Taylor Swift

{{Expand}} {{expand list}}, {{missing information}} {{expand section}}

Taylor Swift

Si Taylor Alison Swift (ipinanganak noong Disyembre 13, 1989) ay isang Amerikanong mang-aawit, manunulat ng kanta at aktres.

Noong 2006, inilabas nya ang kanyang unang kanta na "Tim McGraw", pagkatapos ay ang kanyang unang album na Taylor Swift na naging multi-platinum ng Recording Industry Association of America. Noong Nobyembre 2008, inilabas ni Swift ang kanyang pangalawang album na Fearless at umako siya apat na Grammy Awards kasama na ang Album of the Year sa ika-52 Grammy Awards. Ang Fearless at Taylor Swift ay nagtapos ng ika-3 at ika-8 pwesto sa kinita nitong 2.1 at 1.5 milyon. Ang Fearless ay nanguna sa Billboard 200 nang 11 di sunod-sunod na linggo. Si Swift ay pinangalanang Artist of the Year ng Billboard Magazine noong 2009. Noong Oktubre 25, 2010, inilabas ni Swift ang kanyang pangatlong album na Speak Now na nakabenta ng 1,047,000 kopya sa unang linggo. Noong 2008, umabot ng 4 na milyong kopya ang naibentang kopya ng kanyang mga album at nagawaran siyang Best-Selling Musician of the Year sa Estados Unidos ayon sa Nielsen Sound Scan. Iniranggo naman ng Forbes si Swift bilang ika-69 sa mga pinakamakapangyarihang artista noong 2009 dahil sa kanyang kita ng $18milyon, noong 2010 ay ika-12 dahil sa kanyang kita na $45 milyon at sa 2011 ay ika-7 dahil sa kanyang kita na $45 milyon din. Iniranggo si Swift bilang 38th Best Artist of the 2000-10 decade ng Billboard]. Noong Enero 2010, inilista ng Nielsen SoundScan si Swift bilang “most commercially successful country (or country/pop crossover) artist in music history” dahil sa mahigit na 34 milyong digital tracks na naibenta . Mula March 2011, nakabenta na siya ng mahigit 20 milyon album at 34 milyong kanta sa buong mundo.

Maagang Buhay

Ipinanganak si Swift noong Disyembre 13, 1989 sa Wyomissing, Pennsylvania. Siya ang anak nina Andrea Gardner (née Finlay), isang maybahay, at ni Scott Kingsley Swift, isang stockbrocker. Ang kanyang lola, si Majorie Finlay, ay isang mang-aawit sa opera. Mayroong nakababatang kapatid si Swift, si Austin.

Noong nasa ika-apat na baitang si Swift ay nanalo siya sa isang patimpalak sa pagsulat ng tula gamit ang “Monster In My Closet” na tatlong pahina. Sa edad na 10, tinuruan siya ng isang taga-ayos ng kompyuter ng 3 chords ng gitara na nagpasimula sa kanyang interes sa naturang instrumento. Pagkatapos ay isinulat ni Swift ang kanyang unang kanta na “Lucky You”. Noong siya ay 12 taong gulang, tinuon niya ang kanyang pansin sa pagsusulat ng isang nobelang may 350 pahina na nananatiling hindi nakalimbag. Nagsimula siyang magsulat ng mga awitin ng madalas bilang representasyon ng kanyang emosyon. Nagsimula rin siyang sumali sa mga patimpalak. Madalas na din siyang bumisita sa Nashville, Tennessee at nakatrabaho ang mga lokal na manunulat ng kanta. Noong siya’y 14, lumipat ang kanyang pamilya sa Nashville. Nag-aral si Swift sa Hendersonville High School ngunit na-homeschool din siya para sa kanyang mga huling taon. Noong 2008, nakuha niya ang kanyang diploma sa high school.

