Mga Kampeonatong Wimbledon
Ang mga Kampeonatong Wimbledon, na karaniwang tinatawag na Wimbledon, ay isang paligsahan sa tenis na taunang inoorganisa ng All England Lawn Tennis and Croquet Club katuwang ang Lawn Tennis Association sa Wimbledon, Londres. Ito ang pangatlong idinaraos sa magkakasunod na apat na paligsahang Grand Slam sa tenis bawat taon, na ginaganap pagkatapos ng Australian Open at French Open at bago ang US Open. Ito ang pinakamatandang paligsahan sa tenis sa buong mundo at malawak na kinikilalang pinakaprestihiyoso sa lahat.[1][2][3][4][5]
Idinaraos ang Wimbledon mula pa noong 1877 at nilalaro sa mga panlabas na korteng damuhan. Ito na lamang ang natitirang pangunahing paligsahan sa tenis na ginaganap sa damuhan, ang tradisyonal na ibabaw para sa isport na ito. Ito rin ang nag-iisang pangunahing paligsahan na nagpapanatili ng karpiyo sa gabi dahil sa mga kadahilanang pang-operasyon; mula noong 2009, maaaring magpatuloy ang mga laban hanggang alas-11 ng gabi (BST) sa ilalim ng mga floodlight o malakas na ilaw.[6]
Karaniwang ginaganap ang paligsahan sa loob ng dalawang linggo sa huling bahagi ng Hunyo at unang bahagi ng Hulyo. Nagsisimula ito sa huling Lunes ng Hunyo o unang Lunes ng Hulyo at nagtatapos sa mga pinal ng pambabae at panlalaking singles, na nakatakda sa Sabado at Linggo sa pagtatapos ng ikalawang linggo. Limang pangunahing kaganapan ang idinaraos bawat taon, bukod pa sa mga paligsahan para sa kabataan at mga paanyayang torneo. Hindi ginanap ang paligsahan noong Ikalawang Digmaang Pandaigdig, at kinansela rin ito noong 2020 dahil sa pandemyang COVID-19. Pinalitan ng mga elektronikong sistema ng pagtawag ng mga linya ang mga huradong linya noong 2025.
Kabilang sa mga tradisyon ng Wimbledon ang mahigpit na patakaran na ang mga manlalaro ay dapat magsuot ng damit na puro puti. Mayroon din itong pagtangkilik ng maharlikang pamilya ng Britanya. Tradisyonal na kinakain sa paligsahan ang mga presa at krema,[7] at sa mga nakaraang taon ay karaniwan ding sinasamahan ito ng champagne.[8] Hindi tulad ng ibang mga torneo, napakakaunti at hindi kapansin-pansin ang mga patalastas, na karaniwang nagmumula lamang sa mga opisyal na tagapagtustos tulad ng Slazenger at Rolex. Ang ugnayan nito sa Slazenger ang pinakamatagal na isponsorsip sa kasaysayan ng isport sa buong mundo, dahil ito na ang nagsusuplay ng mga bola para sa paligsahan mula pa noong 1902.[9]
Ang mga Kampeonatong Wimbledon 2026 ay gaganapin mula Hunyo 29 hanggang Hulyo 12, 2026.
Mga sanggunian
[baguhin | baguhin ang wikitext]- ↑ Clarey, Christopher (7 Mayo 2008). "Traditional Final: It's Nadal and Federer". The New York Times (sa wikang Ingles). Inarkibo mula sa orihinal noong 16 Abril 2009. Nakuha noong 17 Hulyo 2008.
Federer said[:] 'I love playing with him, especially here at Wimbledon, the most prestigious tournament we have.'
- ↑ Will Kaufman & Heidi Slettedahl Macpherson, pat. (2005). "Tennis". Britain and the Americas (sa wikang Ingles). Bol. 1 : Culture, Politics, and History. ABC-CLIO. p. 958. ISBN 1-85109-431-8.
this first tennis championship, which later evolved into the Wimbledon Tournament ... continues as the world's most prestigious event.
- ↑ "Djokovic describes Wimbledon as "the most prestigious event"" (sa wikang Ingles). BBC News. 26 Hunyo 2009. Inarkibo mula sa orihinal noong 15 Abril 2021. Nakuha noong 14 Setyembre 2010.
- ↑ Ryan Rudnansky (24 Hunyo 2013). "Wimbledon Tennis 2013: Why Historic Tournament Is Most Prestigious Grand GMR Slam". bleacherreport (sa wikang Ingles). Inarkibo mula sa orihinal noong 29 Hunyo 2013. Nakuha noong 25 Hunyo 2013.
- ↑ Monte Burke (30 Mayo 2012). "What Is The Most Prestigious Grand Slam Tennis Tournament?". Forbes (sa wikang Ingles). Inarkibo mula sa orihinal noong 3 Hulyo 2013. Nakuha noong 25 Hunyo 2013.
It seems pretty clear that of the four tennis Grand Slam events—Wimbledon and the French, Australian and U.S. Opens—the former is by far the most prestigious one.
- ↑ Rathborn, Jack (30 Hunyo 2025). "What time is the Wimbledon curfew?". The Independent (sa wikang Ingles). ISSN 1741-9743. Inarkibo mula sa orihinal noong 2 Hulyo 2025. Nakuha noong 12 Hulyo 2025.
- ↑ "Wimbledon's strawberries and cream has Tudor roots" (sa wikang Ingles). BBC. 9 Hunyo 2015. Inarkibo mula sa orihinal noong 8 Oktubre 2021. Nakuha noong 2 Disyembre 2017.
- ↑ "Please Don't Pop a Champagne Cork During a Tennis Match". Food & Wine (sa wikang Ingles). Inarkibo mula sa orihinal noong 30 Hunyo 2024. Nakuha noong 30 Hunyo 2024.
- ↑ "A 115-year-old tale of sport's surviving sponsorships". Inside Sport (sa wikang Ingles). 15 Oktubre 2017. Inarkibo mula sa orihinal noong 29 Mayo 2023. Nakuha noong 31 Agosto 2022.