristo. Ang debosyon ni Juan kay Kristo ay nagdulot sa kanya na tawagin si Kristo ng "bossing". Isang araw, pinatay si Father Cito ng isang magnanakaw at si Juan ay napadpad sa bahay ni Lola Belen sa Quiapo sa Maynila. Hindi batid ni Juan na siya ay may lahing aswang at anak ni Samuel Alejandro, ang Haring Aswang, at siya rin ang Anak ng Dilim. Siya ay tinadhana na mamuno sa mga aswang at sakupin ang sangkatauan. Ngunit, si Amelia, ang ina ni Juan, ay isang tao at isang Tagabantay, galing sa isang lahi ng mga tagapagtanggol na gingagamit ang Bakal na Krus para protektahan ang mga tao mula sa mga aswang.

Nang siya ay lumaki, si Juan ay sumali sa Kapatiran, isang grupo na ang layunin ay patayin ang mga aswang. Ang grupo ay sinanay si Juan upang maging susunod na Tagabantay. Sa pagsulong ng istorya ng serye, tumulong rin ang mga engkanto at diwata kay Juan na pawang may mas malaking papel sa patuloy na labanan ng mga aswang at tao.