Aklat ng Pahayag: Pagkakaiba sa mga binago
WikitanvirBot (usapan | ambag) m r2.7.1) (robot binago: ko:요한 묵시록 |
タチコマ robot (usapan | ambag) m r2.7.2) (robot dinagdag: th:พระธรรมวิวรณ์ |
||
| Linya 108: | Linya 108: | ||
[[sw:Ufunuo wa Yohane]] |
[[sw:Ufunuo wa Yohane]] |
||
[[ta:திருவெளிப்பாடு (நூல்)]] |
[[ta:திருவெளிப்பாடு (நூல்)]] |
||
[[th:พระธรรมวิวรณ์]] |
|||
[[ug:ۋەھىيلەر]] |
[[ug:ۋەھىيلەر]] |
||
[[uk:Апокаліпсис]] |
[[uk:Апокаліпсис]] |
||
Pagbabago noong 12:51, 26 Disyembre 2011
| Bagong Tipan ng Bibliya |
|---|
|
|
| Mga Aklat ng Bibliya |
|---|
|
Ang Aklat ng Pahayag kay Juan o Pahayag kay Juan,[1] na kilala rin bilang Aklat ng Pahayag o Pahayag lamang, ay ang pinakahuling aklat sa Bagong Tipan sa Bibliya ng mga Kristiyano.[2] Nakikilala rin ito bilang Apokalipsis ni Juan o payak na Apokalipsis (Hula) lamang. Isinulat ito ni Juan na taga-Patmos noong pagitan ng 81 hanggang 96, ang kapanahunan ni Emperador Domiciano.[2] Naglalaman ito ng mga simbolismo at mga pahayag o pagsisiwalat na apokaliptiko. Isa itong aklat na nagkaroon ng malaking impluwensiya at epekto sa panitikang Kristiyano dahil sa laman nitong mga "magagandang mga alusyon" o mga parunggit (mga pahiwatig o mga paramdam).[3]
Layunin
Noong panahon ng emperador na si Domiciano, dumaranas ng pag-uusig ang mga Kristiyano, kaya't pinayuhan at pinaalalahan sila ng may-akda ng Aklat ng Pahayag na magiging matatag sa kanilang pananalig sa Diyos.[2] Sinabi ng may-akda na ang Kristiyanismo ay magtatagumpay laban sa kasamaan sa pamamagitan ni Hesukristo.[3]
Paglalarawan
Tinutukoy sa Aklat ng Pahayag ang mga panahong darating, pati na ang "huling tagumpay" pagsapit sa "huling araw", at gayon din ang pagbabalik ni Hesukristo. Inilalahad rin dito ang nangyari nang pakikibaka at pagwawagi ni Hesukristo laban kay Satanas at mga kasamahan ng diyablong ito. Ang tinutukoy na tagumpay ni Hesus ang sanhi ng walang katapusang "paghahari ng Diyos". Dahil sa mga pagtukoy ng aklat na ito sa mga parating na panahon, isa itong apokalipsis, isang uri ng pagsusulat na puno ng nakakubling mga simbolo at ng mga "salitang larawan", at kadalasang nakatuon sa hindi tiyak kung kailan darating na wakas ng panahon. Ang mga sagisag na ginamit sa Aklat ng Pahayag ay mga simbolong karaniwan o pamilya sa mga Kristiyano subalit hindi pangkaraniwan o "nakakubli" para sa mga hindi Kristiyano.[3] Dahil hindi nauunawaan ng mga may kapangyarihan mga Romano ang "salitang-larawan" at mga simbolo, naging maginhawang lantad na basahin ng mga Kristiyano ang Aklat ng Pahayag, na hindi nanganganib na dakpin upang ibilanggo.[3]
Balangkas
Ang Aklat ng Pahayag ay binubuo ng limang mga bahagi:[2]
- A. Ang mga liham para sa Pitong Simbahan o Iglesya sa Asya (1, 4 - 3,22)
- B. Ang Pagwawagi ng Diyos laban sa mga diyus-diyosan ng Imperyong Romano (4 - 19)
- C. Ang Paghahari ni Hesukristo sa lipunan ng sangkatauhan pagkalipas na maigapos ang Dragon sa loob ng isanlibong mga taon (20, 1- 6)
- D. Ang pagpapakawala kay Satanas pagkalipas ng isanlibong mga taon, kasama ang pag-uusig sa Simbahan, at ang Huling Paghuhukom (20, 7 - 14)
- E. Ang paggawad ng gantimpala para sa mabubuting mga tao, at ng kaparusahan para sa masasamang mga tao (21, 1 -22, 11)
Mga iba't ibang interpretasyon
- Preterismo: Ang paniniwalang ang mga pangyayari sa Aklat ng Pahayag ay tumutukoy sa mga pangyayaring naganap noong unang siglo CE. Ayon sa paniniwalang ito, ang Halimaw sa Pahayag 13 ay tumutukoy kay emperador Nero ng Imperyo Romano. Ito ang paniniwalang tinatanggap ng maraming mga skolar ng Bibliya.
- Historisismo; Ang paniniwalang ang ilan sa mga pangyayari sa Aklat ng Pahayag ay naganap at ang ilan ay nagaganap sa kasalukuyang panahon. Ayon sa paniniwalang ito, ang halimaw sa Pahayag 13 ang papa ng Romano Katoliko. Kanila ding ginagamit ang titulong Vicarius Filii Dei upang patunayang ang papa ang 666. Ayon din sa paniniwalang ito, ang Dakilang Babilonia sa Pahayag 17 ay tumutukoy sa Romano Katolisisimo. Ang mga sektang Kristiyanong may ganitong paniniwala ay kinabibilangan ng mga adventista at mga sektang nagmula dito.
- Futurismo: Ang paniniwalang ang mga pangyayari sa Aklat ng Pahayag ay mangyayari sa hinaharap. Ayon sa paniniwalang ito, ang anti-kristo ay lilitaw pagkatapos itayo ang Ikatlong Templo sa Jerusalem at makikipagkasundo sa bansang Israel sa 7 taon ngunit kanyang lalabagin ang kasunduan sa loob ng 3 1/2 taon at papasok sa itinayong templo sa Jerusalem at idedeklara ang kanyang sarili na diyos. Ang mga sektang naniniwala di
- Idealismo: Ang paniniwalang ang mga pangyayari sa Aklat ng Pahayag ay simboliko.
Mga sanggunian
- ↑ Ang Pahayag kay Juan, Ang Biblia, AngBiblia.net
- ↑ 2.0 2.1 2.2 2.3 Abriol, Jose C. (2000). "Pahayag". Ang Banal na Biblia, Natatanging Edisyon, Jubileo A.D. Paulines Publishing House/Daughters of St. Paul (Lungsod ng Pasay) ISBN 9715901077., pahina 1793.
- ↑ 3.0 3.1 3.2 3.3 ""The Revelation of John"". The New Book of Knowledge (Ang Bagong Aklat ng Kaalaman), Grolier Incorporated. 1977., New Testament,Bible, tomo para sa titik B, pahina 162.
Mga panlabas na kawing
- Aklat ng Pahayag (Revelation), mula sa Ang Dating Biblia (1905)
- Ang Pahayag kay Juan, Buong Bibliya sa wikang Tagalog, mula sa AngBiblia.net
- Pahayag, Ang Salita ng Diyos (SND, 1998), Bibliyang Tagalog sa Internet (Bagong Tipan), BiblesInternational, BibleGateway.com