Si Shania Twain ang pinakamalaking impluwensiya sa larangan ng musika kay Swift. Ang iba pa ay sina LeAnn Rimes, Tina Turner, Dolly Parton, at ang lola ni Swift.

Karera sa Musika

2000–05: Pagsisimula

Sa edad na 11, pumunta si Swift sa Nashville upang makakuha ng isang record deal gamit ang demo tape ng kanyang pagkanta ng mga awitin sa karaoke. Nagbigay siya ng kopya sa lahat ng kompanya sa bayan ngunit hindi siya nakuha. Pagkatapos bumalik ni Swift sa Pennsylvania, siya ang pinakanta sa U.S. Open tennis tournament pambansang awit kung saan nakakuha ng positibong reaksyon ang kanyang bersyon. Pagkatapos magtanghal sa The Bluebird Café, isang tagpuan ng mga manunulat ng kanta sa Nashville, nakuha niya ang atensyon ni Scott Borchetta at isinama siya sa bagong record label na Big Machine Records. Sa edad na 14, siya ang pinakabatang manunulat ng kanta ng Sony/ATV Tree Publishing House.

2006–08: Taylor Swift

Inilabas ni Swift ang kanyang pangunahing kanta na “Tim McGraw” noong kalagitnaan ng 2006 at iniranggo ito na pang-anim sa Billboard magazine’s Hot Country Songs chart. Ang kanyang album na “Taylor Swift ay inilabas noong Oktubre 24, 2006. Sa unang linggo nito ay bumenta ito ng 39,000 na kopya. Ito ay nanguna sa Billboard Top Country Albums at panglima naman sa Billboard 200. Nanguna ang kanyang album ng walong sunod-sunod na linggo sa Top Country Album charts at nanatili sa ibabaw ng 24 sa 91 na linggo. Ang music video ng “Tim McGraw” ay nanalo ng Breakthrough Video of the Year Award sa 2007 CMT Music Awards. Inilabas niya ang kanyang pangalawang kanta sa Taylor Swift na “Teardrops on My Guitar” noong Pebrero 24, 2007. Sa kalagitnaan ng 2007, umabot ang kanta sa pangalawang pwesto sa Billboard’s Hot Country Songs chart at pangtatlumputtatlo naman sa Billboard Hot 100. Noong Oktubre 2007, ginawaran si Swift ng Songwiter/Artist of the Year ng Nashville Songwriters Assn. Intl., siya ang pinakabatang artista na nakakuha ng gantimpala.

Ang pangatlong kanta “Our Song” ay nanguna sa Country Charts sa loob ng anim na linggo, panglabing-anim sa Billboard Hot 100 at umakyat sa pangdalawamput-apat na pwesto sa Billboard Pop 100. Nagkaroon din siya ng holiday album, Sounds of the Season: The Taylor Swift Holiday Collection noong katapusan ng 2007. Nahalal din si Swift sa 2008 Grammy Award bilang Best New Artist ngunit natalo siya kay Amy Winehouse. Ang “Picture to Burn” ang pang-apat na kanta sa kanyang album. Sa paglabas nito ay umabot ito sa pangatlong pwesto sa Billboard Country chart sa tagsibol ng 2008.

Ang “Should’ve Said No” ang pangalawang kanta ni Swift na kumuha ng unang pwesto. Sa tag-init ng 2008, inilabas ni Swift ang “Beautiful Eyes” isang EP na mabibili lang sa Wal-Mart. Sa unang linggo nito, nakabenta ang album ng 45,000 na kopya at nanguna sa Billboard’s Top Country Albums chart at pangsiyam naman sa Billboard 200. Kasama ng album niyang Taylor Swift na pumangalawa sa pwesto sa parehong linggo, siya ang unang artista mula 1997 na makuha ang una at pangalawang pwesto sa Top Country Albums Chart.

