Kimtsi
 Paikot sa kanan mula sa itaas na kaliwa: kkakdugi, pa-kimchi, yeolmu-kimchi, dongchimi, nabak-kimchi, mul-kimchi | |
| Kurso | Banchan |
|---|---|
| Lugar | Korea |
| Kaugnay na lutuin | Lutuing Koreano |
| Ihain nang | Malamig o sa temperatura ng silid |
| Pangunahing Sangkap | Iba't ibang gulay kabilang ang petsay Baguio at labanos |
| Karagdagang Sangkap | Sili |
| Baryasyon | Baechu-kimchi, baek-kimchi, dongchimi, kkakdugi, nabak-kimchi, pa-kimchi, yeolmu-kimchi, morkovcha |
| |
| Kimtsi | |
| Hangul | 김치 |
|---|---|
Ang kimchi ( /ˈkɪmtʃiː/; Koreano: 김치; RR: gimchi) ay isang tradisyonal na Koreanong pamutat (banchan) na binubuo ng inasnan at binurong gulay, karaniwang petsay Baguio o mu (Koreanong labanos). Isang malawak na seleksiyon ng mga panimpla ang ginagamit, kabilang ang gochugaru (pinulbos na Koreanong sili), murang sibuyas, bawang, luya, at jeotgal (inasnang pagkaing-dagat).[1][2] Ginagamit din ang kimchi sa iba’t ibang sabaw at nilaga. Isa itong pangunahing pagkain sa lutuing Koreano at karaniwang hinahain bilang ulam na pampares sa halos bawat pagkain ng mga Koreano.[3]
Mayroon daan-daang uri ng kimchi na gawa sa iba’t ibang gulay bilang pangunahing sangkap.[2] Kabilang sa mga halimbawa ng mga baryante ang baechu-kimchi, kkakdugi, chonggak-kimchi, at oi-sobagi. Tradisyonal na iniimbak ang pantaglamig na kimchi, na tinatawag na gimjang, sa mga onggi, mga malalaking sisidlang pamburo na gawa sa lupang-putik na ibinabaon sa lupa upang maiwasan ang pagyeyelo sa mga buwan ng taglamig at upang manatiling sapat ang lamig para mapabagal ang pagbuburo sa mga buwan ng tag-init.[4] Ang proseso ng paggawa ng kimchi ay tinatawag ding gimjang at nagsilbing pagkakataon para makilahok ang buong nayon. Ang mga sisidlan ay karaniwang inilalagay sa mga espesyal na terasa na tinatawag na jangdokdae. Sa kasalukuyan, mas karaniwang ginagamit ang mga pambahay na repriherador na pang-kimchi.[2]
Mababa sa kaloriya at kolesterol ang kimtsi, at may mataas na antas ng hibla o pibra. Kung ihahambing sa mansanas, mas mataas ang bilang ng mga bitamina ng kimtsi.[5]
Mga sangkap
[baguhin | baguhin ang wikitext]
Ang mga uri ng kimchi ay tinutukoy ng mga pangunahing gulay na ginagamit at ng halo ng mga pampalasa na nagbibigay ng lasa dito.
Mga gulay
[baguhin | baguhin ang wikitext]Ang mga repolyo (petsay Baguio, bomdong, at mga bilugang uri ng repolyo) at mga labanos (mu o Koreanong labanos, chonggakmu, gegeolmu, at yeolmu) ang pinakakaraniwang ginagamit na gulay sa kimchi.[1][2]
Tingnan din
[baguhin | baguhin ang wikitext]Mga sanggunian
[baguhin | baguhin ang wikitext]- 1 2 "Kimchi". Encyclopædia Britannica (sa Ingles). 1 Oktubre 2008. Inarkibo mula sa orihinal noong 13 Hulyo 2022. Nakuha noong 23 Marso 2017.
- 1 2 3 4 Chin, Mei (14 Oktubre 2009). "The Art of Kimchi" [Ang Sining ng Kimchi]. Saveur (sa Ingles). Inarkibo mula sa orihinal noong 25 Marso 2022. Nakuha noong 9 Agosto 2010.
- ↑ Hongu, Nobuko; Kim, Angela S.; Suzuki, Asuka; Wilson, Hope; Tsui, Karen C.; Park, Sunmin (Setyembre 2017). "Korean kimchi: promoting healthy meals through cultural tradition" [Koreanong kimchi: pagtataguyod ng malusog na pagkain sa pamamagitan ng kultural na tradisyon]. Journal of Ethnic Foods (sa Ingles). 4 (3): 172–180. doi:10.1016/j.jef.2017.08.005. ISSN 2352-6181.
- ↑ Jang, Dai-Ja; Chung, Kyung Rhan; Yang, Hye Jeong; Kim, Kang-sung; Kwon, Dae Young (Setyembre 2015). "Discussion on the origin of kimchi, representative of Korean unique fermented vegetables" [Talakayan sa pinagmulan ng kimchi, kinatawan ng mga kakaibang binurong gulay ng mga Koreano]. Journal of Ethnic Foods (sa Ingles). 2 (3): 126–136. doi:10.1016/j.jef.2015.08.005. ISSN 2352-6181.
- ↑ "Kimchi and Bulgogi: Health Food". Facts About Korea. Korean Overseas Information Service at Government Information Service (Seoul, Republika ng Korea), Edisyon ng 2006, ISBN 89-7375-008-9. 1973., Kabanata 20, pahina 244.
Ang lathalaing ito na tungkol sa Pagkain ay isang usbong. Makatutulong ka sa Wikipedia sa pagpapalawig nito.