Pumunta sa nilalaman

Mary's Boy Child

Mula sa Wikipedia, ang malayang ensiklopedya
"Mary's Boy Child"
Single ni/ng Harry Belafonte
mula sa album na An Evening with Belafonte
B-side"Venezuela"
NilabasDisyembre 1956
Nai-rekordHulyo 1956[1]
IstudiyoGrand Ballroom, Webster Hall, Lungsod New York
Tipo
Haba4:20 (bersyong pang-album
bersyong single ng Reyno Unido)[4][5]
2:53 (Bersyong single sa Estaods Unidos)[5]
TatakRCA Victor
Manunulat ng awitJester Hairston
Kronolohiya ng mga single ni/ng Harry Belafonte
"Jamaica Farewell"
(1954)		 "Mary's Boy Child"
(1956)		 "Banana Boat (Day-O)"
(1957)

Ang "Mary's Boy Child", na kilala rin bilang "Mary's Little Boy Child" o "Mary's Little Boy Chile", ay isang awiting Pamasko noong 1956 na isinulat ni Jester Hairston.[6] Malawak itong inaawit bilang isang awiting pamasko.

Ang awit ay higit na iniuugnay kay Harry Belafonte, na naglabas nito bilang isang single noong Disyembre 1956, at isinama sa kaniyang album noong sumunod na taon na "An Evening with Belafonte".

Naitala ang awit nang dalawang beses ni Andy Williams: una sa kaniyang album na "Merry Christmas" noong 1965 at muli sa kaniyang album na "We Need A Little Christmas" noong 1997. Isa rin ito sa mga pinakamabentang single ng grupong disco na Boney M. noong 1978, sa pamagat na "Mary's Boy Child – Oh My Lord".

Kasaysayan

[baguhin | baguhin ang wikitext]

Nagsimula ang awit nang nakikitira si Hairston sa isang silid kasama ang isang kaibigan. Hiniling ng kaibigan na gumawa siya ng isang kanta para sa isang handaan ng kaarawan.[7] Isinulat ni Hairston ang kanta sa ritmo ng kalipso dahil karamihan sa mga dadalo sa handaan ay mga taga-Kanluran Indiyanas. Ang orihinal na pamagat ng kanta ay "He Pone and Chocolate Tea", kung saan ang pone ay isang uri ng tinapay na gawa sa mais.[7] Hindi ito kailanman nairekord sa ganitong anyo.

Makalipas ang ilang panahon, si Walter Schumann, na noon ay namumuno sa Schumann's Hollywood Choir, ay humiling kay Hairston na magsulat ng bagong awiting Pamasko para sa kanilang koro. Naalala ni Hairston ang ritmo ng kalipso mula sa kaniyang lumang kanta at nilapatan ito ng mga bagong liriko.[7]

Narinig ni Harry Belafonte ang awit na inaawit ng koro at humingi ng pahintulot upang ito ay mairekord.[7] Naitala ito noong 1956 at inilabas bilang isang single sa parehong taon.[5] Muli itong inilabas ni Belafonte noong sumunod na taon, 1957, sa kaniyang album na "An Evening with Belafonte", gamit ang ibang bersyon na mas mahaba.[4][5] Ang mas mahabang bersyong ito ay inilabas din sa Reyno Unido bilang isang single[8] (na may B-side na "Eden Was Just Like This"),[9] kung saan ito ang naging unang numero uno sa Reyno Unido na may habang higit sa apat na minuto.[10] Umabot ito sa ika-1 puwesto sa Tsast ng mga Singles sa Reyno Unido noong Nobyembre 1957,[6][8][10] at nakabenta na ng mahigit 1.19 milyong kopya roon.[11]

Noong 1962, idinagdag din ang buong bersyon sa muling inilabas na album ni Belafonte na "To Wish You a Merry Christmas". Muling nirekord ni Belafonte ang awit kasama ang London Symphony Orchestra at ang American Boy Choir para sa "The Tradition of Christmas" ng Hallmark noong 1991.

