Józef Gosławski

Józef Gosławski
Kapanganakan	24 Abril 1908 (Gmina Wilków, Opole Lubelskie County, Lublin Voivodeship, Polonya)
Kamatayan	23 Enero 1963 Warsaw (Masovian Voivodeship, Polonya)
Mamamayan	Polonya
Trabaho	karikaturista, eskultor, disenyador

Si Józef Jan Gosławski (24 Abril 1908 sa Polonówka, malapit sa Lublin – 23 Enero 1963 sa Warsaw), ay isang alagad ng sining mula sa Polonya. Kilala si Gosławski bilang isang manlililok at taga-disenyo ng mga barya at medalya, kung saan karaniwan sa kaniyang mga gawaing pansining ang mga temang may kinalaman sa Polonya at mga kilalang Polako. Sa kurso ng kaniyang karera bilang isang alagad ng sining, naging maka-impluwensiya sa kaniyang mga gawa ang kubismo, ang pilosopiyang pansining ni Stanisław Szukalski, at ang sining ng sinaunang kasaysayan at ng Muling Pagsilang (Renasimiyento).

Dulot ng sistematikong pagwasak ng patrimonyang kultural ng Polonya noong Ikalawang Digmaang Pandaigdig, hindi naisalba ang karamihan sa mga gawa ni Gosławski, lalo na ang kaniyang mga gawa bago sumapit ang digmaan. Gayunpaman, may ilang mga nailigtas na gawa na kasalukuyang nasa kamay ng mga kolektor o kaya'y nakatayo ngayon sa mga museo sa Polonya at mundo, at nakapagsali si Gosławski sa mga paligsahang pansining at mga pagtatanghal. Dahil dito, naigawad siya ng Pilak na Krus ng Merito noong 1952, isa sa mga pinakamataas na gawad ng Polonya sa mga sibilyan.

Mga kawing panlabas

• "Lost in the Shuffle" (sa Ingles). warsawvoice.pl. 2003-07-24. Inarkibo mula sa ang orihinal noong 2012-03-21. Nakuha noong 2012-01-20.
• Szubert, Piotr (March 2002). "Józef Jan Gosławski" (sa Polako). culture.pl. Inarkibo mula sa ang orihinal noong 2012-02-29. Nakuha noong 2012-01-20.
• "Jan Józef Gosławski - wystawa rzeźby i medalierstwa" (sa Polako). artinfo.pl. Nakuha noong 2012-01-20.
• "Słynni Medalierzy. Józef Jan Gosławski" (sa Polako). slynnimedalierzy.pl. Inarkibo mula sa ang orihinal noong 2012-03-21. Nakuha noong 2012-01-20.
• "Famous Medalists: Józef Gosławski" (sa Ingles). mennica.com.pl. Nakuha noong 2012-01-20.
• "PLN 5 "Fisherman" coin from 1958" (sa Ingles). mennica.com.pl. Nakuha noong 2012-01-20.
• "Józef Gosławski – monuments, coins, medals" (sa Ingles). mennica.com.pl. 10 December 2009. Nakuha noong 2012-01-20.
• "Członkowie Związku Artystów Polskich Kapitol w Rzymie" (sa Polako). audiovis.nac.gov.pl. Nakuha noong 2012-01-20.