Isabel Allende

Para sa the Chilean politician and daughter of Salvador Allende, tingnan ang Isabel Allende Bussi.

Isabel Allende
Trabaho	Manunulat
Nasyonalidad	Tsilena Amerikana
Kilusang pampanitikan	realismong mahikal
(Mga) kilalang gawa	The House of the Spirits
(Mga) nakaimpluwensiya Gabriel Garcia Marquez, Pablo Neruda
isabelallende.com

Si Isabel Allende Llona, (ipinanganak sa Lima, Peru; 2 Agosto 1942), ay isang Tsilena-Amerikanang manunulat. Isa siya sa unang mga matatagumpay na mga kababaihang manunulat sa Amerikang Latina. Minsang naglalaman ang kanyang mga akda ng mga aspeto ng tradisyong realismong masalamangka. Malawakang kilala siya para sa kanyang kontribusyon sa panitikang Latino-Amerikano, katulad ng mga nobelang The House of the Spirits (La casa de los espíritus o "Ang Bahay ng mga Espiritu" (1982) at City of the Beasts (La ciudad de las bestias o "Ang Lungsod ng mga Halimaw") (2002), na naging mga matatagumpay. Nagsulat siya ng mga nobelang nakabatay ang bahagi sa kanyang sariling mga karanasan, kalimitang nakatuon sa mga karanasan ng mga kababaihan, na nagsasanib ng mito at realismo. Nagsagawa siya ng mga pagtalakay o lektura at nakagawa ng maraming mga paglalakbay kaugnay ng kanyang mga aklat. Nagturo rin siya ng panitikan sa sampung mga dalubhasaan sa Estados Unidos. Naging mamamayan siya ng Estados Unidos noong 2003, at kasalukuyang naninirahan sa Kaliporniya na kasama ang kanyang asawa. Maihahambing ang kanyang mga sulatin sa mga akda nina Gail Anderson-Dargatz, Louise Erdrich at Laura Esquivel. May pinagmulang lahing Basque si Allende.