Kilometro Sero

Mula sa Wikipediang Tagalog, ang malayang ensiklopedya
Tumalon sa: nabigasyon, hanapin

Ang kilometro sero (Ingles: Kilometre Zero) ang partikular na lokasyon (madalas sa kabisera ng bansa) mula kung saan tradisyonal na sinusukat ang mga layo o distansiya.

Mga bansa[baguhin | baguhin ang batayan]

Pilipinas[baguhin | baguhin ang batayan]

Ang kilometro sero ng Pilipinas, sa Liwasang Luneta, Maynila.

Ang palatandaang marmol na itinakda bilang KM 0 sa harap ng Bantayog ni Rizal sa Liwasang Rizal ay ang Kilometro Sero para sa mga layo ng daan sa pulo ng Luzon at sa natitirang bahagi ng Pilipinas.

Alemanya[baguhin | baguhin ang batayan]

Sa simula matatagpuan sa Dönhoff-Platz sa pusod ng Berlin ang simulang punto ng lahat ng mga daan ng dating bansa ng Prusya papunta at mula Berlin mula 1730 hanggang 1875. Noong 1975 isang milestone na itinayong muli ay inilagay sa harap ng Spittel-Kolonnaden sa Marion-Gräfin-Dönhoff-Platz. 52°30′39″N 13°23′56″E / 52.510788°N 13.398964°E / 52.510788; 13.398964

Ehipto[baguhin | baguhin ang batayan]

Ang kilometro sero ng Ehipto ay matatagpuan sa Koreo ng Attaba Square sa Unang Kalye ng Abdel Khaliq Sarwat Pasha sa Cairo.

Eslobakiya[baguhin | baguhin ang batayan]

May kilometro sero ang Eslobakiya sa kabisera nitong Bratislava, sa ilalim ng Tarangkahan ng Michael sa Michalská veža (Tore ni San Miguel).

Estados States[baguhin | baguhin ang batayan]

Zero Milestone sa Washington, D.C.

Ang sistemang metriko ay hindi karaniwang sistema sa Estados Unidos, subalit ang mga palatandaang pangmilya para sa karamihan sa mga pangunahing daan ay nagsisimula sa kanilang kanluran o katimugang dulo. Ang mga sistema ng pagmamarka ng milya ay kadalasang sa loob ng bawat mga estado; magsisimula muli ang pagbibilang ng milya kapag tinawiran ang hangganan ng estado.

Si Pierre Charles L'Enfant (1754–1825), ang unang arkitekto ng Washington, D.C., ay nagpanukala ng isang hindi pinangalang palatandaang reperensiya sa anyo ng isang poste na matatagpuan isang milya silangan ng Kapitolyo na hindi naitayo.

Bagaman hindi ginagamit sa panukat sa mga daan ng Estados Unidos sa labas ng kabisera, ipinanukala noong 1919 ang isang Zero Milestone malapit sa White House, at inilagay ng pamahalaang pederal ang isang panghabambuhay na palatandaan noong 1923 na pinondohan ng Good Roads Movement.

Sa Lungsod ng New York, ang Columbus Circle sa timog-kanlurang gilid ng Central Park ay ang tradisyunal na punto kung saan lahat ng mga kinikilalang layo ay sinusukat,[1] subalit ginagamit ng Google Maps ang Gusaling Panlungsod ng New York para sa gawaing ito.[2]

Finland[baguhin | baguhin ang batayan]

Ang kilometro sero ng Finland ay matatagpuan sa Erottaja Square sa gitnang Helsinki.

Hapon[baguhin | baguhin ang batayan]

Kilometro sero ng Hapon sa kalagitnaan ng Tulay ng Nihonbashi sa Tokyo

Ang Kilometro Seri ng Hapon (日本国道路元標 Nipponkoku Dōro Genpyō?) ay nasa gitna ng Tulay ng Nihonbashi sa Tokyo. Ang Estasyon ng Tokyo ay itinuturing panimulang punto ng pambansang network ng daambakal at may mga ilang poste at bantayog na nagpapahiwatig ng kilometro sero ng mga linyang nagmumula sa estasyon.

