Kimikang Pampaligid

Ang Kimikang Pampaligid ay isang maka-agham na pag-aaral ng mga kababalaghang kimika at biyokimika na nangyayari sa ating likas na kapaligiran. Kasama rito ang kimikang pangtubig at kimikang panglupa.

Ang paggamit ng pasukat na pagsusuring kimikal upang maunawaan ang sistemang kimika sa kalikasan o kaya’y bilang kasangkapang paniktik ng mga ahensya tulad ng ahensya sa paligid upang masumpungan halimbawa ang antas ng kontaminasyon (lason) na itinatapon ng mga industriya sa katubigan, kalupaan o himpapawid. Ito ang isang mahalagang gamit ng kimikang pampaligid. Ginagamit din ang kimikang pampaligid upang masumpungan ang antas ng nitrate/phosphate sa mga patubig na nanggagaling sa mga sinasakang bukid na nagdudulot ng matinding paglulumot (algal bloom) at eutropikasyon. Ang paggamit nito ay kinakailangan sa mga lugar na madaling pasukin ng katas ng nitrate (mula sa abono at dumi ng hayop) na kung saan ang pagsasaka ay lubhang nakasisira kung hindi masusubaybayan.