Liwanag

Talaksan:PrismAndLight.jpg

Isang sinag ng puting liwanag (pumapasok pataas mula sa kanan) ay kinakalat sa kanyang magkakasamang mga kulay sa pamamagitan ng pagpasok nito sa isang prisma. Bumalik (na walang pagkalat) palabas ng unang ibabaw ng prisma ang maputlang sinag ng maputing liwanag na lumalabas sa mas mataas na kanan.

Ang Liwanag, o nakikitang liwanag, ay elektromagnetikong radyasyon may haba ng daluyong na nakikita ng mata ng tao (mga 400-700 nm), o hanggang 380-750 nm. Sa malawak ng larangan ng pisika, kadalasang tumutukoy ang liwanag sa lahat ng elektromagnetikong radyasyon ng lahat ng haba ng daluyong, kahit na ito'y nakikita o hindi.

May tatlong katangian ang liwanag:

• Katindihan;
• Prikwensiya o haba ng daluyong at;
• Polariseysyon.

Maaaring magkaroon ang liwanag ng parehong katangian ng daluyong at sambutil (mga poton). Tinatawag na kadalawahanng daluyong-sambutil (wave particle duality) ang katangiang ito. Tinatawag na optika ang pag-aaral ng liwanag na isang mahalagang larangan ng pagsasaliksik sa makabagong pisika.