2008–2010: Fearless at Kontrobersiya sa MTV VMA

Ang pangalawang album ni Swift na Fearless ay inilabas sa Estados Unidos noong Nobyembre 2008. Nanguna ang nasabing album sa Billboard 200 Album Chart. Ang nabenta nitong 592,304 ang pinakamataas na paglabas ng album ng isang country artist noong 2008. Ito din ang pinakamataas na paglabas ng album ng isang babaeng artista sa lahat ng genre ng musika. Ang pangunang kanta nito na “Love Story” ay pumatok sa country at pop charts. Sa ikawalong linggo mula nang ito’y ilabas, ang Fearless ay nakabenta na ng mahigit 338,467 na downloads. Sa unang linggo nito ay pito sa kanta ng Fearless ay nasama sa Billboard 100. Ang “White Horse” na nakakuha ng panglabintatlong pwesto, ang nagbigay kay Swift ng kanyang pang-anim na top 20 debut of 2008. Sa 13 kanta sa Fearless, 11 ang nanatili sa Hot 100. Ang “Change” ay napili na isama sa soundtrack ng Team USA sa 2008 Summer Olympics.

Ang pangunang kanta ng album na “Love Story” na nakabase sa Romeo and Juliet ay inilabas noong Setyembre 12, 2008. Ang pangalang kanta naman na “White Horse” ay inilabas noong Disyembre 8, 2008. Ang kantang “Forever and Always” ay tungkol sa relasyon nila ni Joe Jonas. Siya ang unang artista sa kasaysayan ng Nielsen SoundScan na magkaroon ng dalawang magkaibang album sa Top 10 sa Year End Chart. Sa kalagitnaan ng Enero 2009, si Swift ang unang county artist na nanguna sa 2 million mark paid in downloads sa pamamagitan 3 kanta. Si Swift ang Billboard’s Top Country Artist at Hot Country Songwriter of 2008; siya rin ang may pinakamataas na benta sa larangan ng country music. Noong Enero 2009, inanunsyo ni Swift ang kanyang Fearless Tour sa Hilagang Amerika. Noong Pebrero 8, 2009, kinanta niya ang “Fifteen” kasama si Miley Cyrus sa 51st Grammy Awards. Mula noong katapusan ng Pebrero, ang kanyang kanta na “Love Story” ang may pinakamataas na bilang na na-download sa kasaysayan. Nilabas din niya ang kantang “Crazier” na kasama sa pelikulang “Hannah Montana: The Movie”. Sa 44th Annual Academy of Country Music Awards, nasungkit ni Swift ang Album of the Year bilang artista at prodyuser ng Fearless. Siya ang pinakabatang artistang nakakuha ng gantimpalang ito.

Noong gabi ng 2009 MTV Video Music Awards ay napanalunan niya ang Best Female Video para sa “You Belong With Me”. Habang siya’y nagsasalita, sumabat si Kanye West at inagaw ang mikropono sa kanya. Ayon kay West ay mas karapatdapat si Beyonce na parangalan ng Best Female Video para sa kanyang “Single Ladies (Put a Ring on It). Ang nasabing pangyayari ay nakatanggap ng mga negatibong komento at reaksyon mula sa mga manonood. Nang tanggapin ni Beyonce ang Best Video of the Year ay tinawag niya si Swift upang tapusin ang kanyang pasasalamat. Pagkatapos ng gabing iyon, humingi ng paumanhin si West kay Swift at tinanggap naman niya ito. Noong Nobyembre 11, 2009, si Swift ang pinakabatang artista na nakakuha ng Country Music Association Award para sa Entertainer of the Year at ang isa sa anim na babae na nakatanggap nito.

