Himagsikang seksuwal

Ang rebolusyong seksuwal, himagsikang seksuwal, pag-aalsang seksuwal, liberasyong seksuwal, o kalayaang seksuwal ay isang kapanahunan at kilusang panlipunan na humamon sa mga nakaugaliang alituntunin ng pag-aasal na may kaugnayan sa seksuwalidad at ugnayang interpersonal sa mundong Kanluranin magmula dekada 1960 magpahanggang dekada 1980. Marami sa mga pagbabago sa mga pamantayang pangseks mula sa kapanahunang ito ay naging bahagi na ng pangunahing kalakaran sa lipunan.

Kabilang sa himagsikang pangseks ang pagtaas ng pagtanggap ng pagtatalik na nasa labas ng tradisyunal na ugnayang heteroseksuwal at pangmonogamiya, pangunahing na ang sa labas ng kasal. Sumunod dito ang kontrasepsiyon at ang pildorang kontraseptibo, paghuhubo't hubad sa harap ng madla, ang normalisasyon o pagiging normal ng homoseksuwalidad at pamalit na mga anyo ng seksuwalidad, at ang legalisasyon o pagiging legal ng aborsiyon.