Pagkabigo: Pagkakaiba sa mga binago

Mula sa Wikipedia, ang malayang ensiklopedya
Content deleted Content added
AnakngAraw (usapan | ambag)
Linya 9: Linya 9:
{{reflist}}
{{reflist}}


[[Kategorya:Pagkabigo|*]]
[[Kaurian:Karanasan]]

Pagbabago noong 13:11, 27 Agosto 2013

Isang istatuwa ng isang babaeng nabigo sa pag-ibig. Pilit niyang inaabot ang isang nalaglag na mga bulaklak, ngunit magpasawalang-hanggang hindi na muling mapapasa kanyang mga kamay ang mga ito.

Ang kabiguan o pagkabigo ay isang kalagayan kung saan hindi nabuo o nakumpleto ang isang kaaya-ayang layunin o minimithing hangarin. Kapag nabigo ang isang bagay, matatalo o mawawala ito. Isa itong pagkakaroon ng pagkukulang o kakulangan at kawalan dahil hindi natupad o naganap ang nararapat sanang nagawa, na maaaring naging dulot ng kahinaan o depekto sa katangian, pamamaraan, o kaparaanan sa paggawa. Ngunit maaari ring dahil ito sa pagkakakalimot o nakaligtaan at hindi pag-aasikaso ng isang tao. Kabigtaran ito ng pagkakaroon ng tagumpay. Tinatawag na taong bigo ang isang taong walang tagumpay o hindi nanalo. Kasingkahulugan o kaugnay ng pagkabigo ang pagbalda, paghinto, pagbisala o kawalan ng kuryente, paglagpak o pagbagsak mula sa isang eksamen o kurso ng pag-aaral, pagkupas, pagkalugi sa negosyo o pag-aani, atake (katulad ng atake sa puso dahil nabigo na sa tungkulin ang organong ito), kapalpakan, pagkabangkarote, at mga katulad.[1]

Pagharap sa kabiguan

Ayon sa The Bounce Back Chronicles (o "Ang mga Kronika ng Pagtalbog Pabalik") ni Joe Kita na inilathala ng Reader's Digest noong Mayo 2009, ang pag-alam sa kung paano haharapin ang kabiguan ay ang unang hakbang papunta sa pagkakamit ng tagumpay. Sa artikulong ito, sumipi ang babasahin ng ilang mga kataga mula kay J.K. Rowling, may-akda ng mga nobelang kinabibidahan ni Harry Potter. Sa isang pagtalakay sa harap ng magtatapos na mga estudyante ng Pamantasan ng Harvard, hindi siya tumuon sa pagksa ng pagtatagumpay. Sa halip, nagsalita siya hinggil sa kabiguan sa pamamagitan ng pagsasalaysay ukol sa isang kabataang babaeng umayaw na sa pagnais niyang maging isang nobelista upang mag-aral ng mas praktikal na bagay. Gayunpaman, napabilang pa rin siya sa mga walang hanapbuhay sa Britanya. Dati siyang isang inang may-anak ngunit walang kapiling na esposo, at mayroon din namang nauuwiang tahanan. Sa panahong ito ng kanyang buhay, muli niyang natuklasan ang kahalagahan ng kanyang anak na babae, ang isang lumang makinilya, at ang isang ideyang kalulunsaran ng muli niyang pagbangon mula sa kabiguan. Kinalabasan ng kanyang karanasang ito ang mga nobelang Harry Potter.[2] Bilang dagdag, iminungkahi ng magasin ang ilang paraan upang makabangon mula sa pagkabigo, kabilang dito ang pagbabalik sa pag-aaral sa paaralan upang palawakin ang kasalukuyang pansariling mga kakayahan o ang pagdaragdag ng mga bago.[3] Samantala, para naman magkaroon ng kabuluhan ang pagpapalipas ng panahon ng kawalan ng gawain dahil sa pagkawala ng trabaho, hinikayat naman ni Joe Kita ang taong apektado na magtala ng tatlong mga bagay na iniibig niyang maalala ng ibang tao. Tinawag ni Kita ang prosesong ito bilang "pagsusulat ng sariling obituwaryo" na makakatulong sa pag-alam kung ano ang mahalaga sa buhay ng taong nagdaranas ng kabiguan, na nakatutulong din sa pagkakamit ng mga layunin. Isang halimbawang ibinigay ng Reader's Digest ang "magbigay ng bagay pabalik sa iba" o pakikipagkapwa-tao, katulad ng pagbibigay ng panahon o oras lamang kung walang salaping pang-abuloy sa iba. Isang kaparaanan ang pagkukusang-loob upang mabigyan ng pagkakataon ang sarili ng bagong mga kaugnayang taong may bagong mga ideya. Makapananariwa rin ng kaluluwa at kalooban ang karanasang ito.[4]

Mga sanggunian

  1. Gaboy, Luciano L. Failure - Gabby's Dictionary: Praktikal na Talahuluganang Ingles-Filipino ni Gabby/Gabby's Practical English-Filipino Dictionary, GabbyDictionary.com.
  2. Kita, Joe. The Bounce Back Chronicles, Reader's Digest, RD.com, nakuha noong Abril 20, 2009.
  3. Kita, Joe. The Dream: Going Back to School, 4 Ways to Follow Your Dreams, Reader's Digest, RD.com, nakuha noong Abril 20, 2009.
  4. Kita, Joe. The Dream: Giving Something Back, 4 Ways to Follow Your Dreams, Reader's Digest, RD.com, nakuha noong Abril 20, 2009.