Asin (kimika)

Tungkol ang artikulong ito sa katagang kimika na asin. Para sa pang-araw-araw na kahulugan, tingnan asin (kondimento) o ang pangunahing sangkap nito, sodyong klorido. Para sa bandang Pilipino, tingnan Asin (banda).

Pinalaking larawan ng kristal ng isang asin (halito/sodyong klorido)

Sa kimika, ang asin ay kahit anong ionikong kompwesto na binubuo ng positibong elektrikong kargang mga kation at negatibong may kargang anion, sa gayon ang produkto ay neyutral at walang netong karga. Maaaring inorganiko (Cl⁻) ang mga ionong ito, gayon din amg organiko (CH₃−COO⁻) at ionong monoatomika (F⁻) at poliatomika (SO₄²⁻).

Nabubuo ang mga asin (gayon din ang tubig) kapag may reaksyon ang mga asido at mga base.

Tinatawag na mga elektrolito ang mga solusyon ng asin sa tubig. Nagpapadaloy ng kuryente ang mga elektrolito, gayon din ang mga natunaw na asin.