Katinig sa gilagid-paleta

Naglalaman po ang artikulong ito ng mga ponetikong simbolo ng PPA. Maaari po kayong makakita ng mga tandang pananong, kahon, o iba pang mga simbolo sa halip ng mga mga karakter ng Unicode kung hindi po suportado ang pag-render sa mga ito.

Sa ponetika, katínig sa gilágid-paléta o albeyólopalatál ang mga katinig sa likuran na nabubuo gamit ang pagitan ng harapan at likurang bahagi ng dila sa lugar sa pagitan ng sa gilagid at sa paleta.^[1] Sa opisyal na talahanayan ng Internasyonal na Ponetikong Alpabeto (IPA), nasa pagitan ito ng mga katinig sa dilang pulupot at sa paleta, ngunit madalas na sinasama sa mga paleta na lamang dahil sa "kakulangan sa espasyo".^[2] Inilalarawan nina Peter Ladefoged at Ian Maddieson ang mga ito bilang mga palatalisadong katinig sa likurang gilagid pagilid, na nabubuo gamit ang dulo ng dila sa likurang bahagi ng bahaging albeyolar sa gilagid at sa katawan ng dila na nakaangat upang dumampi sa paleta,^[1] habang inilalarawan naman ito ni John Esling bilang mga nakaabanteng katinig sa paleta, ang pinakanasa harapan ng mga katinig sa likuran, na nabubuo gamit ang katawan ng dila na lumalapit sa bahaging albeyolar. Sapat ang pagkaharap ng mga ito upang maging mga matitinis na katinig ang mga katinig na pasutsot at pasara-sutsot, na natatangi sa mga katinig sa likuran.^[2]

Sanggunian

1 2 Ladefoged, Peter; Maddieson, Ian (1996). The Sounds of the World's Languages [Ang mga Tunog ng mga Wika ng Mundo] (sa wikang Ingles). Oxford, Inglatera: Blackwell. ISBN 0-631-19815-6.
1 2 Esling, John H. (2010). "Phonetic Notation". Mula sa Hardcastle, William J.; Laver, John; Gibbon, Fiona E. (mga pat.). The Handbook of Phonetic Sciences (ika-2nd (na) labas). Wiley-Blackwell. p. 693. doi:10.1002/9781444317251.ch18. ISBN 978-1-4051-4590-9.