2010–kasalukuyan: Speak Now

Inilabas ni Swift ang kanyang bagong album na Speak Now noong Oktubre 25, 2010. Siya mismo ang sumulat ng lahat ng kanta kasama si Nathan Chapman bilang isa pang prodyuser. Ang pangunahing kanta nito na “Mine” ay nailabas sa internet na nagresulta sa desisyon ang Big Machine Records na agahan ang labas ng kanta upang talunin ito. Dinaluhan niya ang 44th Annual Country Music Awars noong Nobyembre 10, 2010. Noong 2011, binisita ni Swift ang Singapore para sa kanyang Asian Tour. Ang Hong Kong ang huling destinasyon ng kanyang Speak Now World Tour at pagkatapos ay sisimulan naman niya ang kanyang European at American Tour. Noong 2010, nakabenta na si Swift ng 4,470,000 album sa Estados Unidos at 9.9 milyon digital tracks.

Istilo sa Pagsulat

Mala talambuhay ang kanyang mga kanta. Halimbawa nito ay ang “Forever and Always” tungkol sa relasyon nila ni Joe Jonas. Ang “Fifteen” ay tungkol sa unang taon niya sa high school. Sinabi din niya na gusto niyang makaugnay ang kanyang mga tagahanga. Dahil sa mala talambuhay na katangian ng kanyang mga kanta, ang iba niyang tagahanga ay sinaliksik ang pinagmulan ng kanyang mga kanta.

Ibang Trabaho

Pag-arte

Nagsimula ang kanyang pag-arte sa music video ni Brad Paisley na “Online”. Noong Marso 5 2009 naman, lumabas siya sa CSI: Crime Scene Investigation bilang Haley Jones. Noong 2010 naman, lumabas siya sa pelikulang Valentine’s Day bilang si Felicia. Napanalunan niya ang Teen Choice Award for Movie Female Breakout dahil sa kanyang karakter. Siya din ang boses ni Audrey sa animated film na “The Lorax” na ilalabas sa 2012.

Paninda

Si Swift ang mukha ng L.E.I Jeans simula 2008. Noong 2009, siya ang naging pinakabagong celebrity spokesperson ng National Hockey League.

Kawang-gawa

Noong Setyembre 21, 2007, tumulong si Swift helped sa kampanya upang maprotektahan ang kabataan laban sa online predators. Kasama niya si Tennessee Governor Phil Bredesen upang labanan ang internet sex crimes. Sa simula ng 2008, binigay niya ang isang rosas na Chevy pick-up truck sa children’s charity na Victory Junction Gang. Binigay din niya ang lahat ng kinita mula sa mga paninda ng 2008 Country Music Festival sa Red Cross, sa Nashville Area Red Cross Disaster Relief Fund at sa National American Red Cross Disaster Relief Fund. Nagbigay din siya ng $100,000 sa Red Cross sa Cedar Rapids, Iowa upang matulungan ang mga biktima ng baha noong 2008. Noong kanyang kaarawan, nagbigay din siya ng $250,000 sa iba’t ibang paaralan sa bansa na napasukan niya. Binigay din niya ang kanyang sapatos na may pirma niya sa Wish Upon a Hero Foundation's Hero in Heels na isang subasta upang makalikom ng pera para sa mga kababaihang may kanser. Noong 2010, nagbigay siya ng $500,000 upang matulungan ang mga biktima ng baha sa Tennessee.

Personal na Buhay

Noong 2008, nagkaroon ng relasyon si Swift kay Joe Jonas na natapos din ng taong iyon. Noong 2009, nakarelasyon naman niya ang aktor na si Taylor Lautner. Pinag-usanpan na ang kantang “Back to December” ng kanyang album na Speak Now ay tungkol kay Lautner. Sa katapusan ng 2010, nagkaroon sila ng maikling relasyon ng aktor na si Jake Gyllenhaal. Naghiwalay din sila noong simula ng 2011.

Mga Album

Taon	Album
2007	Taylor Swift
2008	Fearless (Fearless Release)
2009	Fearless: Platinum Edition (Taylor Swift album)
2010	Speak Now (Taylor Swift album)

Mga sanggunian

Ang lathalaing ito na tungkol sa Tao, Estados Unidos at Musika ay isang usbong. Makatutulong ka sa Wikipedia sa pagpapalawig nito. Padron:Link GA