Subic Freeport Expressway

Subic–Tipo Expressway
NLEx Segment 7 Subic Freeport Expressway
Subic–Tipo Expressway pasilangan patungong Subic–Clark–Tarlac Expressway sa Hermosa, Bataan.
Impormasyon sa ruta
Pinangangasiwaan ng Tollways Management Corporation
Haba	8.8 km (5.5 mi)
Umiiral	Oktubre 15, 1996–kasalukuyan
Bahagi ng	E4
Pangunahing daanan
Dulo sa silangan	N3 (Abenida Jose Abad Santos) sa Dinalupihan, Bataan
	E4 (Subic–Clark–Tarlac Expressway) sa Hermosa, Bataan
Dulo sa kanluran	Lansangang Rizal at Maritan sa Subic Bay Freeport Zone, Olongapo, Zambales
Lokasyon
Mga lawlawigan	Bataan, Zambales
Mga pangunahing lungsod	Olongapo
Mga bayan	Dinalupihan, Hermosa, Morong
Sistema ng mga daan
Mga daanan sa Pilipinas Mga lansangan Mga mabilisang daanan Talaan

Ang Subic–Tipo Expressway (na tinatawag ding STE, STipEx, NLEx Segment 7, at Subic Freeport Expressway, dinaglat na SFEx) ay isang mabilisang daanan sa Gitnang Luzon, Pilipinas, na may dalawang linya at haba na 8.8 kilometro (5.5 milya). Dumadaan ito sa mga lalawigan ng Zambales at Bataan.

Binubuong bahagi ng Expressway 4 (E4) ng sistema ng mabilisang daanan sa Pilipinas.

Paglalarawan ng ruta

Simula sa mga Lansangang Rizal at Maritan sa kanluran, dadaan ang mabilisang daanan pahilaga sa mga latian ng dating Naval Exchange papuntang Lansangang Argonaut. Isang 230,000 boltaheng linyang transmisyon ng National Grid Corporation of the Philippines (NGCP) mula sa linyang transmisyon ng Hermosa-Olongapo ay tatawid sa mabilisang daanan sa simulang dulo nito bago pumasok ng Bataan National Park. Paglapit nito sa Lansangang Argonaut, liliko ito pa-kanan at aakyat ito habang papasok ng Bataan National Park. Liliko naman ang mabilisang daanan sa direksiyong patimog-silangan pagdaan sa mga dalisdis ng kabundukan. Papasok ang mabilisang daanan sa lalawigan ng Bataan paglabas nito ng Bataan National Park, at may dalawang pook serbisyo ng Total na kinabibilangan ng isa na bago mag-checkpoint panseguridad ng Subic Bay Metropolitan Authority (SBMA) para sa mga linyang patimog at isa na malapit sa checkpoint para sa mga linyang pahilaga. Liliko ito pakanluran, at pagkatapos ay pasilangan, tatawid sa ibabaw ng isang ilog, at babalik sa naunang direksiyon. May isang daang pang-ibabaw (overpass) pagkaraang ng tulay at bago makatumbok sa Subic–Clark–Tarlac Expressway (SCTEx). Pagkatumbok sa SCTEx, may isang tarangkahang pambayad (toll plaza) at hihiwalay ang daan sa dalawa, ang kaliwa ay patungong Abenida Jose Abad Santos (Daang Olongapo–Gapan), habang ang kanan ay isang tarangkahang pambayad na patungong SCTEx.

Pagpapalawak

Bilang bahagi ng mga proyektong pagpapalawak at pagpapaganda ng NLEx Corporation sa mga mabilisang daanan nito, kasalukuyang pinalalawak ang mabilisang daanan upang mailaan ang isang karagdagang daanan kasama ang dalawang mga tulay at isang tunel kalinya ng mga umiiral na daanan, tulay, at tunel. Pagkatapos ng pagpapaganda ng Subic–Tipo Expressway, magkakaroon ito ng dalawang mga landas sa bawat direksiyon mula sa simula nito sa SCTEx hanggang sa dulo nito sa Olongapo.

Mga teknikal na detalye

• Pangalan: Subic–Tipo Expressway
• Mayhawak: NLEX Corporation
• Tagapamahala: Tollways Management Corporation
• Pagsisimula ng paghawak: 1996
• Pagtatapos ng paghawak: Disyembre 31, 2037
• Haba: 8.8 km (5.5 mi)
• Mga labasan: 3
• Mga landas: 2 landas (isa sa bawat direksiyon)
• Mga tarangkahang pambayad: 2
• Mga pook pahingaan at serbisyo: 2
• Pinakamababang pahintulot na taas sa mga daang pang-ilalim: 4.88 m (16.0 tal)

Bayarin

Uri ng sasakyan	Bayarin
Class 1 (Mga sasakyan, motorsiklo, SUV, at jeepney)	₱/km
Class 2 (Mga bus, magaan na trak)	₱/km
Class 3 (Mga mabigat na trak)	₱/km

Mga labasan

Lalawigan	Lungsod/Bayan	km	mi	Mga paroroonan	Mga nota
Bataan	Dinalupihan	91	57	N3 (Abenida Jose Abad Santos)	Silangang dulo ng mabilis na daanan
	Hermosa	91	57	Tarangkahang Pambayad ng Tipo (Easytrip at kabayarang pansalapi. Mula Marso 18, 2016.)
		91	57	E4 (SCTEx) – Mabalacat, Maynila	Pasilangang labasan at pakanlurang pasukan
		90	56	Tarangkahang Pambayad ng Tipo (kabayarang pansalapi) (tinanggal)
	Morong	88	55	Tsekpoint ng Subic Bay Metropolitan Authority
				Total (Subic Tipo 2) (pakanluran)
		88	55	Holy Land Subic Sanctuary	Palitang trumpeta. Daan sa pakanluran ay sa pamamagitan ng Total (Subic Tipo 2)
		88	55	Total (Subic Tipo) (pasilangan)
Zambales	Olongapo	83	52	Lansangang Rizal, Lansangang Maritan	Kanlurang dulo ng mabilis na daanan
1.000 mi = 1.609 km; 1.000 km = 0.621 mi       Sarado/dati       Hindi kumpletong access       May toll

Tingnan din

• Sistema ng mabilisang daanan sa Pilipinas

Mga ugnay panlabas

• http://65.163.15.183/