Tao-tauhang sundalo
Ang tao-tauhang sundalo o mga plastik na sundalo (Ingles: army men) ay mga laruan na sundalo na may taas na humigit-kumulang 5 cm (2.0 in) at karaniwang hinuhulma gamit ang mababang-densidadd na polietileno na plastik, na nagbibigay tibay at kakayahang yumuko o magalaw. Tradisyonal na kulay berde o kulay kayumanggi ang mga ito, laging nakasuot ng makabagong unipormeng militar at armado ng mga sandatang mula ika-20 siglo.
Hindi tulad ng mas mamahaling laruan na sundalo na mabibili sa mga hobby shop o tindahan ng kinagigiliwang libangan, ibinebenta ang mga tao-tauhang sundalo sa murang halaga sa mga tindahang diskuwento at supermarket.
Mayroon ding mas bihirang bersiyon na tinatawag na "Jumbo" army men (malaking tao-tauhang sundalo) na may taas na 4.75 pulgada (12.1 cm), ngunit ginagawa pa rin sa parehong proseso.
Paglalarawan
[baguhin | baguhin ang wikitext]Ang mga plastik na sundalo ay karaniwang ibinebenta sa mga plastik na supot o balde, at may iba’t ibang kulay upang kumatawan sa magkalabang panig. May dala silang samu’t saring armas, mula Ikalawang Digmaang Pandaigdig hanggang sa makabagong panahon kadalasang inilalarawan ang ripleng M-16 na ginamit noong panahon ng Digmaang Biyetnam noong 1964 na may nakakabit na bayonetang M7. Kasama rito ang mga riple, makinang de-kalibre, masinggan, iskopeta, ripleng nakatago (sniper rifle), pistola, granada, flamethrower (o tagabuga ng apoy), mortar, at basuka. Mayroon ding mga tao-tauhang gaya ng operador ng radyo, tiktik na may binokuloo, at minesweeper (o taga-alis ng bomba o mina). Ang mga tradisyonal na kalubkob ay hango sa M1 "steel pot" na suot ng mga sundalong Amerikano noong gitna hanggang huling bahagi ng ika-20 siglo.[1][2]
Kabilang sa mga karaniwang kagamitan ang M1911 na pistola noong panahon ng dekada 1960, mga lagayan ng bala, at lalagyan ng tubig. Madalas ding isama sa mga pakete ang karagdagang aksesorya gaya ng mga tangke (madalas nakabatay sa M48 Patton), dyip, hovercraft na may armas, kalahating-trak, artilyeriya, watawat, trak ng hukbo, helikopter, eroplanong pandigma, sasakyang panglunsad (o landing craft), at mga kuta. Karaniwang mas maliit ang sukat ng mga sasakyang ito upang makatipid sa paggawa at pagbabalot.[1]
Sa kultura
[baguhin | baguhin ang wikitext]Noong 2011, isinama ng magasin na Time ang mga tao-tauhang sundalo sa kanilang talaan ng 100 pinakasikat na laruan sa lahat ng panahon.[3] Kinatawan ang pambihirang pangyayari ito sa kalinangan sa Army Men, isang tanyag na serye ng mga larong bidyo na inilunsad ng 3DO noong dekada 1990. Kabilang din ang berdeng sundalong laruan sa mga tauhan ng Toy Story, ang animasyong pelikula ng Disney Pixar noong 1995, at sa tatlo nitong kasunod na pelikula. Mayroon ding kendi na tinatawag na gummy army men candy.
Dahil mura lamang ang mga laruan na ito, halos ituring silang panandalian o itinatapon pagkatapos gamitin. Naghihikayat sila ng iba’t ibang malikhaing uri ng paglalaro, sapagkat maaaring ayusin ang mga ito sa sari-saring paraan. Lalo silang akma para sa paglalaro sa buhanginan, o sa mga payak na larong-digma gamit ang gomang bola o holen na maaaring igulong o ihagis sa mga sundalong laruan.
Ipinagbawal ang mga tao-tauhang sundalo sa mga paaralan at daycare (o alagaang-pambata) na may patakaran ng zero tolerance o walang pasubali laban sa armas. Sa isang pagkakataon, hiniling sa mga bata na putulin ang mga sandata mula sa plastik na sundalong laruan na nakikita sa isang seremonya ng pagtatapos sa elementarya.[4] Nang maglabas ang Burger King ng mga kasamang laruan para sa pelikulang Toy Story, ang berdeng sundalong laruan ay hindi ipinakita na may armas, kundi mga baryanteng pinuno, operador ng radyo, taga-alis ng bomba, at lalaking may dalang binokullo lamang.[5]
Mga sanggunian
[baguhin | baguhin ang wikitext]- 1 2 "The Amazing Origins Of Army Men - Toy Soldier Central". Toy Soldier Central (sa wikang Ingles). Nakuha noong 2025-07-01.
- ↑ Loboy, Jim (2024-04-16). "History of little green army men toys". WYTV 33 (sa wikang Ingles). Inarkibo mula sa orihinal noong 2025-07-01. Nakuha noong 2025-07-01.
- ↑ "Army Men - All-TIME 100 Greatest Toys - TIME". TIME.com (sa wikang Ingles). Inarkibo mula sa orihinal noong 2011-11-25. Nakuha noong 2025-08-28.
- ↑ Clinton, P. (Setyembre 12, 2007). "RPV school apologizes for graduation-cap flap" Daily Breeze. Torrance, California. Kinuha noong Setyembre 2, 2011 (sa Ingles)
- ↑ Larawan ng orihinal na Berdeng Sundalong Laruan mula sa pagkaing pambata (children's meal) ng Burger King, 1995.
