Kim Chol-ju
Kim Chol-ju | |
|---|---|
| 김영주 | |
.jpg) | |
| Kapanganakan | 12 Hunyo 1916 |
| Kamatayan | 14 Hunyo 1935 (19 taong gulang) |
| Magulang | Kim Hyong-jik (ama) Kang Pan-sok (ina) |
| Kamag-anak | [Mga Kapatid:] Kim Il-sung Kim Yong-ju |
Si Kim Chol-ju (Hunyo 12, 1916 - Hunyo 14, 1935) ay isang Koreanong manghihimagsik sa panahon ng pamamahala ng Hapon sa Korea. Isa siya sa mga nakababatang kapatid ni Kim Il-sung, ang unang kataas-taasang pinuno at nagtatag ng Hilagang Korea.
Talambuhay
[baguhin | baguhin ang wikitext]Ipinanganak si Kim noong Hunyo 12, 1916 sa kapitbahayan ng Mangyongdae sa Korea, noong sakop pa ang tangway ng Imperyo ng Hapon. Ang kanyang mga magulang ay sina Kim Hyong-jik, isang guro, parmakolohista sa damong-gamot, at aktibista para sa kalayaan ng Korea, at si Kang Pan-sok, isa ring aktibista kagaya ng kanyang asawa. Ang kanyang dalawang kapatid ay sina Kim Il-sung, ang unang kataas-taasang pinuno ng Hilagang Korea, at Kim Yong-ju, ang naging Pandangal na Pangalawang Pangulo ng Kataas-taasang Asembleyong Bayan ng bansa. Galing ang pamilya ni Kim mula sa Jeonju, Hilagang Jeolla. Ang kanyang lolo sa tuhod (sa kanyang ama) na si Kim Ung-u ay nanatili sa Mangyongdae noong 1860. Lumaki si Kim sa isang Kristiyanong pamilya, partikular na sumusunod sa sektang Presbyterianismo. Ang kanyang lolo sa ina ay isang Protestanteng ministro, ang kanyang ama ay pumunta sa isang paaralang misyonero, at ang kanyang mga magulang ay aktibo sa pamayanan ng agamahan. Ang pamilya ni Kim ay sumali sa mga aktibidad na kontra-Hapones at tumakas sa Manchuria noong 1920 kagaya ng karamihan ng mga Koreanong pamilya upang makaiwas sa taggutom at sa pang-aapi ng mga Hapones sa panahon noong sakop pa ng Hapon ang Korea.[1][2][3][4][5]
Unang nasangkot si Kim sa aktibismo sa pulitika sa pamamagitan ng Saenal Youth Union, na itinuturing na pinakaunang rebolusyonaryong kilusang kabataan sa Korea. Nang maglaon ay pumasok siya sa Young Communist League, na nagpatuloy sa kanyang gawain sa lihim na pakikibaka. Namatay siya noong 14 Hunyo 1935 at inilibing sa Taesongsan Revolutionary Martyrs' Cemetery. Ang Kim Chol Ju Teaching University ay itinatag sa kanyang karangalan.[6]
Mga Sanggunian
[baguhin | baguhin ang wikitext]- ↑ Suh, Dae-sook (1988). Kim Il Sung: The North Korean Leader. New York: Columbia University Press. p. 3. ISBN 0231065736.
- ↑ https://scholarworks.arcadia.edu/cgi/viewcontent.cgi?article=1011&context=senior_theses
- ↑ Andrei Lankov (2004). The DPRK yesterday and today. Informal history of North Korea. Moscow: Восток-Запад (English: East-West). p. 73. 243895. Inarkibo mula sa orihinal noong 2020-08-02. Nakuha noong 2022-01-05.
- ↑ "Soviet Officer Reveals Secrets of Mangyongdae". Daily NK. 2 January 2014. Inarkibo mula sa orihinal noong 11 February 2014. Nakuha noong 15 April 2014.
- ↑ Byrnes, Sholto (7 May 2010). "The Rage Against God, By Peter Hitchens". The Independent. London. Inarkibo mula sa orihinal noong 12 May 2010.
- ↑ https://kfausa.org/indomitable-revolutionary-kim-chol-ju/