Parsing

Ang salitang ito ay may kaunting kaibahan sa kahulugan sa iba’t-ibang sangay ng linggwistiks at ng agham pangkompyuter. Ang tradisyunal na pagpaparse ng isang pangungusap ay kalimitang ginagawa bilang isang pamamaraan ng pag-intindi sa eksaktong kahulugan ng isang pangungusap, na may tulong galing sa mga aparato tulad ng mga diagram ng pangungusap. Ito ay kadalasan na nagbibigay-diin sa importansya ng mga dibisyon ng gramatika tulad ng paksa at panaguri.

Sa linggwistiks ng kompyutasyon, ang salita na ito ay ginagamit upang sumangguni sa pormal na pagsusuri ng isang kompyuter ng isang pangungusap o lupon ng mga salita sa kanilang mga bahagi, na nagbubunga ng isang "parse tree" na nagpapakita ng kanilang relasyong palaugnayan, na maaari ding magkaroon ng impormasyong semantiko at iba pang impormasyon.

Ang salita ay ginagamit din sa sikolinggwistiks tuwing naglalarawan ng pagunawa ng wika. Sa kontekstong ito, ang parsing ay sumasangguni sa paraan ng pagsusuri ng mga tao sa isang pangungusap o parirala (sa wikang pasalita o teksto) "batay sa nasasakupan ng gramatika, pagkilala sa mga bahagi ng pananalita, relasyong palaugnayan, atbp." Ang salitang ito ay karaniwang ginagamit tuwing tinatalakay kung ano ang naitutulong ng mga panglingguwistikang pahiwatig sa mga tagapagsalita upang maipaliwanag ang mga “garden-path” na pangungusap.

• Parsley