Pumunta sa nilalaman

Eskandalo sa mga proyektong kontra-baha sa Pilipinas

Mula sa Wikipedia, ang malayang ensiklopedya
Eskandalo sa mga proyektong kontra-baha sa Pilipinas
Bahagi ng Korupsiyon sa Pilipinas
Pangulong Bongbong Marcos (ikatlo mula sa kanan) nagsagawa ng inspeksiyon sa di-natapos na proyektong kontra-baha sa Baliwag, Bulacan, noong Agosto 20, 2025
DahilanMga umano’y proyektong "multo",[a] monopolyo ng mga kontratista, at maling alokasyon ng mga pondo
KinalabasanKasalukuyang imbestigasyon ng Senado
Mga pangunahing tauhan
Mga ahensiyang kasangkot

Mula noong 2024, sunud-sunod na mga alegasyon ng katiwalian, maling pamamahala, at iregularidad sa mga proyektong pangkontrol sa baha na pinondohan ng pamahalaan ang lumitaw sa Pilipinas sa ilalim ng administrasyon ni Pangulong Bongbong Marcos. Ang kontrobersiya, na kung minsan ay tinatawag na Floodgate,[1] ay nakasentro sa bilyun-bilyong pisong inilaan para sa mga hakbangin sa pamamahala ng pagbaha, mga ulat ng mga proyektong "multo",[a] depektibong konstruksyon, at ang sinasabing pagtatabi ng mga kontrata ng isang maliit na grupo ng mga pinapaborang kontratista.

Sanligan

[baguhin | baguhin ang wikitext]
Tinalakay ni Pangulong Bongbong Marcos ang mga proyektong kontra-baha noong Talumpati sa Kalagayan ng Bansa, 2025.

Sa kanyang ikaapat na Talumpati sa Kalagayan ng Bansa (SONA) noong Hulyo 2025, iniulat ni Pangulong Marcos na naisakatuparan ng kanyang administrasyon ang mahigit 5,500 proyektong kontra-baha at nag-anunsyo ng mga plano para sa hindi bababa sa sampung malalaking proyekto na nagkakahalaga ng higit sa ₱500 bilyon sa susunod na 13 taon.[3] Binigyang-katwiran ng Kagawaran ng mga Pagawain at Lansangang Bayan (DPWH) ang mga proyektong ito bilang mga agarang hakbang upang mabawasan ang pagbaha, lalo na sa Kalakhang Maynila at Gitnang Luzon, ngunit inamin na ang mahinang pamamahala ng basura ay lalo pang nagpapalala ng pagbaha.[4]

Mga bilang ng proyektong kontra-baha sa bawat bayan ng Pilipinas. Ang ilan sa mga pangunahing lungsod sa Pilipinas ay nakatanggap ng maraming proyektong kontra-baha sa kanilang hurisdiksiyon.

Kalaunan ay bineto ni Marcos ang ₱16.7 bilyong mga proyektong kontra-baha na kasama sa pambansang badyet ng 2025, na binanggit ang redundansiya at hindi angkop na pagkakalagay ng mga proyekto.[5]

Mga alegasyon ng katiwalian at iregularidad

[baguhin | baguhin ang wikitext]

Imbestigasyon ng Lupong Lasong Bughaw ng Senado

[baguhin | baguhin ang wikitext]

Noong Agosto 2025, naglunsad ang Lupong Lasong Bughaw ng Senado ng isang imbestigasyon, motu proprio, na pinamagatang Philippines Under Water hinggil sa mga umano’y iregularidad sa mga proyektong kontra-baha.[6]

  • Mga proyektong "multo":[a] Inamin ng mga opisyal ng DPWH ang posibilidad ng mga proyektong multo sa Bulacan, partikular sa Calumpit, Hagonoy, at Malolos, kung saan napaulat na nakuha ng Wawao Builders ang ₱9 bilyong halaga ng mga kontrata. Ayon kay Kalihim ng Katarungan Jesus Crispin Remulla, isang abogado ang nagbigay ng impormasyon tungkol sa isang ₱5 bilyong proyektong ‘multo’ sa Gitnang Luzon, at nagmungkahi na maaaring tumanggap ang kontratista ng hanggang 40% ng halaga ng proyekto.[7][8]
  • Mga eskema sa pagrenta ng lisensya: May mga ulat na ang mga lisensya ng kontratistang may antas na tatluhang-A o apatuhang-A ay inuupahan ng mas maliliit na tagabuo, isang kasanayang inuugnay sa di-kalidad na resulta ng konstruksiyon.[9]
  • Mga monopolyo ng kontratista: Inakusahan ng mga senador na isang maliit na grupo ng mga kontratista ang nakakorner ng mga kontratang nagkakahalaga ng humigit-kumulang ₱100 bilyon, na nagdudulot ng pangamba hinggil sa kompetisyon at transparensiya. Ibinunyag ni Marcos na 15 lamang sa 2,409 na akreditadong kontratista ang nakakuha ng ₱100 bilyon, o 18% ng kabuuang ₱545.6 bilyong badyet para sa pagbawas ng baha na inilaan ng kanyang administrasyon mula Hulyo 2022 hanggang Mayo 2025.[10][11]

