Aklat ng Pahayag: Pagkakaiba sa mga binago

Mula sa Wikipedia, ang malayang ensiklopedya
Content deleted Content added
EmausBot (usapan | ambag)
m r2.6.4) (robot dinagdag: bar:Offnbarung vo Johannes
PixelBot (usapan | ambag)
m r2.6.4) (robot binago: bar:Offnbarung vom Johannes
Linya 40: Linya 40:
[[arc:ܓܠܝܢܐ ܕܝܘܚܢܢ]]
[[arc:ܓܠܝܢܐ ܕܝܘܚܢܢ]]
[[ast:Apocalipsis]]
[[ast:Apocalipsis]]
[[bar:Offnbarung vo Johannes]]
[[bar:Offnbarung vom Johannes]]
[[be:Кніга Апакаліпсіс]]
[[be:Кніга Апакаліпсіс]]
[[bg:Откровение на Йоан]]
[[bg:Откровение на Йоан]]

Pagbabago noong 04:56, 25 Agosto 2011

Bagong Tipan ng Bibliya

Mga Aklat ng Bibliya

Ang Aklat ng Pahayag kay Juan o Pahayag kay Juan,[1] na kilala rin bilang Aklat ng Pahayag o Pahayag lamang, ay ang pinakahuling aklat sa Bagong Tipan sa Bibliya ng mga Kristiyano.[2] Nakikilala rin ito bilang Apokalipsis ni Juan o payak na Apokalipsis (Hula) lamang. Isinulat ito ni Juan na taga-Patmos noong pagitan ng 81 hanggang 96, ang kapanahunan ni Emperador Domiciano.[2] Naglalaman ito ng mga simbolismo at mga pahayag o pagsisiwalat na apokaliptiko. Isa itong aklat na nagkaroon ng malaking impluwensiya at epekto sa panitikang Kristiyano dahil sa laman nitong mga "magagandang mga alusyon" o mga parunggit (mga pahiwatig o mga paramdam).[3]

Layunin

Noong panahon ng emperador na si Domiciano, dumaranas ng pag-uusig ang mga Kristiyano, kaya't pinayuhan at pinaalalahan sila ng may-akda ng Aklat ng Pahayag na magiging matatag sa kanilang pananalig sa Diyos.[2] Sinabi ng may-akda na ang Kristiyanismo ay magtatagumpay laban sa kasamaan sa pamamagitan ni Hesukristo.[3]

Paglalarawan

Tinutukoy sa Aklat ng Pahayag ang mga panahong darating, pati na ang "huling tagumpay" pagsapit sa "huling araw", at gayon din ang pagbabalik ni Hesukristo. Inilalahad rin dito ang nangyari nang pakikibaka at pagwawagi ni Hesukristo laban kay Satanas at mga kasamahan ng diyablong ito. Ang tinutukoy na tagumpay ni Hesus ang sanhi ng walang katapusang "paghahari ng Diyos". Dahil sa mga pagtukoy ng aklat na ito sa mga parating na panahon, isa itong apokalipsis, isang uri ng pagsusulat na puno ng nakakubling mga simbolo at ng mga "salitang larawan", at kadalasang nakatuon sa hindi tiyak kung kailan darating na wakas ng panahon. Ang mga sagisag na ginamit sa Aklat ng Pahayag ay mga simbolong karaniwan o pamilya sa mga Kristiyano subalit hindi pangkaraniwan o "nakakubli" para sa mga hindi Kristiyano.[3] Dahil hindi nauunawaan ng mga may kapangyarihan mga Romano ang "salitang-larawan" at mga simbolo, naging maginhawang lantad na basahin ng mga Kristiyano ang Aklat ng Pahayag, na hindi nanganganib na dakpin upang ibilanggo.[3]

Balangkas

Ang Aklat ng Pahayag ay binubuo ng limang mga bahagi:[2]

  • A. Ang mga liham para sa Pitong Simbahan o Iglesya sa Asya (1, 4 - 3,22)
  • B. Ang Pagwawagi ng Diyos laban sa mga diyus-diyosan ng Imperyong Romano (4 - 19)
  • C. Ang Paghahari ni Hesukristo sa lipunan ng sangkatauhan pagkalipas na maigapos ang Dragon sa loob ng isanlibong mga taon (20, 1- 6)
  • D. Ang pagpapakawala kay Satanas pagkalipas ng isanlibong mga taon, kasama ang pag-uusig sa Simbahan, at ang Huling Paghuhukom (20, 7 - 14)
  • E. Ang paggawad ng gantimpala para sa mabubuting mga tao, at ng kaparusahan para sa masasamang mga tao (21, 1 -22, 11)
Paglalarawan ng isang tagpong apokaliptiko.

Mga sanggunian

  1. Ang Pahayag kay Juan, Ang Biblia, AngBiblia.net
  2. 2.0 2.1 2.2 2.3 Abriol, Jose C. (2000). "Pahayag". Ang Banal na Biblia, Natatanging Edisyon, Jubileo A.D. Paulines Publishing House/Daughters of St. Paul (Lungsod ng Pasay) ISBN 9715901077., pahina 1793.
  3. 3.0 3.1 3.2 3.3 ""The Revelation of John"". The New Book of Knowledge (Ang Bagong Aklat ng Kaalaman), Grolier Incorporated. 1977., New Testament,Bible, tomo para sa titik B, pahina 162.

Mga panlabas na kawing

Padron:Link FA