Sining

Sining

Ang sining, bagaman kadalasang tumutukoy ang salitang ito sa sining biswal, ay patuloy na nagbabago ang kaisipan na kung ano ang sining. Marahil na pinakamalawak ang pinakamaigsing kahulugan nito – tinutukoy ng sining ang lahat ng malikhaing pagsisikap ng tao, di kabilang ang mga gawaing may tuwirang ugnayan sa pananatili ng buhay at pagsusupling. Mula sa isang malawak na pagpapalagay, isang pangkalahatang kataga ang sining para sa anumang naibunga ng pagiging malikhain, na tumubo mula sa lahat ng iba pang larangan ng tao katulad ng agham sa pamamagitan ng alkimiya, at relihiyon sa pamamagitan ng shamanismo.

Ang salitang sining ay ginagamit upang ilarawan ang ilang mga gawain o mga paglikhang gawa ng mga tao na may kahalagahan sa isipan ng tao, na patungkol sa isang pagkaakit sa mga pandama ng tao. Kung kaya, ang isang sining ay nagagawa kapag ang isang tao ay nagpapadama ng kanyang sarili. Ilan sa mga sining ay magagamit sa isang diwang praktikal, katulad ng mangkok na putik na ineskultura o inukit na mapaglalagyan ng mga bagay-bagay. Maraming mga tao ang hindi sumasang-ayon sa kung paano bibigyan ng kahulugan ang sining. Maraming mga tao ang nagsasabi na ang tao ay sumusulong na makalikha ng sining dahil sa kanilang panloob na pagkamalikhain. Kabilang sa sining ang pagguhit, pagpipinta, paglililok, potograpiya, sining-pagganap, sayaw, musika, panulaan, prosa, at teatro.

Uri ng sining

Ang sining ay nahahati sa mga plastikong sining, kung saan ang isang bagay ay ginagawa, at sa isinasagawang sining (nilapat na sining), kung saan ang isang bagay ay ginagawa ng mga tao sa pamamagitan ng pagkilos. Ang isa pang paghahati ay sa pagitan ng dalisay na sining, na ginawa para sa kanilang mga sarili, at ang praktikal na sining, na ginawa para sa isang praktikal na layunin, subalit mayroong masining na nilalaman.

• Plastikong sining
  • Pinong sining, isang pagpapadama sa pamamagitan ng pagpapaganda o upang maging kaakit-akit o kahali-halina ng isang bagay sa mga emosyon o damdamin sa pamamagitan ng mga paraang mapagmamasdan o biswal: katulad ng pagguhit, pagpipinta, pagbabakat at pagtatatak ng disenyo, at paglililok
  • Panitikan: panulaan, malikhaing pagsusulat (sining sa malikhaing pagsulat)
• Isinasagawa o itinatanghal na sining
  • Isinasakatuparang sining na kinabibilangan ng drama, na pagpapadamang ginagamit ang katawan: sayaw, pag-arte, pag-awit
  • Nadidinig na sining, na naipapadama sa pamamagitan ng paglikha ng mga tunog: musika, pagkanta
• Praktikal na sining
  • Kulinaryong sining, pagpapadama ng mga pampalasa at mga lasa: pagluluto
  • Ang praktikal na sining na nagpapadama sa pamamagitan ng paggawa ng mga bagay at mga kayarian: arkitektura, pelikula, moda, potograpiya, mga larong bidyo

Makasining

Ang Makasining na salita ay alternatibong kapalit sa salitang "alagad ng sining" ayon sa may akda at may akda ng "Buhay na Obra","Sining: Ang pinakamataas na antas ng pakikipag-ugnayan" at "Tatlong Kabahagian ng Kalikasan" na kilalang pintor at manunulat na si Elito Circa, dagdag pa nila ang ilang katangian bilang makasining: May pagmamahal sa Diyos, May pagmamahal sa kalikasan, May pagmamahal sa bansa at sa bayan, May pagpapahalaga sa damdamin ng kapwa, May bait at disiplina, May pilosopiya at paninindigan.

Nalathala ang salitang "Makasining" sa mga akda at sulatin ng kilalalang pintor kasama na rito ang pagpapangalan sa lupon ng mga alagad ng sining tulad ng "Samahang Makasining (Artist Club), Inc." na nakarehistro sa Security and Exchange Commission (SEC) at kinilala ng National Commission for Culture and the Arts noong toang 1997.

Tingnan din

• Nilapat na sining
• magharot
• para grumaduate HAHAHAHA XDD

Mga sanggunian

kinuha namin ito sa pagkukunan kaya wag ka maniniwala humanap ka ng forever dun ka makakakuha ng kasiyahan na hindi mo alam hahahahahah