Stress (mekanika): Pagkakaiba sa mga binago

Mula sa Wikipedia, ang malayang ensiklopedya
Content deleted Content added
m →‎Sanggunian: re-categorisation using AWB
m stub sorting &/or gen. fixes using AWB
Linya 16: Linya 16:


[[Kategorya:Inhenyeriya]]
[[Kategorya:Inhenyeriya]]


{{stub|Agham}}

Pagbabago noong 02:28, 30 Abril 2013

Stress

Ang stress ay salitang ginagamit sa inhinyera at pisika para tukuyin ang katindihan ng puwersa sa isang erya. Ito ay sinusukat sa paghahati (division) ng puwersa na ang karaniwang yunit ay Newton (N) at ng erya na ang karaniwang yunit ay metro kuwadrado (m2). Ang resulta ng yunit ng nasabing paghahati ay Pascal (Pa). Ang karaniwang simbolo nito ay ang letrang Griyego na σ. Ang stress sa nasabing paghahati ay maaring hindi ang stress na tunay na nararanasan ng isang bagay. Ito ay nagsisilbi lang na pagtantya sa tindi ng stress dahil average lang ang kinukuha rito. Sa inhinyeriya, ito ay isa sa mga sukatan ng pagiging matibay ng isang bagay. Mas matibay ang isang bagay, base sa stress, kung mas mataas ang stress na kaya nitong maranasan bago masira. Ang pagdesenyo ng mga poste (column) at biga (beam) sa mga bahay at gusali ay nakabase sa konseptong ito. Ang stress ay nahahati sa dalawang simpleng kategorya. Una ay ang aksyal (axial) na stress at ang pangalawa ay ang pumupunit (shearing) na stress.

Aksyal na stress

Sa aksyal na stress, may stress na nabubuo kapag may dalawang magkatapat at magkasalungat na puwersa. Ang aksyal na stress ay tinutukoy, kapareho rin ng stress, sa pamamagitan ng letrang Griyego na σ. Isang halimbawa nito ay ang epekto ng paghihilaan sa larong tug-of-war. Dahil sa paghihilaan, may nabubuong stress sa lubid. Ang puwersa ay ang ginagamit ng magkabilang panig samantalang ang erya ay ang erya ng lubid sa pahalang na direksyon (cross-section).

Pumupunit na stress

Sa pumupunit na stress, may stress naman na nabubuo sa pamamagitan ng magkasalungat na puwersa ngunit hindi magkatapat. Ang dalawang puwersang ito ay kailangang parallel. Ito ay tinutukoy sa pamamagitan ng letrang Griyego na τ. Ang pinakakaraniwang halimbawa nito ay ang paggupit ng papel gamit ang gunting. Ang puwersa rito ay nanggagaling sa mga kamay at ang erya naman ay ang manipis na bahagi ng papel.

Sanggunian

  • Beer et al. Mechanics of Materials, 4th Edition. McGraw-Hill International Edition. 2006


Agham Ang lathalaing ito na tungkol sa Agham ay isang usbong. Makatutulong ka sa Wikipedia sa pagpapalawig nito.