Subway ng Kalakhang Maynila
| Subway ng Kalakhang Maynila | |
|---|---|
 Ang istasyong Bulebar Shaw ng subway, na itinatayo noong Enero 2025 | |
| Buod | |
| Ibang pangalan | Metro Manila Subway, Mega Manila Subway[1] |
| Uri | Metro |
| Sistema | Sistema ng Metro Rail Transit sa Maynila |
| Kalagayan | Kasalukuyang itinatayo |
| Lokasyon | Kalakhang Maynila (unang yugto) Bulacan at Cavite (ika-2 at ika-3 yugto) |
| Hangganan | Silangang Valenzuela Ika-3 Terminal ng NAIA Bicutan |
| (Mga) Estasyon | 17 |
| Bilang ng linya | 9 |
| Operasyon | |
| May-ari | Kagawaran ng Transportasyon |
| (Mga) Nagpapatakbo | Kagawaran ng Transportasyon |
| Karakter | Sa ilalim ng lupa |
| (Mga) Silungan | Ugong, Valenzuela |
| Ginagamit na tren | Mga Sustina electric multiple unit[2] |
| Teknikal | |
| Haba ng linya | 33 km (21 mi)[note 1] |
| Pinakamababang radyus | Pangunahing linya: 160 m (520 tal) Himpilan: 100 m (330 tal) |
| Bilis ng pagpapaandar | 80 km/h (50 mph) |
Ang Subway ng Kalakhang Maynila[3] ay isang proyektong linya ng mabilisang tren na inilalatag sa ilalim ng lupa sa Kalakhang Maynila, Pilipinas. Ang linyang 33 kilometro (21 mi), na tatakbong pahilaga–patimog sa pagitan ng Valenzuela, Lungsod Quezon, Pasig, Taguig, Parañaque at Pasay, ay binubuo ng 17 istasyon mula Silangang Valenzuela hanggang Bicutan. Ito ang magiging ikalawang direktang koneksyon ng riles sa paliparan, kasunod ng Daambakal Pangkomyuter na Hilaga–Timog, na may sangay patungong Paliparang Pandaigdig ng Ninoy Aquino.
Binansagang "Proyekto ng Siglo" ng bansa, isinagawa ang groundbreaking ng Subway ng Kalakhang Maynila noong Pebrero 27, 2019,[4] at opisyal na sinimulan ang konstruksyon nito noong Disyembre ng kaparehong taon. Kasunod nito, dahil sa mga pagkaantala na dulot ng pandemya ng COVID-19,[5] nakatakdang ganap na magbukas ang linya sa 2029. Inaasahang aabot sa ₱355.6 bilyon ang halaga ng proyekto (katumbas ng US$7.06 bilyon batay sa halaga ng dolyar noong 2017).[6][7] Malaking bahagi ng gastos nito ay sinasaklaw ng pautang mula sa Japan International Cooperation Agency (JICA).[8][9][10] Gayunman, malabong matapos ito sa termino ni Pangulong Bongbong Marcos dahil sa mga suliranin sa karapatan sa daan; inaasahang magsisimula ang bahagyang operasyon nito sa 2032.[11]
Pinaplanong isama ang Subway ng Kalakhang Maynila sa mas malawak na sistema ng pampublikong transportasyon ng rehiyon. Maaaring sumakay ang mga pasahero ng iba't ibang uri ng de-kalsadang pampublikong transportasyon, tulad ng mga bus at dyipni, papunta at mula sa estasyon upang marating ang kanilang patutunguhan. Idinisenyo ang linya upang kumonekta sa iba pang mga serbisyo ng urban rail transit sa rehiyon; maaaring lumipat ang mga pasahero sa Linya 1 ng LRT, Linya 3 ng MRT, at Linya 7 ng MRT sa malapit na North Triangle Common Station, na kasalukuyan ding itinatayo. Kabilang sa mga ibang koneksyon ang umiiral na Linya 2 ng LRT at Linyang Metro Commuter ng PNR, pati na rin ang Linya 4 at Linya 8 ng MRT.
Inaasahang magsisilbi ang linya sa 370,000 pasahero bawat araw sa maikling panahon, na posibleng lumago na humahantong sa tinatayang 1.5 milyong pasahero kada araw sa mas mahabang panahon.[6]
Talababa
[baguhin | baguhin ang wikitext]- ↑ Haba ng linya mula Valenzuela hanggang Bicutan. Ang iminungkahing linya sa 2014 ay binalak na magkaroon ng habang 57.7 km (35.9 mi)mula San Jose del Monte hanggang Dasmariñas.
