Maurice Ravel

Si Maurice Ravel noong 1925.

Si Joseph-Maurice Ravel (ipinanganak sa Ciboure, Pyrénées-Atlantiques noong Marso 7, 1875 – namatay sa Paris noong Disyembre 28, 1937) ay isang Pranses na kompositor na tanging nakikilala dahil sa kaniyang mga melodiya, orkestral at instrumental na mga tekstura at mga epekto. Kasama ni Claude Debussy, isa si Ravel sa pinaka mahalagang tao may kaugnayan sa musikang impresyonista. Ang karamihan sa kaniyang musikang pampiyano, musikang pangtsamber, musikang pangtinig at musikang pang-orkestra ay pumasok sa pamantayang repertoryong pangkonsiyerto.

Ang pangalan ni Ravel ay madalas na iniisip na kasama ng kay Claude Debussy, subalit ang kanilang tugtugin ay talagang napaka magkaiba. Mahilig sa mga bata at mga hayop si RAvel at ang kaniyang musika ay madalas na tungkol sa mga ito. Mahilig siyang magsulat ng patungkol sa mga kuwento ng mga diwata at ng mga kuwento mula sa malalayong mga lupain. Nagsulat siya ng ilang kaibig-ibig na mga musika na pampiyano, na ang karamihan ay mahirap tugtugin. Ang Boléro ay isang piyesang para sa orkestra na tumatagal nang 17 mga minuto. Ang isang maiksing bersiyon ay ginamit ng mga iskeyter sa yelo na sina Torvill at Dean para sa sayaw na nakagawa sa kanila upang maging mga kampeong ng Olimpiko noong 1984.