Palitang trebol

Isang palitang trebol na may mga collector o distributor roads.

Ang palitang trebol (Ingles: cloverleaf interchange), na tinatawag ding interkambiyong trebol, ay isang uri ng palitan. Ito ay isang dalawang-lebel na palitan kung saan ang mga pagliliko sa kaliwa ("mga kabilang direksyon" sa mga bansang kaliwa ang pagmamaneho) ay hinahawakan ng mga daang rampa (sa Estados Unidos, mga rampa o ramps; sa Nagkakaisang Kaharian: mga slip roads). Upang makapunta sa kaliwa (sa trapikong kanan o right-hand traffic), unang dapat na tumuloy ang mga sasakyan habang dumadaan ang isang daan sa ibabaw o ilalim ng isa pang daan, tapos ay lalabas sa isang one-way three-fourths na rampang silo (o loop ramp, 270°), at sumama sa daang sinasangandaan (intersecting road). Ang layunin ng isang palitang trebol ay upang payagan na magtawid ang dalawang lansangan nang sa gayon hindi na kailangang ihinto ang trapiko sa pamamagitan ng mga pulang ilaw ng traffic light. Isang limitasyon sa kakayahan ng isang palitang trebol ay ang traffic weaving, o ang pagsasama ng trapikong palabas at papasok sa parehong linya, na nagdudulot ng paglilimita ng bilang ng mga linya ng palikong trapiko.

Sa Pilipinas, ang mga pinakakilalang palitang trebol ay Palitan ng Balintawak at Palitan ng Smart Connect, kapuwa mga palitan ng North Luzon Expressway.

Kalahating palitang trebol

Isang kahalintulad (subalit pinaiba) na uri ng palitan ay ang kalahating palitang trebol (Ingles: Partial cloverleaf interchange), o parclo, na inimbento ng Ontario Ministry of Transportation sa Canada bilang kapalit sa palitang trebol sa mga 400-Series Highway kung saan hindi kinakailangan ng full grade separation. Sa gayon, hindi nagkakaroon ng mapanganib na mga dibuhong pabuhol (weaving patterns) sa trapiko at nagpapahintulot ng mas-maraming espasyo na mag-tulin o magbagal sa isang mabilisang daanan. Ang disenyo ng parclo ay pinuri ng marami, at naging isa sa mga pinakatampok na disenyong freeway-to-arterial interchange sa Hilagang Amerika. Ito rin ay ginagamit sa ilang bansang Europeo, tulad ng Alemanya, Kroasya, Italya, Ang Olanda, at Nagkakaisang Kaharian.

• Ilan sa mga uri ng mga kalahating palitang trebol
• 
  Palitang A4 sa right-hand traffic, o B4 sa left-hand traffic. Tinatawag din itong six-ramp partial cloverleaf.
• 
  Palitang B2 sa right-hand traffic, o A2 sa left-hand traffic. Tinatawag din itong nakatuklap na diyamante o folded diamond.
• 
  Palitang AB3 (hybrid).

Isang halimbawa ng palitang parclo sa Pilipinas ay Labasan ng Santa Rita (Santa Rita Interchange) ng North Luzon Expressway. Isa itong Palitang B2 na parclo na matatagpuan sa Guiguinto, Bulacan.

Mga imahe

• Mga halimbawa ng palitang trebol
• 
  Palitan ng Balintawak sa Pilipinas.
• 
  Isang palitang trebol sa Moscow, Rusya.
• 
  Isang palitang trebol sa Wyoming, Michigan, Estados Unidos.

• Mga halimbawa ng kalahating palitang trebol (parclo)
• 
  Isang palitang parclo sa Israel.
• 
  Isang palitang parclo sa Nesselwang, Baviera, Alemanya.
• 
  Isang palitang parclo sa Ontario, Canada.

Tingnan din

• Lansangan (highway)
• Mabilisang daanan (expressway)
• Palitan (interchange)

Mga ugnay panlabas

• Midyang kaugnay ng Cloverleaf interchanges sa Wikimedia Commons
• Midyang kaugnay ng Partial cloverleaf interchange sa Wikimedia Commons
• 40.571694°N 74.292796°W / 40.571694; -74.292796 Mapa ng palitang trebol sa Woodbridge, New Jersey
• 39.978943°N 74.182783°W / 39.978943; -74.182783 Mapa ng at-grade na palitang trebol sa Toms River, New Jersey
• UK-based discussion on cloverleaf interchanges