Kasalukuyan Miss Universe Miss International Miss Intercontinental Miss Supranational Miss Grand International Miss Globe Dati Miss Tourism Queen International Miss Young International (1970-1985) Miss Maja (1972-1992; 1995) Miss World (1992-2010)
Ang Binibining Pilipinas ay ang taunang pambansang patimpalak pangkagandahan sa Pilipinas na siyang pumipili ng mga kinatawan ng bansa sa mga pandaidigang patimpalak gaya ng Miss Universe, Miss International at iba pa.
Mga titulo at nagwagi
Miss Universe Philippines
Nang magsimula ang Binibining Pilipinas noong 1964, ang kandidatang nagwawaging Binibining Pilipinas ay lumalahok sa taunang Miss Universe pageant. Noong 1969, pinag-isa ng Binibining Pilipinas ang mga patimpalak nito para sa pagpili ng magiging kandidata ng bansa sa Miss Universe at Miss International pageants. Mula noon, ang magiging kandidata sa Miss Universe ay tinatanghal na Binibining Pilipinas – Universe.[2] Simula 2011, tinawag na itong Miss Universe Philippines upang maiayon sa mga pambansang titulo ng mga lalahok sa Miss Universe.
Nakuha ng Binibining Pilipinas ang prangkisa para sa Miss International noong 1968. Nang taong ding iyon, nagdaos ng hiwalay Miss Philippines pageant ang Binibining Pilipinas upang pumili ng kinatawan sa Miss International. Nang sumunod na taon, pinag-isa ng Binibining Pilipinas sa isang patimpalak ang paghirang ng mga kinatawan ng bansa sa Miss Universe at Miss International, ang mga nagiging kandidata sa hulí ay tinatanghal na Miss Philippines hanggang 1971. Simula 1972, ang mga napipiling kinatawan ng bansa sa Miss International ay tinatanghal na Binibining Pilipinas – International.[2][7]
Unang ginanap ang Miss Grand International noong 2013 kung saan naging kinatawan ng bansa si Annalie Forbes matapos siyang hirangin ni John dela Vega na siyang may hawak ng pambansang prangkisa. Noong 2014, nagtanghal ng Miss Grand Philippines kung saan ang nagwagi na si Kimberly Karlsson ang naging kinatawan sa pandaigdigang patimpalak. Nang sumunod na taon, inilipat sa Binibining Pilipinas ang prangkisa at isinama sa mga titulong iginagawad sa naturang patimpalak.[10]
Binibining Pilipinas – Intercontinental
Nagsimula noong 1971 bilang Miss Teenage Peace International, naging Miss Teenage Intercontinental noong 1974, Miss Teen Intercontinental noong 1979 at noong 1982 naging Miss Intercontinental na siya nitong pangalan hanggang sa kasalukuyan. Unang nagtanghal ng Binibining Pilipinas – Intercontinental noong 2014 makaraang mailipat mula sa Mutya ng Pilipinas ang pambansang prangkisa ng patimpalak.
Binibining Pilipinas – Globe
Unang nagpadala ng kandidata sa Miss Globe ang Bibinibing Pilipinas noong 2015, nang italaga nito ang kinoranahang Bb. Pilipinas – Tourism 2015 na si Ann Lorraine Colis na matagumpay namang inuwi ang naturang korona. Nang sumunod na taon, isa ang Bb. Pilipinas – Globe sa mga titulong iginawad sa taunang pambansang patimpalak.
↑Tinanghal na 1st runner-up ng 2012, itinalagang kinatawan sa Miss Supranational 2012.
↑Nagwaging Bb. Pilipinas – Tourism 2014, itinalagang kinatawan sa Miss Grand International 2015.
↑Nagwaging Bb. Pilipinas – Tourism 2015, itinalagang kinatawan sa Miss Globe 2015.
Mga dating titulo
Binibining Pilipinas – World
Nakuha ng Binibining Pilipinas mula sa Mutya ng Pilipinas ang prangkisa sa Miss World beauty pageant noong 1992 at nagsimulang magpadala ng kandidata ng taong ding iyon. Noong 2011, inilipat ito sa Miss World Philippines.[22]
Unang nagtanghal ng Binibining Pilipinas – Tourism noong 1987 upang maging katuwang ng Kagawaran ng Turismo sa pagpapalaganap ng turismo sa bansa. Noong 2011 lumahok sa pandaidigang patimpalak—sa Miss Tourism Queen International—ang nagwaging ang Bb. Pilipinas – Tourism.
↑Nagwaging Bb. Pilipinas – Tourism, itinalagang Bb. Pilipinas – Globe.
Iba pang dating titulo
Miss Young Pilipinas (1970–1985)
Nagdaos ang Binibining Pilipinas ng hiwalay na Miss Young Pilipinas pageant noong 1970 upang pumili ng kandidatang kakatawan sa Pilipinas sa gaganaping Miss Young International noong taóng iyon. Nang sumunod na taon, naging ikatlong titulo ang Miss Young Pilipinas sa mga itinatanghal sa Binibining Pilipinas. Tumagal ang paggawad ng naturang titulo hanggang 1985, makaraang hindi na ganapin ang pandaigdigang patimpalak.[2]
Miss Charming Pilipinas (1971–1972)
Noong 1971, itinalaga si Milagros Guttierez, 1st runner-up ng taóng iyon na maging kinatawan sa Miss Charming International 1971, kung saan siya'y nagwagi bilang 3rd runner-up.[25] Nang sumunod na taon, isa ang Miss Charming Pilipinas sa apat na titulong itinanghal sa Binibining Pilipinas, na napanalunan ni Isabel Seva, ngunit hindi na siya nakalahok sa pandaigdigang kompetisyon nang hindi na ito muling ganapin.
Miss Maja Pilipinas (1973–1992, 1995)
Nagsimulang ganapin ang Miss Maja International noong 1966. Lumahok ang Pilipinas sa naturang patimpalak noong 1972 kung saan si Bernice Romualdez ang naging unang kinatawan ng bansa. Noong 1973, nagsimulang magpadala ng kandidata ang Binibining Pilipinas, at itinalaga ang 1st runner-up ng taóng iyon na si Nanette Prodigalidad bilang kinatawan. Nang sumunod na taon, isa ang Miss Maja Pilipinas sa mga titulong itinatanghal na tumagal hanggang 1992. Noong 1995, nagkaroon ng hiwalay na patimpalak ang Binibining Pilipinas upang pumili ng kandidata para sa muli at naging hulí nang pagtatanghal ng pandaidigang patimpalak na tinawag nang Miss Maja del Mundo.