Talababa

[baguhin | baguhin ang wikitext]
  1. 1 2 3 Ayon sa Kawanihan ng Rentas Internas (BIR), ang mga 'proyektong "multo"' ay itinutukoy bilang mga proyektong pang-imprastraktura ng pamahalaan na iniulat sa mga dokumento ng gobyerno bilang "nakumpleto" at "ganap na binayaran," ngunit hindi kailanman aktwal na itinayo.[2]

Mga sanggunian

[baguhin | baguhin ang wikitext]
  1. ↑ Murcia, Alvin; Kabagani, Lade Jean (Setyembre 20, 2025). "Floodgate attracts new witnesses" [Floodgate, umaakit ng mga bagong saksi] (sa wikang Ingles). Daily Tribune. Nakuha noong September 20, 2025. May higit pang mga pagbubunyag na inaasahang darating sa tinatawag na ngayon na 'Floodgate,' bilang pagtukoy sa Amerikanong katumbas nito, ang eskandalong Watergate, na humantong sa pagbibitiw ng Pangulo ng Estados Unidos na si Richard Nixon noong 1974. (Isinalin mula sa Ingles)
  2. ↑ Bureau of Internal Revenue (Agosto 29, 2025). "Lumagui: BIR to Conduct Tax Fraud Audit on Anomalous Flood Control Contractors" [Lumagui: BIR, Magsasagawa ng Pagsusuri sa Pandaraya sa Buwis ng mga Maanomalyang Kontraktor sa mga Proyektong Kontra-baha]. Philippine Information Agency (sa wikang Ingles). Inarkibo mula sa orihinal noong Setyembre 1, 2025. Nakuha noong Setyembre 1, 2025.
  3. ↑ "Philippine president calls out corruption in flood control projects" [Pangulo ng Pilipinas tinuligsa ang katiwalian sa mga proyektong kontra-baha]. Eco-Business (sa wikang Ingles). Hulyo 29, 2025. Inarkibo mula sa orihinal noong Agosto 4, 2025. Nakuha noong Agosto 21, 2025.
  4. ↑ "DPWH blames garbage disposal for Metro Manila flooding". Philippine News Agency. July 2024. Inarkibo mula sa orihinal noong July 23, 2023. Nakuha noong August 21, 2025.
  5. ↑ "Marcos vetoes ₱16.7B worth of flood control projects in 2025 budget" [Marcos, bineto ang ₱16.7B halaga ng mga proyektong kontra-baha sa badyet ng 2025]. The Philippine Star (sa wikang Ingles). Agosto 2024.
  6. ↑ Bacelonia, Wilnard (August 19, 2025). "Senate panel probes flood control anomalies". Philippine News Agency. Inarkibo mula sa orihinal noong August 20, 2025. Nakuha noong August 21, 2025.
  7. ↑ Abaraca, Charie (Agosto 19, 2025). "DPWH Confirms 'Ghost' Flood Control Project" [DPWH, Kinumpirma Ang 'Multong' Proyektong Kontra-baha]. Philippine Daily Inquirer (sa wikang Ingles). Inarkibo mula sa orihinal noong Setyembre 25, 2025. Nakuha noong Setyembre 25, 2025.
  8. ↑ "DOJ: Possible whistleblower in ghost flood control projects surfaces" [DOJ: Posibleng tagapagsumbong sa mga ‘multong’ proyektong kontra-baha, lumutang]. Philippine News Agency (sa wikang Ingles). Nakuha noong Agosto 30, 2025.
  9. ↑ Ager, Maila (Agosto 20, 2025). "Lacson links solon to flood control projects funded thru insertions" [Lacson, iniugnay ang isang mambabatas sa mga proyektong kontra-baha na pinondohan sa pamamagitan ng pagsisingit sa badyet]. Philippine Daily Inquirer (sa wikang Ingles). Inarkibo mula sa orihinal noong Agosto 22, 2025. Nakuha noong Agosto 21, 2025.
  10. ↑ Cayabyab, Marc Jason; Servallos, Neil Jayson (Agosto 20, 2025). "Top contractors no-show at Senate flood control probe" [Mga nangungunang kontratista, hindi sumipot sa imbestigasyon ng Senado sa mga proyektong kontra-baha]. The Philippine Star (sa wikang Ingles). Inarkibo mula sa orihinal noong Agosto 19, 2025. Nakuha noong Agosto 21, 2025.
  11. ↑ Subingsubing, Krixia (Agosto 29, 2025). "House probe to cover Davao flood control" [Kontra-baha sa Davao, saklaw ng imbestigasyon ng Kamara]. Philippine Daily Inquirer (sa wikang Ingles). Inarkibo mula sa orihinal noong Agosto 29, 2025. Nakuha noong Agosto 29, 2025.
Nagmula sa "https://tl.wikipedia.org/w/index.php?title=Eskandalo_sa_mga_proyektong_kontra-baha_sa_Pilipinas&oldid=2189908"