Sinaunang Gresya

Ang Parthenon na isang templong inalay kay Athena ay matatagpuan sa Acropolis sa Atenas at isa sa pinaka-kumakatawang mga simbolo ng kultura at sopistikasyon ng mga Sinaunang Griyego.

Ang Sinaunang Gresya ang kabihasnang Griyego na kabilang sa isang panahon ng kasaysayan ng Gresya na tumagal ng mga isang libong taon mula ika-8 siglo BCE hanggang ika-6 siglo BCE hanggang sa wakas ng antikwidad(ca. 600 CE). Pagkatapos ng panahong ito ang pasimula ng Maagang mga gitnang panahon at panahong Bisantino. Kabilang sa Sinaunang Gresya ang panahon ng Klasikong Gresya na yumabong noong ika-5 hanggang ika-4 siglo BCE. Ang Klasikong Gresya ay nagsimula sa pagpapatalsik sa isang pananakop na Persa (Persian) ng mga pinunong Atenian. Dahil sa mga pananakop ni Dakilang Alejandro, ang kabihasnang Helenistiko ay yumabong mula Sentral Asya hanggang sa kanluraning dulo ng Dagat Mediteraneo.

Ang kulturang Griyego lalo na ang pilosopiya ay makapangyarihang nakaimpluwensiya sa Imperyong Romano na nagdala ng bersiyon nito sa maraming mga bahagi ng Europo at ito ang isa sa mga inspirasyon ng Muling Pagsilang sa Kanlurang Europa. Ito rin ang naging batayan ng pagusbong ng Neoklasisismo sa Europa at mga Amerika noong ika-18 at ika-19 na dantaon.

Ginagamit ang salitang Sinaunang Gresya patungkol sa mga tao, pamumuhay at kaganapan sa mga lugar kung saan Grego ang salita ng mga tao noong sinaunang panahon. Maliban sa peninsula ng Gresya, kabilang dito ang Tsipre, mga isla sa Dagat Aegea, ang baybayin ng Anatolia (kilala noon bilang Ionia), Sicily sa timog Italya (kilala noon bilang Magna Graecia), at ang mga kalat na tirahan ng mga Grego sa baybayin ng Colchis, Illyria, Thrace, Ehipto, Cyrenaica, timog Gaul, silangan at hilagang-silangan ng Peninsulang Iberiko, Iberia at Taurica.

Bahagi ng isang serye tungkol sa
Kasaysayan ng Gresya
Panahong Tansong Griyego Helladic Cycladiko Minoan Mycenaean
Sinaunang Gresya Mga madilim na panahong Griyego Gresyang Arkaiko Gresyang Klasiko Gresyang Helenistiko Gresyang Romano
Griyegong Mediebal Byzantine Greece Mga estadong Frankish at Latin Ottoman Greece
Modernong Gresya Digmaan ng Kalayaan Kaharian ng Gresya Pambansang Sisma Ikalawang Republikang Heleniko Rehimeng ikaapat ng Agosto Okupasyong Aksis Digmaang Sibil Huntang Miltar Ikatlong Republikang Heleniko
History by topic Art Saligang Batas Ekonomiya Militaryo Mga pangalan

Tingnan din

• Gresyang Klasikal

Mga sanggunian

Ang lathalaing ito na tungkol sa Gresya at Kasaysayan ay isang usbong. Makatutulong ka sa Wikipedia sa pagpapalawig nito.