Katedral ng Notre-Dame

Mula sa Wikipediang Tagalog, ang malayang ensiklopedya
Jump to navigation Jump to search
Notre-Dame de Paris
Ina ng Paris
Notre-Dame de Paris, bago ang sunog noong 2019
48°51′11″N 2°20′59″E / 48.8530°N 2.3498°E / 48.8530; 2.3498Mga koordinato: 48°51′11″N 2°20′59″E / 48.8530°N 2.3498°E / 48.8530; 2.3498
LokasyonParvis Notre-Dame – place Jean-Paul-II, Paris, Pransiya
DenominasyonSimbahang Katolika
Kasapi525,600
Websitenotredamedeparis.fr
Arkitektura
Estadonapinsala ng sunog, hindi ginagamit; may planadong restorasyon
IstiloPranses na Gothic
Taong itinayo1163–1345
Groundbreaking1163 (1163)
Natapos1345
Detalye
Haba128 m (420 ft)
Lapad48 m (157 ft)
Bilang ng tore2
Taas ng tore69 m (226 ft)
Number of spires1 (nasira ng sunog)
Spire height91.44 metre (300.0 ft) (dati)[1]
Kampana10
Pamamahala
ArkidiyosesisParis
Klero
ArsobispoMichel Aupetit
DekanoPatrick Chauvet
RectorPatrick Jacquin
Laity
Director of musicSylvain Dieudonné[2]
Padron:Infobox historic site

Ang Katedral ng Notre-Dame ( /ˌnɒtrə ˈdɑːm,_ˌntrə ˈdm,_ˌntrə ˈdɑːm/;[3][4][5] Pranses: [nɔtʁə dam də paʁi]  (Speaker Icon.svg pakinggan)), na madalas na tinutukoy bilang Notre-Dame,[a] ay isang Katolikong katedral sa Île de la Cité sa ika-4 na arrondissement ng Paris, France. Ang katedral ay kinonsegra sa Birheng Maria at itinuturing na isa sa mga pinakamahusay na halimbawa ng arkitekturang Pranses na Gothic . Ang makabagong paggamit ng rib vault at flying buttress, ang napakalaking at makukulay na bintanang rosas nito, at ang naturalismo at kasaganaan ng palamuting iskultura ay nagpaiba rito mula sa naunang istilong Romaniko.[6]

Sinimulang itayo ang katedral noong 1160 sa ilalim ni Obispo Maurice de Sully at halos nakumpleto noong 1260, bagama't madalas itong baguhin sa mga sumusunod na siglo. Noong dekada 1790, na-desecrate ang Notre-Dame noong Himagsikang Pranses; ang karamihan sa mga relihiyosong imahe nito ay nasira o nawasak. Noong 1804, naging pook ang katedral ng pagkorona kay Napoleon I bilang Emperador ng Pransiya, at naging saksi sa pagbural ng ilang mga presidente ng Ikatlong Republika ng Pransiya.

Noong 1831, pumukaw ang mas laganap na interes sa katedral matapos lumabas ng nobela ni Victor Hugo na Notre-Dame de Paris (sa Ingles, The Hunchback of Notre-Dame; "Ang Kuba ng Notre-Dame"). Nagtungo ito sa isang malaking proyektong restorasyon sa pagitan ng 1844 at 1864, na pinangangasiwaan ng Eugène Viollet-le-Duc, na siyang nagpatayo ng kilalang toreng patulis ng katedral. Pinagdiwang ang pagpapalaya ng Paris noong Ikalawang Digmaang Pandaigdig sa loob ng Notre-Dame noong 1944 sa pag-awit ng Magnificat. Simula noong 1963, nilinis ang harapan ng katedral mula sa ilang siglong pagdapo rito ng dumi. Isa pang proyektong paglilinis at restorasyon ay natupad sa pagitan ng 1991 at 2000.[7]

Isa sa pinakatanyag na simbolo ng lungsod ng Paris at ng Pransiya ang katedral. Bilang katedral ng Arkidiyosesis ng Paris, ang Notre-Dame ay naglalaman ng katedra ng Arsobispo ng Paris. Humigit-kumulang 12 milyong katao ang bumibisita sa Notre-Dame taun-taon, kaya't itong ang pinakabinibisitang bantayog sa Paris.[8]

Habang sumasailalim sa pagsasaayos at renobasyon, nasunog ang bubong ng Notre-Dame sa gabi ng 15 Abril 2019. Nang matapos nang maapula ang sunog matapos ang 15 oras, nakatamo na ng matinding pinsala ang katedral, kasama ang pagguho ng toreng patulis at karamihan sa bubong na yari sa kahoy na binalutan ng tingga sa ibabaw ng batong kisame.

Mga sanggunian[baguhin | baguhin ang batayan]

  1. Breeden, Aurelien (15 April 2019). "Part of Notre-Dame Spire Collapses as Paris Cathedral Catches Fire". The New York Times. Sininop mula sa orihinal noong 15 April 2019. Hinango noong 15 April 2019.
  2. "Musique Sacrée à Notre-Dame de Paris". msndp. Sininop mula sa orihinal noong 15 April 2019. Hinango noong 15 April 2019.
  3. "Notre Dame". Collins English Dictionary.
  4. "Notre Dame". Oxford Dictionary of English.
  5. "Notre Dame". New Oxford American Dictionary.
  6. Ducher 1988, pp. 46–62.
  7. "Historique de la construction" (sa French). Hinango noong 2 August 2018.
  8. "Paris facts". Paris Digest. 2018. Hinango noong 15 September 2018.


Maling banggit (Umiiral na ang tatak na <ref> para sa pangkat na pinangalanang "lower-alpha", subalit walang natagpuang katumbas na tatak na <references group="lower-alpha"/>); $2