Katulad nito, inayos din ang awit para sa koro at naitala ng konduktor na si Leonard De Paur para sa Columbia Records sa album na "Calypso Christmas" noong 1956 (Columbia, CL 923 Mono LP, 1956).[12]

Mga bersyon

[baguhin | baguhin ang wikitext]

Isa sa pinakakilalang bersyon ng awit ay ang mula sa grupong disco na nakabase sa Alemanya na Boney M. noong 1978, na pinamagatang "Mary's Boy Child – Oh My Lord".[13] Ibinalik ng bersyong ito ang awit sa tuktok ng tsart sa Reyno Unido.[14] Isa ito sa mga pinakamabentang single sa kasaysayan sa Reyno Unido, na nakabenta ng 1.87 milyong kopya hanggang Nobyembre 2015.[11]

Nang malaman ni Hairston kung gaano naging matagumpay ang bersyon ng Boney M., sinabi niya: "God bless my soul. That's tremendous for an old fogey like me" (Pagpalain nawa ng Diyos ang aking kaluluwa. Kahanga-hanga iyon para sa isang matandang tulad ko).[7] Siya ay 78 taong gulang noon.

Naitala ang awit nang dalawang beses ni Andy Williams: una sa kaniyang album na "Merry Christmas" noong 1965 at muli sa kaniyang album na "We Need A Little Christmas" noong 1997. Naitala rin ito ng The Four Lads noong 1956[15] at ni Mahalia Jackson noong huling bahagi ng dekada 1950,[16] pati ng Harry Simeone Chorale (1965), na pawang gumagamit ng pamagat na "Mary's Little Boy Chile". Kabilang din sa iba pang mga nagrekord ang The Gospel Clefs (1973), Evie (1977), Anne Murray, The Brothers Four, Greg MacDonald, The Lettermen (1966), The Merrymen, Jim Reeves (1963), Rolf Harris (1970), Roger Whittaker, The Little River Band, The Three Degrees, The Pete King Chorale, Nina & Frederik, Carola, Vikingarna, Kiri Te Kanawa (1984), José Mari Chan (1990), Al Bano at Romina Power (1991), De Nattergale (1991), Tom Jones (1993), Jose Feliciano, John Denver (1990), Cranberry Singers (1998), at ang gumanap ng Glee (2013), RJ Jacinto (2015), Harry Connick Jr., Bryn Terfel, Connie Talbot, at marami pang iba.

Naitala rin ng Bee Gees ang awit bilang bahagi ng isang medley kasama ang "Silent Night" para sa kanilang album na "Horizontal" noong 1968, bagaman opisyal lamang itong inilabas bilang bonus track noong 2006. Mali itong pinamagatang "Silent Night/Hark the Herald Angels Sing".[17]

Kabilang pa sa iba pang mga bersyon ang kay Charlotte Church bilang ikalimang track sa kaniyang album na "Dream a Dream" (2000),[18] ang grupong Australyano na Hi-5 (1998), at ang bersyon ng kanilang katapat sa Amerika na inilabas noong 2005 subalit nairekord noong 2004. Inawit din ito ng The Wiggles sa kanilang album na "Santa's Rockin'" (2004); ni Juice Newton sa kaniyang pambayan-rock na bersyon sa "The Gift of Christmas" (2007); ni Mandisa sa "It's Christmas" (2008); ni Paul Poulton sa isang reggae na bersyon sa "Grooves 4 Scrooge" (2008); ni Daniel O'Donnell sa "O Holy Night" (2010); at ni Joe McElderry sa "Classic Christmas" (2011).

Noong 2012, gumawa ang paring Portuges na si António Cartageno ng isang kaayusang pangkoro para sa awit.

