Merengge
 Merengge na may binating krema | |
| Ibang tawag |
|
|---|---|
| Uri | Panghimagas |
| Lugar | Pransiya |
| Pangunahing Sangkap | Puti ng itlog, asukal |
| |
Ang merengge ay isang uri ng panghimagas o kendi na nagmula sa Pransiya.[1] Ttadisyonal itong ginagawa mula sa binating puti ng itlog at asukal, at kung minsan ay dinaragdagan ng asidong sangkap tulad ng limon, suka, o krema ng tartar. Maaari ring idagdag sa mga itlog ang isang pampabuklod tulad ng asin, harina, o helatina. Ang susi sa pagbuo ng isang mahusay na merengge ay ang pagbuo ng mga matitigas na tuktok sa pamamagitan ng pagdedenatura ng protinang obalbumina (isang protina sa puti ng itlog) sa pamamagitan ng mekanikal na pagbati.
Kasaysayan
[baguhin | baguhin ang wikitext]Ayon sa Oxford English Dictionary, hindi alam ang pinagmulan ng salitang Pranses. Ang pangalang meringue para sa kending ito ay unang lumitaw sa limbag sa aklat panluto ni François Massialot noong 1692.[2] Ang mga unang dokumentadong resiping maituturing na merengge ay matatagpuan sa dalawang aklat-manuskritong Ingles ng mga resipi mula pa noong ika-17 siglo. Naglalaman ang mga ito ng mga tagubilin para sa mga kending tinatawag na "white biskit bread" sa aklat ng mga resiping isinulat noong 1604 ni Elinor Fettiplace (c. 1570 – c. 1647) ng Gloucestershire,[3] at "pets" naman sa manuskrito ng mga nakolektang resipi na isinulat ni Lady Rachel Fane (1612/13–1680) ng Knole, Kent.[4] Ang mga merenggeng dahan-dahang inihurno ay tinatawag pa ring "pets" sa rehiyon ng Loire sa Pransiya dahil sa kanilang magaan at malambot na tekstura.[5]
Tradisyonal na hinuhubog ang mga merengge sa pagitan ng dalawang malalaking kutsara, gaya ng karaniwang ginagawa sa mga tahanan hanggang ngayon. Ipinakilala ni Antonin Carême ang merenggeng ipinipiga gamit ang supot pampastri.[6]
Mga sanggunian
[baguhin | baguhin ang wikitext]- ↑ Goldstein, Darra (2015). The Oxford Companion to Sugar and Sweets [Ang Gabay ng Oxford sa Asukal at mga Matatamis] (sa wikang Ingles). Oxford University Press. p. 442. ISBN 978-0-19-931339-6.
- ↑ Massialot (1692). "XXVIII: Des Meringues & Macarons". Nouvelle instruction pour les confitures, les liqueurs et les fruits (noted by Muster (ref.)) (sa wikang Pranses). Paris: Charles de Sercy. pp. 186–188.
- ↑ Fettiplace, Eleanor Poole (1994). Hilary Spurling (pat.). Elinor Fettiplace's Receipt Book [Aklat ng Resibo ni Elinor Fettiplace] (noted by Muster (ref.)) (sa wikang Ingles). Sinalin ni John Spurling. Bristol: Stuart Press.
- ↑ Barry, Michael (1995). Old English Recipes [Mga Lumang Resiping Ingles] (sa wikang Ingles). Jarrod (archived at the Centre for Kentish Studies, Maidstone, Kent). p. 64f.
- ↑ Alcock, Barry (2003). Jeremy, Caroline (pat.). Green & Black's Chocolate Recipes [Mga Resipi ng Tsokolate nina Green & Black] (sa wikang Ingles). (Kyle Cathie Ltd. p. 101.
- ↑ Kelly, Ian (2003). Cooking for Kings: the life of Antonin Carême, the first celebrity chef (sa wikang Ingles). Pagluluto para sa mga Hari: ang buhay ni Antonin Carême, ang unang kusinerong selebridad. pp. 60, 225.