Kontra-GaPi
Ang Kontemporaryong Gamelan Pilipino o Kontra-GaPi ay isang grupo na nagmumula sa Unibersidad ng Pilipinas na nagtatanghal ng pang-kulturang musika at sayaw gamit ang mga katutubong instrumento at tradisyong pang-musika ng Pilipinas at ng iba pang mga bansa sa Timog-silangang Asya.
Kasaysayan
[baguhin | baguhin ang wikitext]Noong 1989 ay itinatag ang Kontra-GaPi ni Pedro “Edru” Abraham Jr. na isang propesor sa Unibersidad ng Pilipinas.[1]
Hinirang ang Kontra-GaPi bilang residenteng grupo na pang-etnikong musika at sayaw ng Kolehiyo ng Sining at Literatura ng Unibersidad ng Pilipinas ng Dekano ng kolehiyo noong 1993.[2]
Ang salitang "gamelan" ay nanggaling sa salitang "gamel" na Javanese na nangangahulugan na ipukpok o to hammer. Gumagamit ang Kontra-GaPi ng mga instrumentong ideophone na tulad ng kulintang, gangsa, tongatong at kalutang; mga chordophones na tulad ng hegalong, kulibet, gitgit at kuritang; mga aerophone na tulad ng diwdiw-as, esmi, tonggali at suling; at mga membranophones na tulad ng debakan, solibaw at mga drums ng mga taga-Cordillera na may iba't ibang hugis at laki.[3]
Ang salitang "gapi" ay nangangahulugan ng ikadena. Naninindigan ang Kontra-GaPi laban sa mga bagay na pumipigil sa kalayaan, sariling katangian at pagiging mapag-imbento. Naniniwala din ang Kontra-GaPi na ang masinig na tradisyon ng Pilipinas at ng mga bansa sa Timog-silangang Asya ay karapat-dapat sa pinakamataas na pagpapahalaga at pagiging tanyag sa buong mundo na katulad ng iba pang tradisyon.[3]
Mga pagtatanghal
[baguhin | baguhin ang wikitext]Naganap noong 1997 ang unang internasyunal na konsiyerto ng Kontra-GaPi sa mga bansang Austria, Belhika, Alemanya, Netherlands, Suwisa, Canada, at Estados Unidos.[2]
Dala ang titulong "Ambassador of Goodwill for the Culture and the Arts of the University of the Philippines for the year 2000" ay nagtanghal ang Kontra-GaPi sa Hilagang Amerika kasama na ang bansang Canada noong 2000.[2]
Naimbitahan na magtanghal ang Kontra-Gapi sa Førde Traditional and World Music Festival sa Noruwega noong 2013.[1] Noon ding taong iyon ay nagkaroon ng ilang pagtatanghal ang Kontra-GaPi sa Belhika at Luxembourg simula Mayo hanggang Hulyo.[4]
Gumawa ang Kontra-GaPi ng isang nakakapukaw na rendisyon ng temang musika ng palabas na Game of Thrones na kasama sa kampanyang pang-promosyon ng SkyCable para sa season bago ang huling season ng naturang palabas sa HBO.[5]
Mga sanggunian
[baguhin | baguhin ang wikitext]- 1 2 GMA News (2013-06-25). "UP's Kontra-GaPi to jam at Norway world music festival". GMA News Online (sa Ingles). Nakuha noong 2025-02-27.
{{cite web}}: CS1 maint: url-status (link) - 1 2 3 "Kontemporaryong Gamelan Pilipino". Iskomunidad (sa Ingles). 2025-02-27. Nakuha noong 2025-02-27.
{{cite web}}: CS1 maint: url-status (link) - 1 2 "KONTRA-GAPI: Press Comments". www.philippinen.at. Nakuha noong 2025-02-27.
{{cite web}}: CS1 maint: url-status (link) - ↑ "Kontra-GaPi Successfully Ends 30-Day Spring/Summer Tour Across Belgium and Luxembourg, Receives Support from PHL Embassy and Filipino Community". dfa.gov.ph. Nakuha noong 2025-02-27.
{{cite web}}: CS1 maint: url-status (link)[patay na link] - ↑ ABS-CBN News (19 July 2017). "Kontra-GaPi does incredible folk cover of 'Game of Thrones' theme song". ABS-CBN News. Nakuha noong 27 February 2025.
{{cite news}}: CS1 maint: url-status (link)