Maricel Soriano

Mula sa Wikipediang Tagalog, ang malayang ensiklopedya
Tumalon sa: nabigasyon, hanapin
Wikipedia-logo-en.png
Tingnan ang katumbas na artikulo sa English Wikipedia para sa mas malawak na pagtalakay ng paksang ito.

Si Maria Cecilia Dador Soriano ay ang tinaguriang "Diamond Star" ng Pelikulang Pilipino. Unang nasilayan ang kanyang talento sa pagganap sa "My Heart belongs to Daddy" noong 1971 bilang nakakabatang kapatid ni Tirso Cruz, III. Kahit lumabas lamang siya ng 15 minuts sa nasabing pelikula ay nagmarka sa manonood ang angking talino sa pagsayaw, pagsasalita at ang tamang emosyon sa bawat eksena. Kung kaya't siya ay napapasama sa mga drama series ng panahong iyon tulad ng "Huwaran" ni Eddie Rodriguez; "Kahapon Lamang" ni Eddie Ilarde. Mismong si Direk Ading Fernando at Hari ng Komedya na si Dolphy ang pumili kay Marya upang gumanap sa character ni Shirley Puruntong, ang bibo subalit mataray na anak ni John and Marsha Puruntong. Sa murang edad na siyam (9) ay gumanap si Marya ng isang mapaghamon papel sa pelikulang "Alaala Mo, Daigdig Ko" na isa sa mga kalahok sa 9th Manila Film Festival noong 1974. Dahil sa angking talino sa pagganap ay natamo niya ang "best child performer" award. Samantala sa Iloilo Film Festival ay tumanggap din niya ng parangal sa pelikulang "John en Marsha 1974" sa nasabi din kategorya.

Sa "John en Marsha" nahasa ang comedic timing nya sa turo ng mga batikang comedyante na pinangungunahan ni Dolphy at Nida Blanca, kasama na sina Dely Atay-atayan at Matutina. Ginamapanan ni Marya bilang bunsong anak nina John en Marsha noong 1973 hanggang 1977. Nagbalik ang sitcom sa ere noong 1980 na kung saan si Marya ay dalagita na hanggang 1992. Nasama rin siya sa "Kaluskos Musmos" na kung saan siya ay si Jacklyn Pusit, ang apo ni Farrah Pusit na si Chichay. Sa rekomendasyon ng huli kay Lily Monteverde ng Regal Films ay naging ganap na Regal Baby siya, kasama nina Snooky Serna, Dina Bonnevie, William Martinez, Gabby Concepcion, Jimi Melendez.

Sa pelikulang "Underage" (1980) ay nagsamasama sila at nag-hit ito sa takilya. Naging ka-loveteam niya si William Martinez at sila ay na-launch sa pelikulang "Oh My Mama" in 1981 at naging isa sa mga big hits ng Regal Productions. Nasundan pa ito ng maraming pelikula na pawang mga comedy tulad ng "Pabling", "Inday Bote", Inday, Inday sa Balitaw", "Maria Went to Town", "Summer Love", "Summer Holiday", "Stupid Cupid", "Kung ayaw mo Huwag Mo". Sumabak din sila sa drama tulad ng "Kaya kong Abutin ang Langit", "Minsan may isang Ina", "To Mama with Love", "Mother Dear", "Teenage Marriage".

Naging leading men din niya sina Fernando Poe Jr. sa "Batang Quiapo", Gabby Concepcion sa "Pepe and Pilar", Joel Alano sa "Schoolgirls", Cesar Montano sa "Kung Kaya Mo, Kaya ko Rin", Rowell Santiago sa "Hinugot sa Langit", Randy Santiago sa "Taray at Teroy", Richard Gomez sa "Dahas", Tonton Gutierrez sa "Abot Kamay ang Panagarap", Dani Giovanni sa "Ang Boypren kong Kano", Rudy Fernandez sa "Nagkataon, Nagkatagpo", Gary Valenciano sa "Horsey, Horsey, tigidig-tigid", Raymond Lauchengco sa "Saan Darating ang Umaga".

Sa telebisyon ay nagkaroon siya ng musical variety show -- "I M wat I M" (BBC-2 1985) ; "Maricel Live" (IBC-13 1986); "Maria, Maria" (PTV-4 1987). Siya ay napssama din sa mga sitcom tulad ng "2 + 2 = Gulo" (BBC-2); "Lets go Crazy with Jack & Joey (ABS-CBN). Subalit sa drama anthology kuminang nang husto sa pamamagitan ng Maricel Regal Drama Special (1987-1989) na produced ng Regal Films. Matapos ng tatlong taon, ay siya na mismo ang naging producer nito at ito'y tinawag ng Maricel Soriano Drama Special (1989-1997). Sa tulong ng kapatid na si Maria Victoria Soriano (ina ni Meryl Soriano) at payo ng dating asawa na si Edu Manzano at ex-manager na si Manny Valera ay ipinundar nilang magkapatid ang Excellent Productions. Itinanghal na best drama actress ng Star Awards for TV sa taong 1988, 1989 at 1992 at naging Catholic Mass Media Award (CMMA) best TV drama series noong 1992 at 1993, kabilang dito ang KBP TV award for best TV drama show noong 1992.

Nang taong 1998 ay naging film producer si Marya at nakipag-joint production with Star Cinema sa pelikulang, "Kung kaya mo, kaya ko rin" isang comedy-actuion film kasama si Cesar Montano. Ito'y naging napakalaking hit, kung kaya iminungkahi ng pamunuan ng ABS-CBN na gawing itong sitcom at ipalit sa kanyang drama series. Itoy pinamagatan "Kaya ni Mister, Kaya ni Misis". Lalo pa itong tumingkad sa ratings at naging daan upang magkaroon si Marya ng dalawang (2) international award sa komedya mula sa Asian International Television Awards.

Noong 1986 ay nagkaroon ng musical concert si Marya na may pamagat, "Maria, hello, hello" sa Araneta Coliseum. Dito ay sumayaw at kumanta ng live si Marya. Hindi man siya professional singer, ay napuno niya ang "Big Dome". Sumuporta ang mga kaibigan na sina Roderick Paulate, Jackie Blanco, William Martinez,Richard Merck, Gary Valenciano, Martin Nievera.

Kapanganakan[baguhin | baguhin ang batayan]

Lugar ng Kapanganakan[baguhin | baguhin ang batayan]

  • Maynila, Pilipinas

Pelikula[baguhin | baguhin ang batayan]

Telebisyon[baguhin | baguhin ang batayan]