Mga sanggunian

[baguhin | baguhin ang wikitext]
  1. ↑ {{cite web|url=https://musicbrainz.org/release/6242cc4d-63c9-4e1e-8ca6-04397ead6c54|title=Mary's Boy Child / Eden Was Just Like This|website=MusicBrainz]}
  2. ↑ Molanphy, Chris (Disyembre 21, 2018). "The Christmas is All Around Edition". Hit Parade | Music History and Music Trivia (Podcast) (sa wikang Ingles). Slate. Nakuha noong Agosto 15, 2023.
  3. ↑ Stanley, Bob (2022). "Whipped Cream and Other Delights: Adventures in Beatleland". Let's Do It - The Birth of Pop Music: A History (sa wikang Ingles). New York. p. 564.{{cite book}}: CS1 maint: location missing publisher (link)
  4. 1 2 "Belafonte Tracks - A Discography of Original Recordings - Albums 1949 - 1959". Belafontetracks.ca (sa wikang Ingles). Inarkibo mula sa orihinal noong 3 Marso 2016. Nakuha noong 9 Disyembre 2019. Mary's Boy Child (4:20). RCA-LPM-1402 'An Evening With Belafonte', Matrix Nos: G2PP-9882 / 9883, [recorded in:] 1956 [as a] 33 rpm LP. (Note about 'LPM' (33 rpm Long-Play Monaural Record): RCA assigned this prefix to their early LPs which were all monaural (or single channel) recordings... up until 1962)
  5. 1 2 3 4 "Belafonte Tracks - A Discography of Original Recordings - Single-Play Recordings RCA Victor (1952-67)". Belafontetracks.ca (sa wikang Ingles). Inarkibo mula sa orihinal noong 7 Agosto 2016. Nakuha noong 9 Disyembre 2019. Mary's Boy Child, 2:53, released in 1956, RCA Catogue number: 47-6735, RCA Matrix Number: G2PW-4902. (Note: [An] alternate take of Mary's Boy Child [was] chosen for release on single because of the shorter duration. The corresponding LP track was concert length.)
  6. 1 2 Rice, Jo (1982). The Guinness Book of 500 Number One Hits (sa wikang Ingles) (ika-1st (na) labas). Enfield, Middlesex: Guinness Superlatives Ltd. p. 33. ISBN 0-85112-250-7.
  7. 1 2 3 4 5 Boney M, John Shearlaw and David Brown, Hamlin Paperbacks, 1979 ISBN 0 600 20009 4, page 105 (sa Ingles)
  8. 1 2 "Official Singles Chart, "Mary's Boy Child"". Officialcharts.com (sa wikang Ingles). Inarkibo mula sa orihinal noong 9 Disyembre 2019. Nakuha noong 9 Disyembre 2019. Title: Mary's Boy Child. Artist: Harry Belafonte. Label: RCA. RCA Record Catalogue Number: 1022. First charted: 07.11.1957. Chart run [at number one]: Weeks ending 1957/11/28 through 1958/01/09
  9. ↑ "Harry Belafonte – Mary's Boy Child / Eden Was Just Like This". Discogs.com (sa wikang Ingles). Discogs®. 2019. Inarkibo mula sa orihinal noong 10 Disyembre 2019. Nakuha noong 10 Disyembre 2019.
  10. 1 2 "Mary's Boy Child". Songfacts.com (sa wikang Ingles). Songfacts®, LLC. Inarkibo mula sa orihinal noong 10 Disyembre 2019. Nakuha noong 10 Disyembre 2019. ...[it was] the first ever British #1 record to have a playing time of more than four minutes (4:12). This stayed at #1 in the UK for seven weeks before becoming the only song to drop from #1 straight out of Top 10 the following week (after Christmas, when it tumbled from #1 to #12). The song returned to the charts the next two years at Christmas, going to #10 in 1958 and #30 in 1959.
  11. 1 2 Myers, Justin (29 Nobyembre 2015). "Official Top 20 biggest selling Christmas songs revealed" (sa wikang Ingles). Official Charts Company. Nakuha noong 29 Nobyembre 2015. Mary's Boy Child has hit Christmas Number 1 twice by separate artists: Boney M's disco-lite version from 1978... with 1.89 million sales. Harry Belafonte's version is at 14, from 1957, on 1.19 million.
  12. ↑ The De Paur Chorus (1956), CALYPSO CHRISTMAS (sa wikang Ingles), nakuha noong 2026-04-04
  13. ↑ Roberts, David (2006). British Hit Singles & Albums (sa wikang Ingles) (ika-19 (na) labas). London: Guinness World Records Limited. p. 360. ISBN 1-904994-10-5.
  14. ↑ Roberts, David (2006). British Hit Singles & Albums (sa wikang Ingles) (ika-19 (na) labas). London: Guinness World Records Limited. p. 360. ISBN 1-904994-10-5.
  15. ↑ "The Four Lads – Mary's Little Boy Chile / The Stingiest Man In Town". Discogs.com (sa wikang Ingles). Inarkibo mula sa orihinal noong 10 Disyembre 2019. Nakuha noong 10 Disyembre 2019.
  16. ↑ "Mahalia Jackson – Mahalia Jackson". Discogs.com (sa wikang Ingles). Discogs®. Inarkibo mula sa orihinal noong 10 Disyembre 2019. Nakuha noong 10 Disyembre 2019.
  17. ↑ Hughes, Andrew Môn (2009). The Bee Gees: Tales Of The Brothers Gibb (sa wikang Ingles). Omnibus Press. ISBN 9780857120045.
  18. ↑ Charlotte Church (2000), Dream a Dream North American Version (sa wikang Ingles), SONY MASTERWORKS, nakuha noong 2022-12-04
Nagmula sa "https://tl.wikipedia.org/w/index.php?title=Mary%27s_Boy_Child&oldid=2204839"