Italya[baguhin | baguhin ang batayan]

Ang kilometro sero ng Italya ay matatagpuan sa ibabaw ng Capitoline Hill sa Roma.

Madagascar[baguhin | baguhin ang batayan]

Ang kilometro sero para sa mga pangunahing daan na nangagaling sa Antananarivo ay matatagpuan sa liwasan (square) sa harap ng Estasyong daambakal ng Soarano.

Mehiko[baguhin | baguhin ang batayan]

Ang kilometro sero ng Mehiko ay matatagpuan sa Lungsod ng Mehiko, kasunod ng Mexico City Metropolitan Cathedral.

Noruwega[baguhin | baguhin ang batayan]

Ang kilometro sero ng Noruwega ay matatagpuan sa Oslo, sa adres ng Observatoriegaten 1.

Pransiya[baguhin | baguhin ang batayan]

Kilometro sero ng mga lansangang Pranses

Ang Kilometro Sero ng mga pambansang lansangan ay matatagpuan sa Paris sa parisukat na kaharap ng pangunahing pasukan ng katedral ng Notre Dame, at itinuturing opisyal na sentro ng lungsod ng Paris. 48°51′12″N 2°20′56″E / 48.8534°N 2.3488°E / 48.8534; 2.3488

Republikang Dominikano[baguhin | baguhin ang batayan]

Umaalis ang DR-1, DR-2, at DR-3 mula sa kilometro sero sa Parque de Independencia ng Santo Domingo.

Romania[baguhin | baguhin ang batayan]

Ang kilometro sero ng Romania ay tinanda ng isang bantayog na matatagpuan sa harap ng St. George's Church sa gitnang Bucharest.

Rusya[baguhin | baguhin ang batayan]

Kilometro sero ng Rusya.

Ang plakeng bronse na nagtatanda ng kilometro sero ng Rusya ay matatagpuan sa Moscow, sa harap lamang ng Iberian Chapel, sa isang maikling pasilyo na nag-uugnay ng Red Square sa Manezhnaya Square at pinagigiliran ng State Historical Museum at ang Moscow City Duma. May isa ring palatandaang kilometro sero sa lungsod ng Barnaul sa katimugang bahagi ng bansa.

Sweden[baguhin | baguhin ang batayan]

Sa Sweden, ang estatuwang equestrian (o pagsakay ng kabayo) ni Haring Gustav II Adolf sa gitna ng Gustav Adolfs torg square sa Stockholm ay ginamit bilang kilometro sero.

Tsina[baguhin | baguhin ang batayan]

Ang kilometro sero ng China Railways ay matatagpuan sa pasukan sa Fengtai Yard sa Linyang Jingguang sa labas lamang ng Beijing. Ang puntong ito ay simula ng linya point sa nakaraan; isa lamang payak na kongkretong palatandaan ito na may nakapintang "0". Walang seremoniyal na plake sa lugar.

Ang kilometro sero ng mga lansangan ay matatagpuan sa Tiananmen Square, sa labas lamang ng Tarangkahang Zhengyangmen. Nakatanda ito ng isang plake sa lupa na may apat na mga puntong kardinal, apat na mga hayop, at katagang "Zero Point of Highways, China" sa Ingles at Tsino.

Ukraine[baguhin | baguhin ang batayan]

Ang Kilometro Sero ng Ukraine, na tinawag na "The Winged Globe", ay matatagpuan sa Maidan Nezalezhnosti sa Kiev, ang kabisera at pangunahing lungsod ng bansa. 50°27′00″N 30°31′24″E / 50.4500729°N 30.523444°E / 50.4500729; 30.523444

Tingnan din[baguhin | baguhin ang batayan]

Mga sanggunian[baguhin | baguhin ang batayan]