Pisikang nilapat

Ang Applied Physics ay pisikang inilaan para sa isang partikular na teknolohikal o praktical na paggamit. Ito ay karaniwang itinuturing bilang isang tulay o isang koneksyon sa pagitan ng sipnayan at inhenyeriya.

Ang “Applied” ay naiiba mula sa “pure” sa pamamagitan ng dalubhasang kombinasyon ng mga kadahilanan tulad ng pagganyak at saloobin ng mga mananaliksik at mga katangian ng relasyon sa teknolohiya o agham na maaaring maapektuhan ng trabaho. Ito ay karaniwang na iiba sa inhenyeriya, ang isang applied physicist ay maaaring hindi magdisenyo ng isang bagay na partikular ngunit sa halip ay gumagamit ng pisika o magsagawa ng pananaliksik na may layunin na magbuo ng mga bagong teknolohiya o maglutas ng isang problema sa inhenyeriya. Ang applied physics ay nakaugat sa mga pangunahing katotohanan at mga pangunahing konsepto ng pisikal na agham ngunit nakatuon sa maayos na paggamit ng mga prinsipyong pang-agham para sa mga praktikal na mga aparato at mga sistema.

Ang applied physicist ay maaaring maging interesado sa paggamit ng pisika para sa siyentipikong pananaliksik. Halimbawa, sa larangan ng accelerator physics maaaring magbigay ito ng kontribusyon sa pananaliksik sa larangan ng theoretical physics sa pamamagitan ng pagdisenyo at konstruksiyon ng mga high-energy collider.