Paypay

Ang kinaroroonan ng iskapula o tunay na paypay (scapula) at ng balagat o klabikula (clavicle).

Ang dalawang nasa gilid na paypay, kapag tinanaw mula sa likuran ng piling bahagi ng kalansay ng katawan.

Ang paypay, payumpong, o iskapula ay ang butong nasa pinakapalikpik ng likod ng katawan. Kung minsan natatawag ding "paypay" ang balagat, bagaman may kamalian. Tinatawag ding omo o talim ng balikat ang tunay na paypay (hindi ang balagat). Pinaghuhugpong o pinagdirikit ng paypay ang mga humerus ("buto ng braso") at ang balagat. Ito rin ang bumubuo sa panlikurang bahagi ng lantik o girdel ng balikat. Sa mga tao, isang itong pisang buto, na may pagkatatsulok ang hugis, na nakalagay sa posterolateral o panlikod na tagilirang bahagi ng kulungan o kahang torasiko