Mangagawang Bubuyog

Mga mangagawang bubuyog (may reyna)

Ang Mga Mangagawang Bubuyog o Magagawang pukutan na tinatawag na worker bee sa ingles ay anumang babaeng pukyutan na walang kakayahang magparami tulad ng queen bee ng kolonya at siyang gumagawa ng karamihan ng mga gawain na kinakailangan para sa pagpapatakbo ng pugad. Bagaman makikita ang worker bees sa lahat ng eusocial bee species, bihira itong gamitin (maliban sa mga siyentipikong pag-aaral) para sa ibang uri ng pukyutan maliban sa honey bee, partikular na sa European honey bee (Apis mellifera). Ang mga worker bee ng ganitong uri ay responsable sa halos 80% ng pollination services para sa mga pananim sa buong mundo.

Ang magagawang bubuyog ang uring pukyutan na gumagawa ng karamihan sa mahahalagang gawain sa pugad, at sila rin ang pinakamarami sa lahat ng uri ng pukyutan. Mas maliit sila kumpara sa mga lambino (drone) o reynang bubuyog (queen bee), at ang kanilang katawan ay espesyal na nabuo para sa pagkolekta ng nektar at pollen. Ginagawa nila ang iba't ibang gawain sa pugad sa sunud-sunod na paraan habang tumatanda, ayon sa kanilang edad.

Kinokolekta ng mga mangagawang bubuyog ang pollen sa mga pollen basket sa kanilang mga likurang paa at dinadala pabalik sa pugad kung saan ito ginagamit bilang pagkain para sa lumalaking sisiw ng bubuyog (brood). Ang pollen na naiwan sa kanilang katawan ay maaaring mailipat sa ibang bulaklak, at ang maliit na bahagi nito ay dumidikit sa pistil, na nagreresulta sa cross pollination. Ang nektar ay hinihigop gamit ang proboscis, hinahalo sa mga enzymes sa tiyan, at dinadala pabalik sa pugad, kung saan ito iniimbak sa wax cells at pinapalapot upang maging pulot.