Mga sanggunian
[baguhin | baguhin ang wikitext]- ↑ Cabico, Gaea Katreena (Oktubre 4, 2019). "Temporary LRT-2 shutdown after fire highlights need for structural change, better inspections" [Pansamantalang pagsara ng LRT-2 pagkatapos ng apoy, nagbibigay-diin ng pangangailangan ng pagbabago sa istraktura, mas mahusay na mga inspeksiyon]. The Philippine Star (sa Ingles). Nakuha noong Nobyembre 26, 2020.
- ↑ "Order Received to Supply 240 Train Cars for Philippines' Metro Manila Subway" [Natanggap ang Order para sa Pagsuplay ng 240 Bagong Tren para sa Metro Manila Subway ng Pilipinas]. Sumitomo Corporation (sa Ingles). Disyembre 21, 2020. Inarkibo mula sa orihinal noong Enero 23, 2021. Nakuha noong Marso 6, 2021.
- ↑ "PH, Japan to sign new loan for subway in Q1 next year" [PH, Hapon, magpipirma ng bagong pautang para sa subway sa Q1 ng susunod na taon]. Philippine Daily Inquirer (sa Ingles). Nobyembre 2, 2020. Inarkibo mula sa orihinal noong Nobyembre 1, 2020. Nakuha noong Nobyembre 26, 2020.
- ↑ Manabat, Jacque (27 Pebrero 2019). "Metro Manila Subway breaks ground" [Subway ng Kalakhang Maynila, nagbungkal ng lupa]. ABS-CBN News (sa Ingles). Inarkibo mula sa orihinal noong Nobyembre 23, 2021. Nakuha noong 23 Nobyembre 2021.
- ↑ Mercurio, Richmond (19 Abril 2022). "Metro Manila subway partial opening moved to 2025 – DOTr" [Bahagyang pagbukas ng subway ng Kalakhang Maynila, inilipat sa 2025 – DOTr]. The Philippine Star (sa Ingles). Nakuha noong 19 Abril 2022.
- 1 2 Abadilla, Emmie V. (Pebrero 26, 2019). "36-km P355.6-B Metro subway launched" [36-km Metro subway na P355.6-B, inilunsad]. Manila Bulletin (sa Ingles). Nakuha noong Hunyo 2, 2022.
- ↑ "Japan set to fund Metro Manila subway, 2 other rail projects" [Nakatakdang pondohan ng Hapon ang subway ng Kalakhang Maynila, 2 iba pang proyekto sa riles]. Public-Private Partnership Center (sa Ingles). Inarkibo mula sa orihinal noong Oktubre 30, 2019. Nakuha noong Abril 20, 2017.
- ↑ "Metro Manila Subway: PH, Japan sign loan deal" [Subway ng Kalakhang Maynila: PH, Hapon nagsipirma ng kasunduan sa pautang]. ABS-CBN News (sa Ingles). Marso 16, 2018. Inarkibo mula sa orihinal noong Marso 24, 2018. Nakuha noong Abril 3, 2018.
- ↑ Rocamora, Joyce Ann L. (Pebrero 10, 2022). "Japan, PH sign Y253-B loan deal for Metro Manila Subway" [Hapon, PH, nagsipirma ng Y253-B kasunduan ng pautang para sa Subway ng Kalakhang Maynila]. Philippine News Agency (sa Ingles). Inarkibo mula sa orihinal noong Pebrero 10, 2022. Nakuha noong 2022-02-14.
- ↑ Cordero, Ted (Marso 26, 2024). "Philippines, Japan sign ¥150-B third tranche loan for Metro Manila subway" [Pilipinas, Hapon, nagsipirma ng ¥150-B ikatlong bahagi ng pautang para sa subway ng Kalakhang Maynila] (sa Ingles). GMA Integrated News. Nakuha noong Abril 5, 2024.
- ↑ "Metro Manila Subway partial operations likely by 2032 - DOTr" [Bahagyang operasyon ng Metro Manila Subway, posibleng magsimula sa 2032 - DOTr]. ABS-CBN News (sa Ingles). Marso 19, 2025.