Metropolitanong Pransiya
Ang Metropolitanong Pransiya, o ayon sa batas internasyonal na tinatawag din na teritoryong Europeo ng Pransiya, ay ang bahagi ng Republikang Pranses na matatagpuan sa Europa. Kabilang dito ang kontinental na bahagi ng Pransiya kasama ang mga pulong malapit sa Karagatang Atlantiko, sa Bambang ng Inglatera, at sa Dagat Mediteraneo, gayundin ang pulo ng Corsica. Ang Ibayong-Dagat ng Pransiya ay ang bahagi ng pambansang teritoryo na matatagpuan sa labas ng Europa .
Ang terminong Pranses na "Métropole" o "France métropolitaine" ay ginagamit sa Pransiya at mga bansang nagsasalita ng Pranses tulad ng Belhika at Suwisa, habang sa ibang bahagi ng Europa at sa batas internasyonal ginagamit ang mga katagang "teritoryong Europeo ng Pransiya", lalo na kung tinutukoy ang teritoryo ng Pransiya na kasama sa Pook na Schengen. Ang kontinental na bahagi ng Pransiya ay tinatawag ring l'Hexagone (Pranses para sa "Ang Eksagono").[1]
Mga sanggunian
[baguhin | baguhin ang wikitext]- ↑ Halimbawa: Le Programme de Développement Rural Hexagonal (PDRH) du ministère de l'agriculture Naka-arkibo 2015-05-20 sa Wayback Machine. (Ang Rural na Programang Eksagonal (PDRH) ng Ministro ng Agrikultura)